ନୂଆଦିଲ୍ଲୀ,୦୫/୦୫: ଭାରତର ଯୁଦ୍ଧ ପ୍ରସ୍ତୁତିରେ ଛାନିଆ ପାକିସ୍ତାନ । ଜାତିସଂଘ ଶରଣରେ ପଶିଛି ପାକିସ୍ତାନ । ଇସଲାମାବାଦର ଅନୁରୋଧରେ ଆଜି ଅପରାହ୍ନରେ ଜାତିସଂଘ ସୁରକ୍ଷା ପରିଷଦ ବୈଠକ ବସିବ । ରୁଦ୍ଧଦ୍ୱାର ବୈଠକ ହେବ । ପହଲଗାମ ଆତଙ୍କୀ ଆକ୍ରମଣ ପରେ ଭାରତ-ପାକିସ୍ତାନରେ ଲାଗି ରହିଥିବା ଉତ୍ତେଜନା ହ୍ରାସ ନେଇ ହୋଇପାରେ ଆଲୋଚନା । ପକିସ୍ତାନ ୟୁଏନଏସସିର ଅସ୍ଥାୟୀ ସଦସ୍ୟ ରହିଛି ।
ଭାରତ ଭୟରେ ପାକିସ୍ତାନ- ପହଲଗାମ ଆତଙ୍କୀ ଆକ୍ରମଣ ପରେ ଭାରତର ଆକ୍ସନରେ ପାକିସ୍ତାନ ଛାନିଆ ହୋଇଛି । ସଂଯୁକ୍ତ ରାଷ୍ଟ୍ର ସୁରକ୍ଷା ପରିଷଦ ବୈଠକ ଡାକିବାକୁ ନିବେଦନ କରିଥିଲା । ଆଜି ୟୁଏନଏସସି ବୈଠକ ବସିବ । ଏହି ମାମଲାରେ ରୁଦ୍ଧ ଦ୍ୱାର ଆଲୋଚନା ହେଉ ବୋଲି ଏବେ ପାକିସ୍ତାନ ୟୁଏନଏସସିକୁ ଅନୁରୋଧ କରିଛି ।
ପହଲଗାମ ହମଲା ପରେ ଭାରତ ଓ ପାକିସ୍ତାନ ମଧ୍ୟରେ ଉତ୍ତେଜନା ଜାରି ରହିଛି । ପାକିସ୍ତାନର ଅନୁରୋଧରେ ଭାରତ ପାକିସ୍ତାନ ଉତ୍ତେଜନା ହ୍ରାସ କରିବାକୁ ସୁରକ୍ଷା ପରିଷଦ ବିଚାର ବିମର୍ଶ କରିବ । ୟୁଏନଏସସିରେ ହେବାକୁ ଥିବା ରୁଦ୍ଧ ଦ୍ୱାର ବୈଠକ ସାର୍ବଜନିନ ହେବ ନାହିଁ । ପାକିସ୍ତାନ ବର୍ତ୍ତମାନ ୟୁଏନଏସସିର ସ୍ଥାୟୀ ସଦସ୍ୟ ନାହିଁ । ଜୁଲାଇରେ ୧୫ ଦେଶ ବିଶିଷ୍ଟ ସଂଯୁକ୍ତ ରାଷ୍ଟ୍ର ସଂସ୍ଥାର ଅଧକ୍ଷତା କରିବ ।
ସଂଯୁକ୍ତ ରାଷ୍ଟ୍ରରେ ପାକିସ୍ତାନର ସ୍ଥାୟୀ ପ୍ରତିନିଧି ଅସୀମ ଇସ୍ତଫିଖାର ଅହମ୍ମଦ ଗଣମାଧ୍ୟମ ସହ ଆଲୋଚନା କରି କହିଥିଲେ କି, ଜମ୍ମୁ-କଶ୍ମୀରରେ ହୋଇଥିବା ଆତଙ୍କୀ ହମଲାର ପୃଷ୍ଠଭୂମିରେ ହେଉଛି । ପହଲଗାମ ଆତଙ୍କୀ ହମଲା ପରେ ଯେଉଁ ସ୍ଥିତି ସୃଷ୍ଟି ହୋଇଛି ତାହା କ୍ଷେତ୍ରୀୟ ଏବଂ ଅନ୍ତର୍ଜାତୀୟ ଶାନ୍ତି ଏବଂ ସୁରକ୍ଷା ପାଇଁ ବିପଦ । ପାକିସ୍ତାନ ସମେତ ୟୁଏନଏସସିର ଯେକୌଣସି ସଦସ୍ୟ ପାଇଁ ଏହି ବୈଠକ ଏବଂ ଚର୍ଚ୍ଚା ଗମ୍ଭୀର ସ୍ଥିତି ଉପରେ ବିଚାର ହେବା ଦିଗରେ ଗୁରୁତ୍ୱ ଦେବା ଉଚିତ୍ ।
