ମୁମ୍ବାଇ, ୨୩/୪ : ପହଲଗାମ ଆତଙ୍କି ଆକ୍ରମଣ ଉପରେ ଜଣଙ୍କ ପରେ ଜଣେ ଷ୍ଟାରଙ୍କ ରିଆକ୍ସନ ସାମ୍ନାକୁ ଆସୁଛି । ଶାହରୁଖ ଖାନ ଏବଂ ସଲମାନ ଖାନ ବି ଏହାକୁ ନେଇ ପୋଷ୍ଟ କରିଛନ୍ତି । ସଲମାନ ଖାନ ଏକ୍ସରେ ପୋଷ୍ଟ କରି ଲେଖିଛନ୍ତି କି କୌଣସି ଏକ ନିର୍ଦ୍ଦୋଶକୁ ମାରିବା ପୂରା ଦୁନିଆକୁ ମାରିବା ସମାନ ।
ସଲମାନ ଖାନ ଏକ୍ସରେ ଲେଖିଛନ୍ତି କି, ‘କଶ୍ମୀର, ଯାହାକୁ ସ୍ବର୍ଗ କୁହାଯାଏ, ତାହା ଏବେ ନର୍କ ପାଲଟିଯାଇଛି । ନିର୍ଦୋଶ ଲୋକଙ୍କୁ ଟାର୍ଗେଟ କରାଯାଉଛି, ମୋର ସମବେଦନା ସେମାନଙ୍କ ପରିବାର ଉପରେ । ଗୋଟିଏ ବି ନିର୍ଦ୍ଦୋଶକୁ ମାରିବା ପୂରା ବିଶ୍ବକୁ ମାରିବା ସମାନ‘।
ସେହିଭଳି ଶାହରୁଖ ଖାନ ବି ପହଲଗାମ ଆତଙ୍କୀ ଆକ୍ରମଣ ଉପରେ ରିଆକ୍ଟ କରି ଏହାକୁ ଜଘନ୍ୟ ଅପରାଧ ବୋଲି କହିଛନ୍ତି । ସେ ଏକ୍ସରେ କରିଥିବା ପୋଷ୍ଟରେ ଲେଖିଛନ୍ତି କି, ପହଲଗାମରେ ହୋଇଥିବା ହିଂସା ଏବଂ ଅମାନବୀୟ ଘଟଣାରେ ଦୁଖିତ ଅଛି ଏବଂ ମୋ ଲାଗି ମୋ ରାଗକୁ ଶଦ୍ଦରେ ପ୍ରକାଶ କରିବା ସହଜ ନୁହେଁ । ଏଭଳି ସମୟରେ ଆମେ କେବଳ ଭଗବାନଙ୍କୁ ପ୍ରାର୍ଥନା କରିପାରିବା ଏବଂ ପୀଡ଼ିତ ପରିବାର ଲାଗି ପ୍ରାର୍ଥନା କରିପାରିବା ଏବଂ ନିଜ ସମବେଦନା ପ୍ରକାଶ କରିପାରିବା । ଆମେ ଏକ ରାଷ୍ଟ୍ର ଭାବେ ଏକଜୁଟ୍ ହେବା, ମଜବୁତ ହେବା ଏବଂ ଏହି ଜଘନ୍ୟ ଅପରାଧ ବିପକ୍ଷରେ ନ୍ୟାୟ ପାଇବା । ’
