ପ୍ରମୂଖ ଖବର
  • କଳାହାଣ୍ଡି : ଗାଁ ରାସ୍ତାରୁ ଯୁବକଙ୍କ ମୃତଦେହ ଉଦ୍ଧାର, ପୋଲିସର ତଦନ୍ତ ଆରମ୍ଭ
  • ||
  • ରାଇରଙ୍ଗପୁର ଗସ୍ତରେ ଯିବେ ମୁଖ୍ୟମନ୍ତ୍ରୀ, ଆଜି ପଣ୍ଡିତ ରଘୁନାଥ ମୁର୍ମୁଙ୍କ ଜୟନ୍ତୀ ଉତ୍ସବରେ ଯୋଗ ଦେବେ
  • ||
  • ଆଗାମୀ ୪ ଦିନ ପ୍ରଚଣ୍ଡ ତାତି: ବୁଧବାର ୪୫ ଡିଗ୍ରୀ ଛୁଇଁବ ପାରଦ, ତତଲା ଲୌହପିଣ୍ଡ ପାଲଟିବ ପଶ୍ଚିମ ଓଡ଼ିଶା
  • ||

LOC ଏବଂ IBରେ କଡ଼ା ଜବାବ, ପାକିସ୍ତାନର ୫୦ରୁ ଉର୍ଦ୍ଧ୍ଵ ଡ୍ରୋନ୍ ଏବଂ ୮ ମିଜାଇଲ୍ ଖସାଇଲା ଭାରତ

Published By : Prameya | May 9, 2025 9:35 AM

ନୂଆଦିଲ୍ଲୀ, ୦୯/୦୫ : LOC ଏବଂ IBରେ ଡ୍ରୋନ୍ ହମଲାକୁ ଭାରତର କଡ଼ା ଜବାବ। ପାକିସ୍ତାନର ୫୦ରୁ ଉର୍ଦ୍ଧ୍ଵ ଡ୍ରୋନ୍ ଏବଂ ୮ ମିଜାଇଲ୍ ଖସାଇଲା ଭାରତ। L-70 ଗନ୍‌, ZU-23MM ଗନ୍, ସିଲକା ସିଷ୍ଟମ ଏବଂ ଅନ୍ୟ ଉନ୍ନତ କାଉଣ୍ଟର-UAS ଭଳି ଅତ୍ୟାଧୁନିକ ଅସ୍ତ୍ରଶସ୍ତ୍ର ବ୍ୟବହାର କରି ଏହି ସବୁ ଡ୍ରୋନ୍ ଗୁଡ଼ିକୁ ନଷ୍ଟ କରିଛି ଭାରତୀୟ ସେନା। ସେହିପରି ପୋଖରାନ, ଆରଏସ୍‌ପୁରା, ଅରନିଆ, ସତବରୀ ଏବଂ ସାମ୍ବାରେ S-400 ଯୋଗେ ପାକିସ୍ତାନର ମିଜାଇଲ୍ ଖସାଇଲା ଭାରତ। ଏହା ସହ ପାକିସ୍ତାନର ୨ଟି ଫାଇଟର୍ ଜେଟ୍‌ FJ-17କୁ ମାରି ଖସାଇଛି ଭାରତ।  

ସୂଚନାନୁଯାୟୀ, ଗୁରୁବାର ପାକିସ୍ତାନୀ ସେନା ଉଧମପୁର, ସାମ୍ବା, ଜମ୍ମୁ, ଅଖନପୁର, ନଗରୋଟା ଏବଂ ପଠାନକୋଟ ଭଳି ସମ୍ଵେଦନଶୀଳ ସ୍ଥାନକୁ ଟାର୍ଗେଟ୍ କରି ଡ୍ରୋନ୍ ଆକ୍ରମଣ କରିଥିଲା। ଭାରତୀୟ ସେନା ପାକିସ୍ତାନକୁ ତା ଭାଷାରେ ଜବାବ ଦେଇଛି। ପାକିସ୍ତାନର ଡ୍ରୋନ୍ ହମ୍‌ଲାକୁ ପ୍ରଭାବୀ ଢଙ୍ଗରେ ବିଫଳ କରିଛି। ଶୁକ୍ରବାର ସକାଳେ ମଧ୍ୟ ପାକିସ୍ତାନ ଜାମ୍ମୁରେ ଫାଇରିଂ କରୁଛି। ଏଲଓସିରେ ମିସାଇଲ୍ ଏବଂ ଡ୍ରୋନ୍ ଆକ୍ରମଣ କରୁଛି। ନାଗରିକଙ୍କ ସୁରକ୍ଷାକୁ ଦୃଷ୍ଟିରେ ରଖି ଜାମ୍ମୁ କାଶ୍ମୀରର ସବୁ ସ୍କୁଲ ବନ୍ଦ ଘୋଷଣା କରାଯାଇଛି। ଲୋକମାନଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି।

ଏହି ଖବରଟିକୁ ପଢନ୍ତୁ-ଅପରେସନ୍ ସିନ୍ଦୁରରେ ନୂଆ ମୋର୍ଚ୍ଚା ଖୋଲିଲା ନୌସେନା; କରାଚୀ ବନ୍ଦରକୁ କଲା ଟାର୍ଗେଟ୍

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.