ନୂଆଦିଲ୍ଲୀ,୦୭/୦୫: ପହଲଗାମ ପ୍ରତିଶୋଧ ନେଇଛି ଭାରତ । ପାକିସ୍ତାନ ଉପରେ ରାତି ଅଧିଆ ଏୟାରଷ୍ଚ୍ରାକ୍ କରି ସିନ୍ଦୂରର ବଦଲା ସିନ୍ଦୂରରେ ନେଇଛନ୍ତି ଭାରତୀୟ ସେନା । ପହଲଗାମ ଆତଙ୍କୀ ଆକ୍ରମଣରେ ଯାଇଥିବା ୨୬ ନୀରିହ ଜୀବନର ପ୍ରତିଶୋଧ ନେଇଛନ୍ତି । ଲୁହ-ଲହୁର ହିସାବ ନେଇଛି ଭାରତ । ସଫଳ ହୋଇଛି 'ଅପରେସନ ସିନ୍ଦୂର' । ପାକିସ୍ତାନ ଉପରେ ଭାରତର ଏୟାରଷ୍ଟ୍ରାଇକ୍ ପରେ ସବୁଠି ସେଲିବ୍ରେସନ୍ । ଅଦିନିଆ ଦୀପାବଳି ପାଳିଛନ୍ତି ଦେଶବାସୀ । ପଲ୍ଲୀରୁ ଦିଲ୍ଲୀ ସବୁଠି ସେଲିବ୍ରେସନ୍ । 'ହିନ୍ଦୁସ୍ତାନ ଜିନ୍ଦାବାଦ' 'ଭାରତ ମାତା କି ଜୟ' ଧ୍ୱନୀରେ କମ୍ପୁଛି ଗଗନ ପବନ । ଭାରତୀୟଙ୍କ ଖୁସିର ଠିକଣା ନାହିଁ ।
ଅଧିକ ପଢନ୍ତୁ...Operation Sindoor: ପାକିସ୍ତାନ ଛାତିରେ ଏୟାରଷ୍ଟ୍ରାଇକ୍, ଦେଖନ୍ତୁ ୯ ଆତଙ୍କୀ ଆଡ୍ଡାର ଲିଷ୍ଟ
ପହଲଗାମ ନରସଂହାରର ପ୍ରତିଶୋଧ ଠିକ୍ ୧୨ ଦିନ ପରେ ସେହି ମଙ୍ଗଳବାର ସିନ୍ଦୂରା ଫାଟିବା ଆଗରୁ ନେଇଛି ଭାରତୀୟ ସେନା । ପୁରା ପ୍ଲାନ ସହ ପହଲଗାମର ପ୍ରତିଶୋଧ ନେଇଛି । ଆତଙ୍କୀଙ୍କ ମୂଳଦୁଆକୁ ଖିନଭିନ୍ କରିଛି । ପାକିସ୍ତାନ ଭିତରେ ପଶି ୯ ଆତଙ୍କୀ ଠିକଣାରେ ପ୍ରଚଣ୍ଡ ମିସାଇଲ ମାଡ଼ କରିଛି । ପାକିସ୍ତାନ ସେନା ଓ ସରକାରଙ୍କ ନିଜ ଭାଙ୍ଗିବା ପୂର୍ବରୁ ନିଦ ହଜିଯାଇଛି । ଥରି ଉଠିଛି ପାକ୍ ଅଧିକୃତ କାଶ୍ମୀର (ପିଓକେ) ଏବଂ ପାକିସ୍ତାନର କେତେକ ଅଞ୍ଚଳ । ୯୦ ଆତଙ୍କୀ ନିହତ ହୋଇବା ସୂଚନା ମିଳିଛି ।
ଆକ୍ରମଣରେ ଗୋଟିଏ ପରେ ଗୋଟିଏ ପ୍ରଚଣ୍ଡ ବିସ୍ଫୋରଣ ହୋଇଛି । ସେସବୁ ସ୍ଥାନରେ ଭୟଙ୍କର ଅଗ୍ନି ବିସ୍ଫୋରଣର ଦୃଶ୍ୟ ଦେଖିବାକୁ ମିଳିଛି । ଆତଙ୍କିତ ଲୋକମାନେ ଏଣେତେଣେ ଦୌଡ଼ୁଥିବା ଦେଖିବାକୁ ମିଳିଛି । ଅନେକ ଆତଙ୍କୀ କ୍ୟାମ୍ପ ଧ୍ୱସ୍ତବିଧ୍ୱସ୍ତ ହୋଇଯାଇଛି । ଲସ୍କର-ଏ- ତୋଏବା ଏବଂ ଜୈସ-ଇ-ମହମ୍ମଦ ସଙ୍ଗଠନର ମୁଖ୍ୟାଳୟ ଉପରେ ମାଡ଼ କରାଯାଇଛି । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗଣମାଧ୍ୟମର ପ୍ରଶ୍ନର ଉତ୍ତରରେ କହିଛନ୍ତି, ‘ଇଟ ଇଜ୍ ସେମ୍... ଭାରତ ଆକ୍ରମଣ କରିଥିବା ଆମେ ଏବେ ଶୁଣିଲୁ । ଏହା ଶୀଘ୍ର ଶେଷ ହେବ ବୋଲି ଆଶା କରୁଛୁ ।
