ପ୍ରମୂଖ ଖବର
  • ସୁନ୍ଦରଗଡ଼ : ବ୍ରାହ୍ମଣୀ ନଦୀରେ ବୁଡ଼ି ନାବାଳକ ନିଖୋଜ, ସର୍ଚ୍ଚ ଅପରେସନ୍‌ ଜାରି
  • ||
  • ଇଂଲଣ୍ଡ ଗସ୍ତ ପୂର୍ବରୁ ଭାରତକୁ ଲାଗିପାରେ ବଡ଼ ଝଟକା; ସାମି-ବୁମରାଙ୍କ ଖେଳିବାକୁ ନେଇ ସନ୍ଦେହ
  • ||
  • ସମ୍ୱଲପୁର : କଫ୍‌ ସିରପ୍‌ ଭର୍ତ୍ତି ବକ୍ସ ଚୋରି କରିବା ପଡ଼ିଲା ମହଙ୍ଗା, ସମ୍ବଲପୁର ଟାଉନ୍ ଥାନା ଏଏସ୍‌ଆଇ ନିଲମ୍ବିତ
  • ||
  • ରେକର୍ଡ ଭାଙ୍ଗିଲା ଶ୍ରୀନଗର ତାତି ; ୫୪ ବର୍ଷ ପରେ ୩୪ ଡିଗ୍ରୀ ପାର୍‌, ୧୩୩ ବର୍ଷ ପରେ ଜଳିଲା ମେ'
  • ||
  • ଭୁବନେଶ୍ୱର : ବିଦେଶରେ ଚାକିରି ଲୋଭ ଦେଖାଇ କୋଟି କୋଟି ଟଙ୍କା ଠକେଇ, ଅଭିଯୁକ୍ତ ଗିରଫ
  • ||
  • ମେ ୨୭ ନୁହେଁ, ୨୬ରେ ସାବିତ୍ରୀ ଛୁଟି ଘୋଷଣା କଲେ ସରକାର, ୨୭ରେ ଖୋଲା ରହିବ ସରକାରୀ ଅଫିସ୍
  • ||
  • ବିଳିବିଳଉଛି ପାକିସ୍ତାନ; 'ପାଣି ବନ୍ଦ କଲେ ଆମେ ତୁମ ନିଶ୍ୱାସ ବନ୍ଦ କରିଦେବୁ', ପୁରୁଣା ଡଇଲଗ ଦୋହରାଇଲେ ପାକ୍‌ ଜେନେରାଲ
  • ||
  • ସମ୍ବଲପୁର: ମାଲଖାନାରୁ କଫ୍‌ ସିରପ୍ ଚୋରି କରିଟାଉନ୍‌ ଥାନାରେ କାର୍ଯ୍ୟରତ ASI ବିଦ୍ୟୁତ୍ ପଣ୍ଡା ନିଲମ୍ବିତ
  • ||
  • ଭିଜିଲାନ୍ସ ଜାଲରେ R&B ଡିଭିଜନ୍‌ର କନିଷ୍ଠ ଯନ୍ତ୍ରୀ ସୁଶାନ୍ତ ସେଠୀ, ଏକକାଳୀନ ୮ ଟି ସ୍ଥାନରେ ଭିଜିଲାନ୍ସ ଟିମ୍‌ର ଚଢ଼ାଉ
  • ||
  • ୨୭ ଯାଏ ଘୁଞ୍ଚିଲା ସ୍ପେସାଲ୍‌ ଓଟିଇଟି ଆବେଦନ, ଫର୍ମ ପୂରଣର ଅବଧିକୁ ବଢ଼ାଇଲା ବୋର୍ଡ
  • ||
  • କେନ୍ଦୁଝର : ବେଆଇନ ବାଲି ଚୋରା ଚାଲାଣ ବେଳେ ୩ ହାଇୱା ଜବତ, ୬ ଲକ୍ଷରୁ ଉର୍ଦ୍ଧ୍ୱ ଟଙ୍କା ଜରିମାନା ଆଦାୟ
  • ||
  • ଏବେ ୭୮୮ ଭାରତୀୟ ଛାତ୍ରଙ୍କର କଣ ହେବ ? ହାର୍ଭାର୍ଡରେ ବିଦେଶୀ ଛାତ୍ରଙ୍କ ନାମଲେଖା ଉପରେ ରୋକ୍ ଲଗାଇଲେ ଟ୍ରମ୍ପ
  • ||
  • ବାଂଲାଦେଶରେ କିଛି ଠିକ୍ ନାହିଁ ; ବିପଦରେ ୟୁନୁସଙ୍କ ଗାଦି, ସେନାମୁଖ୍ୟ ଦେଲେ ଅଲଟିମେଟ୍
  • ||
  • ନେପାଳରେ ଭୂକମ୍ପ ଝଟକା,ରିକ୍ଟର ସ୍କେଲରେ ତୀବ୍ରତା ୪.୭ ରେକର୍ଡ
  • ||
  • ରାଜ୍ୟ ସରକାରଙ୍କ ବର୍ଷ ପୂର୍ତ୍ତି : ମନ୍ତ୍ରିମଣ୍ଡଳ ସମ୍ପ୍ରସାରଣ ଚର୍ଚ୍ଚା, ୬ ମନ୍ତ୍ରୀ ପଦ ପାଇଁ ଆଶାୟୀଙ୍କ ଲବି ଭୁବନେଶ୍ୱରରୁ ଦିଲ୍ଲୀ
  • ||
  • ସୁବର୍ଣ୍ଣପୁର : ଭାରସାମ୍ୟ ହରାଇ ରାସ୍ତା ତଳକୁ ଖସିଲା ବାଜା ଗାଡ଼ି: ୨ ମୃତ, ୨୫ ଆହତ
  • ||
  • ଦେଶ ସମ୍ଭାଳିପାରୁ ନାହାନ୍ତି ବାଂଲାଦେଶ ଅନ୍ତରୀଣ ସରକାର ମହମ୍ମଦ ୟୁନୁସ, ଇସ୍ତଫା ଦେବାକୁ ବଳାଇଲେ ମନ
  • ||
  • ରାଜ୍ୟରେ ବଦଳିଲା ପାଗର ମିଜାଜ୍, ଖସିଲା ତାତି : ଏ ମାସ ଶେଷ ସୁଦ୍ଧା ମୌସୁମୀ, ୨୭ରେ ଲଘୁଚାପ ସମ୍ଭାବନା
  • ||

ଚେତାବନୀ ପରେ ମଧ୍ୟ ଆମ ସୈନ୍ୟ ଶିବିର ଉପରେ ଆକ୍ରମଣ କରିଛି ପାକିସ୍ତାନ, ଆଜି ଜବାବ ଦେଇଛି ଭାରତ: କର୍ଣ୍ଣଲ ସୋଫିଆ

Published By : Prameya | May 8, 2025 6:58 PM

Image source: TV9

ନୂଆଦିଲ୍ଲୀ,୦୮/୦୫: ଗୁରୁବାର ଦିନ ବୈଦେଶିକ ସଚିବ ବିକ୍ରମ ମିଶରୀ, କର୍ଣ୍ଣେଲ ସୋଫିଆ କୁରେଶୀ ଏବଂ ୱିଙ୍ଗ କମାଣ୍ଡର ଭ୍ୟୋମିକା ସିଂହ ପାକିସ୍ତାନ ବିରୁଦ୍ଧରେ ଅପରେସନ ସିନ୍ଦୂର ସମ୍ପର୍କରେ ଏକ ସାମ୍ବାଦିକ ସମ୍ମିଳନୀରେ ଯୋଗ ଦେଇଥିଲେ। ଏହି ଅବସରରେ ବୈଦେଶିକ ସଚିବ ବିକ୍ରମ ମିଶରୀ ପାକିସ୍ତାନ ଉପରେ ଆକ୍ରମଣ ପାଇଁ ଅଭିଯୋଗ ଆଣିଥିଲେ। ସେ କହିଥିଲେ ଯେ ପାକିସ୍ତାନ ଆକ୍ରମଣରେ ୧୬ ନିରୀହ ଲୋକଙ୍କ ମୃତ୍ୟୁ ହୋଇଛି ଏବଂ ୫୯ ଜଣ ଆହତ ହୋଇଛନ୍ତି। ଏହା ସହିତ, ଭାରତ ସାଧାରଣ ନାଗରିକଙ୍କ ଉପରେ ଆକ୍ରମଣ କରିଛି ବୋଲି ପାକିସ୍ତାନର ଦାବିକୁ ଭିତ୍ତିହୀନ ବୋଲି କହିଛନ୍ତି। ସେ ସ୍ପଷ୍ଟ କରିଛନ୍ତି ଯେ ଭାରତ କେବଳ ଆତଙ୍କବାଦୀଙ୍କ ଉପରେ ଆକ୍ରମଣ କରିଛି। ସେ ସ୍ପଷ୍ଟ କରିଛନ୍ତି ଯେ ପାକିସ୍ତାନ ଉସୁକାଇଛି ଏବଂ ଭାରତ ଏହାର କଡ଼ା ଜବାବ ଦେଉଛି, ତାହା ପହଲଗାମରେ ଆତଙ୍କବାଦୀ ଆକ୍ରମଣ ହେଉ କିମ୍ବା ତା’ପରେ ପ୍ରତିଶୋଧମୂଳକ କାର୍ଯ୍ୟାନୁଷ୍ଠାନ ହେଉ।

ବୈଦେଶିକ ସଚିବ ବିକ୍ରମ ମିଶରୀ କହିଛନ୍ତି ଯେ ପହଲଗାମ ଆକ୍ରମଣର ଜବାବ ଗତକାଲି ଭାରତୀୟ ସେନା ପାକିସ୍ତାନକୁ ଦେଇଛି। ଲସ୍କର ସହିତ ଜଡ଼ିତ ଏକ ସଂଗଠନ ପହଲଗାମ ଆକ୍ରମଣ ପାଇଁ ନିଜକୁ ଦାୟି କରିଥିଲା। ପାକିସ୍ତାନ ଜାତିସଂଘର ପ୍ରେସ୍ ରିଲିଜରେ ଟିଆର୍‌ଏଫ୍‌ ନାମକରଣକୁ ବିରୋଧ କରିଥିଲା। ସାମ୍ବାଦିକ ସମ୍ମିଳନୀରେ କର୍ଣ୍ଣେଲ ସୋଫିଆ କହିଛନ୍ତି ଯେ ପାକିସ୍ତାନୀ ସାମରିକ ଘାଟିକୁ ଟାର୍ଗେଟ କରାଯାଇ ନାହିଁ। ଭାରତ ଯେକୌଣସି ସାମରିକ ଆକ୍ରମଣର ଜବାବ ଦେବ। ପାକିସ୍ତାନ ଡ୍ରୋନ୍ ଏବଂ କ୍ଷେପଣାସ୍ତ୍ର ସାହାଯ୍ୟରେ ଉତ୍ତର ଏବଂ ପଶ୍ଚିମ ଭାରତରେ ଅବସ୍ଥିତ ଅନେକ ସାମରିକ ଘାଟି ଉପରେ ଆକ୍ରମଣ କରିବାକୁ ଚେଷ୍ଟା କରିଥିଲା, ଯାହାକି ପାକିସ୍ତାନୀ ଆକ୍ରମଣର ପ୍ରମାଣ ଅଟେ। ସେ କହିଛନ୍ତି ଯେ ଅବନ୍ତିପୁରା, ଶ୍ରୀନଗର, ଜମ୍ମୁ, ପଠାନକୋଟ, ଅମୃତସର, ଆଦମପୁର, ବଥିଣ୍ଡା, ଚଣ୍ଡିଗଡ଼, ନାଲ୍, ଫାଲୋଡି, ଉତ୍ତରଲାଇ, କପୁରଥଲା, ଜଳନ୍ଧର, ଲୁଧିଆନା ଏବଂ ଭୁଜ ସମେତ ଉତ୍ତର ଏବଂ ପଶ୍ଚିମ ଭାରତରେ ଅନେକ ସାମରିକ ଘାଟିକୁ ଟାର୍ଗେଟ କରିବାକୁ ଚେଷ୍ଟା କରାଯାଇଥିଲା। ଏହି ସ୍ଥାନଗୁଡ଼ିକରେ ଭଙ୍ଗା ଅବଶେଷ ମିଳିଛି।

ଏହି ଅବସରରେ, ବୈଦେଶିକ ସଚିବ ବିକ୍ରମ ମିଶ୍ରୀ କହିଛନ୍ତି ଯେ ପାକିସ୍ତାନ ଆତଙ୍କବାଦୀ ଘଟଣାରୁ ହାତ ଧୋଇବାକୁ ଚାହୁଁଛି, କିନ୍ତୁ ଗତକାଲିର ବୟାନକୁ ଆମେ ପୁଣି ଦୋହରାଇ କହୁଛୁ ଯେ, ପାକିସ୍ତାନ ବିଶ୍ୱ ଆତଙ୍କବାଦର କେନ୍ଦ୍ରସ୍ଥଳ। ଏହି ମାମଲାରେ ସିଧାସଳଖ ପ୍ରମାଣ ଉପଲବ୍ଧ। ବିଶ୍ୱରେ ଅନେକ ଆତଙ୍କବାଦୀ ଆକ୍ରମଣ ହୋଇଛି, ଏଥିରେ ପାକିସ୍ତାନର ହାତ ମିଳିଛି। ସେ କହିଛନ୍ତି ଯେ ପାକିସ୍ତାନ ଜାଣିଶୁଣି ଅନ୍ତର୍ଜାତୀୟ ସମୁଦାୟକୁ ଭ୍ରମିତ କରିବାକୁ ଚେଷ୍ଟା କରିଛି। ପାକିସ୍ତାନ ଜାତିସଂଘ ଦ୍ୱାରା କୁହାଯାଇଥିବା ଆତଙ୍କବାଦୀଙ୍କ ବାସ୍ତବିକ ଘରପାଲଟିଛି।ଏଥିରେ ମାସୁଦ ଅଝାର ଏବଂ ହାଫିଜ୍ ମହମ୍ମଦ ସଇଦ ଭଳି ଆତଙ୍କବାଦୀ ରହିଛନ୍ତି। ଭାରତ କେବଳ ପ୍ରତିଶୋଧ ନେଉଛି। କେବଳ ଆତଙ୍କବାଦୀ ଆଡ୍ଡାଗୁଡ଼ିକୁ ଟାର୍ଗେଟ କରାଯାଇଥିଲା।

ପାକିସ୍ତାନର ନିରପେକ୍ଷ ତଦନ୍ତର ଦାବି କେବଳ ଫମ୍ପା ଆଓ୍ବାଜ:

ସେ କହିଛନ୍ତି ଯେ ପାକିସ୍ତାନ ଦାବି କରୁଛି ଯେ ବର୍ବର ଆକ୍ରମଣର ମିଳିତ ତଦନ୍ତ କରାଯିବା ଉଚିତ। ସମସ୍ତେ ପାକିସ୍ତାନର ଟ୍ରାକ୍ ରେକର୍ଡ ଜାଣନ୍ତି। ତାହା ୨୦୦୮ ମୁମ୍ବାଇ ହେଉ କିମ୍ବା ୨୦୧୬ ପଠାନକୋଟ ଆକ୍ରମଣ। ଭାରତ ସହଯୋଗ ପ୍ରଦାନ କରିଥିଲା। ଫରେନସିକ୍ ପ୍ରମାଣ ଦେଇଥିଲା ଏବଂ ଦୋଷୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେବା ବିଷୟରେ କଥା ହୋଇଥିଲା ଏବଂ ନ୍ୟାୟ ବିଷୟରେ କଥା ହୋଇଥିଲା। ମୁମ୍ବାଇ ଆକ୍ରମଣରେ ଜଣେ ଲସ୍କର-ଏ-ତୈବା ଆତଙ୍କବାଦୀ ଧରାପଡ଼ିଥିଲା, କିନ୍ତୁ ଏହି ମାମଲାରେ କୌଣସି ଅଗ୍ରଗତି ହୋଇନାହିଁ। ଏପରି ପରିସ୍ଥିତିରେ, ପାକିସ୍ତାନର ଦାବିର କୌଣସି ଗୁରୁତ୍ୱ ନାହିଁ। 

ବୈଦେଶିକ ସଚିବ କହିଛନ୍ତି ଯେ ପାକିସ୍ତାନ ଦାବି କରୁଛି ଯେ ମେ ୭ ତାରିଖରେ ହୋଇଥିବା ଆକ୍ରମଣରେ କେବଳ ସାଧାରଣ ନାଗରିକଙ୍କ ମୃତ୍ୟୁ ହୋଇଥିଲା, କିନ୍ତୁ ଭାରତ କେବଳ ଆତଙ୍କବାଦୀଙ୍କ ଆଡ୍ଡାକୁ ଟାର୍ଗେଟ କରିଥିଲା। ଆତଙ୍କବାଦୀଙ୍କ ଅନ୍ତିମ ସଂସ୍କାରର ରିପୋର୍ଟ ସ୍ପଷ୍ଟ ଭାବରେ ଦର୍ଶାଉଛି ଯେ ଯଦି କେବଳ ସାଧାରଣ ନାଗରିକଙ୍କ ମୃତ୍ୟୁ ହୁଏ, ତେବେ ଏହି ଚିତ୍ର କ'ଣ କହୁଛି? ଏହି ପ୍ରଶ୍ନ ପଚରାଯିବା ଉଚିତ। ରାଷ୍ଟ୍ର ଦ୍ୱାରା ଆତଙ୍କବାଦୀଙ୍କ ଅନ୍ତିମ ସଂସ୍କାର କେବଳ ପାକିସ୍ତାନରେ ହୁଏ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.