ନୂଆଦିଲ୍ଲୀ,୬।୩: ଭୁଲରେ ନିଜ ଦେଶର ନାଗରିକଙ୍କ ଉପରେ ସେନାର ବୋମା ମାଡ଼। ଏଭଳି ଏକ ଘଟଣା ଘଟିଛି ଦକ୍ଷିଣ କୋରିଆରେ ବାୟୁସେନା ଦ୍ବାରା। ଏଥିରେ ୧୫ ଜଣ ନାଗରିକ ଗୁରୁତର ଆହତ ହୋଇଛନ୍ତି। ଗୁରୁବାର ଏକ ସାମରିକ ଅଭ୍ୟାସ ବେଳେ ବାୟୁସେନାର କେଏଫ୍-୧୬ ଫାଇଟର ଜେଟ୍ରୁ ୮ଟି ବୋମା ମାଡ଼ ହୋଇଥିଲା। ଏହାଦ୍ବାରା ସାଧାରଣ ଲୋକ ଆହତ ହୋଇଛନ୍ତି। ଏହି ଦୁର୍ଘଟଣା ଉତ୍ତର କୋରିଆ ନିକଟରେ ଥିବା ସହର ପୋଶିଓନରେ ହୋଇଛି। ଏହି କ୍ଷେତ୍ର ଦକ୍ଷିଣ କୋରିଆର ରାଜଧାନୀ ସିଓଲଠାରୁ ୪୦ କିଲୋମିଟର ଉତ୍ତରପୂର୍ବରେ ଘଟିଛି।
ଦକ୍ଷିଣ କୋରିଆର ବାୟୁସେନା ପକ୍ଷରୁ କୁହାଯାଇଛି ଯେ, କେଲଫ୍-୧୬ ଫାଇଟର ଜେଟ୍ ଭୁଲରେ ଫାୟାରିଂ ରେଞ୍ଚ ବାହାରେ ବୋମାମାଡ କରିଛି। ଯାହାପଳରେ ନାଗରିକଙ୍କୁ କ୍ଷତି ହୋଇଛି। ନ୍ୟୁଜ ଏଜେନ୍ସି ଏପିର ରିପୋର୍ଟ ଅନୁସାରେ, ବାୟୁସେନା ଏହି ମାମଲାର ଯାଞ୍ଚ ପାଇଁ ଏକ କମିଟି ଗଠନ କରିଛି କିଭଳି ଏପରି ଅଘଟଣ ଘଟିଲା ?
ପୋଶିଅନ୍ ଅଞ୍ଚଳରେ ଥିବା ଲୋକ ଏହି ଘଟଣା ବିରୋଧରେ ବିକ୍ଷୋଭ କରିଛନ୍ତି। ଲୋକମାନେ କହିଚନ୍ତି ଆମେ ବହୁ ବର୍ଷ ହେବ ପାଖରେ ଟ୍ରେନିଂ ଗ୍ରାଉଣ୍ଡ ତିଆରି କରିବାକୁ ବିରୋଦ କରୁଥିଲୁ। ଏହି କାରରରୁ ଆମର ଦୈନନ୍ଦିକ କାମ ବାଧାପ୍ରାପ୍ତ ହେଉଛି। ଏହାଛଡା କ୍ଷତି ହେବାର ବିପଦ ମଧ୍ୟ ସବୁବେଳେ ରହିଛି। ଦେଶର ପ୍ରତିରକ୍ଷା ମନ୍ତ୍ରଣାଳୟ କହିଛି ଗୁରୁବାର ଆମେରିକା ସେନା ସହ ମିଶି ଲାଇଭ ଫାୟାର ଏକ୍ସରସାଇଜ୍ ଚାଲିଥିଲା। ଏହାପରେ ଆଗାମୀ ବର୍ଷରୁ ବାର୍ଷିକ ଅଭ୍ୟାସ ମଧ୍ୟ ହେବ। ସୋମବାରରୁ ହିଁ ଆମେରିକା ଓ ସାଉଥ୍ କୋରିଆ ଭିତରେ ଆନୁବଲ ଫ୍ରିଡମ୍ ଏକ୍ସରସାଇଜ୍ ହେବାର ଅଛି। ଏହି ମିଳିତ ଅଭ୍ୟାସ ୨୦ ମାର୍ଚ୍ଚ ପର୍ଯ୍ୟନ୍ତ ଚାଲିବ। ତେବେ ଏହି ଘଟଣା ଖୁବ୍ ଦୁର୍ଭାଗ୍ୟପୂର୍ଣ୍ଣ।
