ବିନିକା/ସିଂଘିଯୁବା,୨୯/୫ :  ବିନିକା ଅଞ୍ଚଳରେ ଆଜି ସନ୍ଧ୍ୟାରେ ବର୍ଷା ସାଙ୍ଗକୁ ପ୍ରବଳ ଘଡ଼ଘଡ଼ି ହୋଇଥିଲା ।  ବଜ୍ରପାତ ଘଟି ଜଣେ ଚାଷୀଙ୍କ ମୃତ୍ୟୁ ଘଟିଛି । ମୃତ ଚାଷୀ ଜଣଙ୍କ ହେଲେ ସୁବର୍ଣ୍ଣପୁର ଜିଲ୍ଲା ବିନିକା ଥାନା ସିଂଘିଯୁବା ପଞ୍ଚାୟତ କମିରା ଗାଁର ଡୋଲାମଣୀ ପଧାନ (୬୨) I ଡୋଳାମଣି  ଆଜି ସନ୍ଧ୍ୟାରେ ନିଜ ଚାଷ ଜମିକୁ ଧାନ ଗୋଟାଇବାକୁ ଯାଇଥିବା ସମୟରେ ହଠାତ୍ ବଜ୍ରପାତରେ ଆଘାତ ହୋଇ ବିଲରେ ଟଳି ପଡ଼ିଥିଲେ । 

ଖବରପାଇ  ପରିବାର ଲୋକେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ବିନିକା ଗୋଷ୍ଠୀସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ I  ଡାକ୍ତର ଦେଖି ତାଙ୍କୁ ମୃତ ଘୋଷଣା କରିଥିଲେ I ଆସନ୍ତାକାଲି ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ଶବ ହସ୍ତାନ୍ତର କରାଯିବ ।  ତେବେ ଡୋଳାମଣି ଅତ୍ୟନ୍ତ ଗରିବ ଶ୍ରେଣୀର ହୋଇଥିବାରୁ ତାଙ୍କ ପରିବାରକୁ ସରକାରୀ ସହାୟତା ଯୋଗାଇ ଦେବାକୁ ଦାବି ହେଉଛି I ସେହିପରି ବଜ୍ରାଘାତରେ ବିନିକା ଥାନା ଦେଣ୍ଡୁପଦର ଗାଁର ଭଗବାନ ଗଡୁଆ (୫୦) ମଧ୍ୟ ବିଲରେ ଧାନ ସାଉଁଟୁଥିବା ସମୟରେ ବଜ୍ରାଘାତରେ ଆହତ ହୋଇ ବିନିକା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇ ଚିକିତ୍ସିତ ହେଉଛନ୍ତି I