ପ୍ରମୂଖ ଖବର
  • ଶ୍ରୀମନ୍ଦିରରେ ପୂଜା ହେଲା ଆଇପିଏଲ୍‌ ଟ୍ରଫି, ବିଜୟୀ ହେବାକୁ 'କୋଲକତା ନାଇଟ୍ ରାଇଡର୍ସ'ର ପ୍ରାର୍ଥନା
  • ||
  • ଶ୍ରୀମନ୍ଦିରରେ ମହାପ୍ରଭୁଙ୍କର ବଡ଼ ମହାସ୍ନାନ, ବେହେରଣ ଦ୍ୱାର ନିକଟରେ ପଡିଥିଲା ରକ୍ତ ଛିଟା
  • ||
  • ବାଲେଶ୍ୱର : ଘରେ ପଶି ଅଙ୍ଗନବାଡ଼ି କର୍ମୀଙ୍କୁ ହାଣିଲେ ଦୁର୍ବୃତ୍ତ, ପୋଲିସର ତଦନ୍ତ ଆରମ୍ଭ
  • ||
  • ନୂଆଦିଲ୍ଲୀ ରେଳଷ୍ଟେସନ ଦଳାଚକଟା ଘଟଣାର ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଅଶ୍ୱିନୀ
  • ||
  • ନୂଆଦିଲ୍ଲୀ ରେଳଷ୍ଟେସନ ଦଳାଚକଟା ଘଟଣା, ମୃତ୍ୟୁ ସଂଖ୍ୟା ୧୮କୁ ବୃଦ୍ଧି, ଶୋକବ୍ୟକ୍ତ କଲେ ରାଷ୍ଟ୍ରପତି, ପ୍ରଧାନମନ୍ତ୍ରୀ
  • ||
  • ଓଡ଼ିଶା ଅର୍ଥନୈତିକ ସର୍ଭେ ରିପୋର୍ଟ: ଚଳିତ ବର୍ଷ ଅଭିବୃଦ୍ଧି ୭.୨%କୁ ହ୍ରାସ, ଆଗାମୀ ବର୍ଷ ୮.୫% ହାରରେ ବଢ଼ିବ
  • ||
  • କଟକ : ଷ୍ଟ୍ରିଟ୍‌ ଲାଇଟ୍‌ ଖୁଣ୍ଟରୁ ଯୁବକଙ୍କୁ ଝୁଲନ୍ତା ମୃତଦେହ ଉଦ୍ଧାର, କାରଣ ଅସ୍ପଷ୍ଟ
  • ||
  • ଗରମରୁ ମିଳିବ ସାମାନ୍ୟ ଆଶ୍ୱସ୍ତି: ଆସନ୍ତା ୧୯ରୁ ୨୧ ଯାଏ ବର୍ଷା ସମ୍ଭାବନା, ବିଭିନ୍ନ ଜିଲ୍ଲାକୁ ଆଲର୍ଟ ଜାରି
  • ||

ସୀମାରେ ବାଂଲାଦେଶୀ ଦୁର୍ବୃତ୍ତଙ୍କ ପଥରମାଡରେ ବିଏସଏଫ ଯବାନ ଆହତ, ଚୋରା ଚାଲାଣକାରୀଙ୍କୁ ଦେଉଛନ୍ତି ମୁହଁତୋଡ ଜବାବ…

Published By : Prameya | January 21, 2025 11:01 PM

ନୂଆଦିଲ୍ଲୀ: ଭାରତ ଏବଂ ବାଂଲାଦେଶ ମଧ୍ୟରେ ତିକ୍ତତା ବଢିବାରେ ଲାଗିଛି । ଏହି ସମୟରେ ସୀମାରେ ମଧ୍ୟ ଉତ୍ତେଜନା ଦେଖିବାକୁ ମିଳିଛି। କୁଚବିହାରର ନାରାୟଣଗଞ୍ଜ ସୀମା ଆଉଟପୋଷ୍ଟରେ ପାଟ୍ରୋଲିଂ କରୁଥିବା ସମୟରେ ବାଂଲାଦେଶୀ ଅନୁପ୍ରବେଶକାରୀଙ୍କ ଦ୍ବାରା ପଥର ମାଡ଼ ହେବା ଫଳରେ ଜଣେ ବିଏସଏଫ ଯବାନଙ୍କ ମୁଣ୍ଡରେ ଗମ୍ଭୀର ଆଘାତ ଲାଗିଛି। ଘଟଣାଟି ଗତକାଲି (ସୋମବାର) ଘଟିଛି,  ଯେତେବେଳେ ବାଂଲାଦେଶୀ ଅନୁପ୍ରବେଶକାରୀ ମାନେ ଭାରତୀୟ ସୈନିକଙ୍କ ଉପରେ ପଥର ମାଡ଼ କରିଥିଲେ।

ସୂଚନା ମୁତାବକ ଭାରତ-ବାଂଲାଦେଶ ଅନ୍ତର୍ଜାତୀୟ ସୀମାରେ ନିୟୋଜିତ ବିଏସଏଫ ସୈନିକ ମାନେ ବାଂଲାଦେଶ ସୀମାରେ ବାଡ଼ ନିକଟରେ ବହୁ ସଂଖ୍ୟକ ଦୁର୍ବୃତ୍ତଙ୍କ ସନ୍ଦେହଜନକ କାର୍ଯ୍ୟକଳାପ ଲକ୍ଷ୍ୟ କରିଥିଲେ। ଏହି ଲୋକମାନେ ବେଆଇନ ଭାବରେ ଏବଂ ଜାଣିଶୁଣି ଅନ୍ତର୍ଜାତୀୟ ସୀମା ଉଲ୍ଲଂଘନ କରିଥିଲେ ଏବଂ ସେମାନଙ୍କର ଭାରତୀୟ ସହଯୋଗୀ ମାନଙ୍କ ସହାୟତାରେ ନିଷିଦ୍ଧ ଜିନିଷ ଚୋରା ଚାଲାଣ କରିବାକୁ ଚେଷ୍ଟା କରୁଥିଲେ।

ତେବେ ସତର୍କ ବିଏସଏଫ ଯବାନମାନେ ସେମାନଙ୍କୁ ସେମାନଙ୍କର ବେଆଇନ କାର୍ଯ୍ୟକଳାପ ବନ୍ଦ କରି ବାଂଲାଦେଶୀ ଅଞ୍ଚଳକୁ ଫେରିଯିବାକୁ ଚ୍ୟାଲେଞ୍ଜ କରିଥିଲେ। ତଥାପି, ବାଂଲାଦେଶୀ ଦୁର୍ବୃତ୍ତମାନେ ବାରମ୍ବାର ମୌଖିକ ଚେତାବନୀକୁ ଅଣଦେଖା କରିଥିଲେ । ଚୋରା ଚାଲାଣକାରୀ ମାନେ ବିଏସଏଫ ଯବାନଙ୍କୁ ଦୁର୍ବ୍ୟବହାର କରିଥିଲେ ଏବଂ ସେମାନଙ୍କ ଉପରେ ପଥର ମାଡ଼ ଆରମ୍ଭ କରିଥିଲେ । 

ବାଂଲାଦେଶୀ ଦୁର୍ବୃତ୍ତ ମାନଙ୍କ ପଥର ମାଡ଼ ଯୋଗୁଁ ଜଣେ ବିଏସଏଫ ଯବାନଙ୍କ ମୁଣ୍ଡରେ ଗୁରୁତର ଆଘାତ ଲାଗିଥିଲା ଏବଂ ତାଙ୍କୁ ଚିକିତ୍ସା ପାଇଁ ବିଏସଏଫ ହସ୍ପିଟାଲକୁ ପଠାଯାଇଥିଲା । ଚୋରା ଚାଲାଣକାରୀଙ୍କୁ ରୋକିବା ଏବଂ ଘଉଡ଼ାଇବା ପାଇଁ ମୁହଁତୋଡ ଯବାବ ଦେଇଥିଲେ। 

 

 

 

 

.

 

 

 

 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.