କଟକ, ୫।୭ ମହାନଦୀର ନରାଜ ନିକଟସ୍ଥ ବୁଢ଼ା ବନ୍ଧରେ ରବିବାର ଏକ ଦୁଃଖଦ ଅଘଟଣ ଘଟିଛି। ବୁଢ଼ା ବନ୍ଧ ନିକଟରେ ବୁଲାବୁଲି କରୁଥିବା ବେଳେ ୩ ଜଣ ଯୁବକ ହଠାତ୍ ନଦୀର ପ୍ରଖର ସ୍ରୋତରେ ଭାସିଯାଇଥିଲେ। ସ୍ଥାନୀୟ ଲୋକମାନେ ୨ ଜଣ ଯୁବକଙ୍କୁ ସୁରକ୍ଷିତ ଭାବେ ଉଦ୍ଧାର କରିଥିଲେ। କିନ୍ତୁ ଅନ୍ୟ ଜଣେ ଯୁବକ ଏପର୍ଯ୍ୟନ୍ତ ନିଖୋଜ ରହିଛନ୍ତି। ନିଖୋଜ ଯୁବକ ଜଣକ ହେଲେ କଟକ ମାଛୁଆ ବଜାର ଅଞ୍ଚଳର ।
ଘଟଣା ସମ୍ପର୍କରେ ସୂଚନା ପାଇବା ପରେ ଅଗ୍ନିଶମ ବାହିନୀ ଓ ପୁଲିସ ଟିମ୍ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ। ଅଗ୍ନିଶମ ବାହିନୀ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି। ଏହି ଘଟଣା ପରେ ନଦୀ କୂଳରେ ବହୁ ସଂଖ୍ୟକ ସ୍ଥାନୀୟ ଲୋକଙ୍କ ଭିଡ଼ ଜମିଛି।
ବର୍ଷା ଋତୁରେ ମହାନଦୀର ଜଳସ୍ତର ଓ ସ୍ରୋତ ବଢ଼ିଥିବାରୁ ନଦୀ କୂଳ ଓ ବନ୍ଧ ଅଞ୍ଚଳକୁ ବୁଲିବାକୁ ଯାଉଥିବା ଲୋକଙ୍କୁ ପ୍ରଶାସନ ସତର୍କତା ଅବଲମ୍ବନ କରିବାକୁ ବାରମ୍ବାର ପରାମର୍ଶ ଦେଉଛି। ନିଖୋଜ ଯୁବକଙ୍କ ସନ୍ଧାନ ମିଳିବା ପର୍ଯ୍ୟନ୍ତ ଉଦ୍ଧାର କାର୍ଯ୍ୟ ଜାରି ରହିବ ବୋଲି ଅଗ୍ନିଶମ ବିଭାଗ ସୂଚନା ଦେଇଛି।
ଆହୁରି ପଢନ୍ତୁ : ଆରଡିସି ଏବଂ ଜିଲ୍ଲାପାଳଙ୍କୁ ରାଜସ୍ୱ ସଚିବଙ୍କ ଚିଠି , ଭୂଦାନ ଜମିର ବଣ୍ଟନ ଏବଂ ମ୍ୟୁଟେସନ୍ ଉପରେ ସ୍ଥଗିତ ନିର୍ଦ୍ଦେଶ
