ନୂଆଦିଲ୍ଲୀ,୨୭/୦୪:  ଜମ୍ମୁ କାଶ୍ମୀର ପହଲଗାମରେ ହୋଇଥିବା ଭୟଙ୍କର ଆତଙ୍କୀ ଆକ୍ରମଣକୁ ନିନ୍ଦା କରିଛି ଜାତିସଂଘ ସୁରକ୍ଷା ପରିଷଦ । ଏହି ସମୟରେ ଅଜବ ଘଟଣା ଦେଖିବାକୁ ମିଳିଛି । ୟୁଏନଏସସିର ଏହି ନିନ୍ଦା ପ୍ରସ୍ତାବରେ ପାକିସ୍ତାନ ସାମିଲ ହୋଇଛି ହେଲେ ତାର ବନ୍ଧୁ ଚୀନ ସହ ମିଶି ଭାରତ ବିରୋଧରେ ଏକ ଗେମ୍ ଖେଳିଛି । ଭାରତଠୁ ବଞ୍ଚିବା ପାଇଁ ପାକିସ୍ତାନ ଏହି ଚାଲ ଚଲାଇଛି ।

ଜାତିସଂଘ ସୁରକ୍ଷା ପରିଷଦ ତାର ବୟାନରେ ଆତଙ୍କୀବାଦକୁ ନିନ୍ଦନୀୟ ବୋଲି କହିଥିଲା । ଏପରି କାଣ୍ଡ ପାଇଁ ଯିଏ ଦାୟୀ ତାଙ୍କୁ କାଠଗଡାକୁ ଆଣିବା ଅନ୍ତରାଷ୍ଟ୍ରୀୟ ସହଯୋଗର ଆବଶ୍ୟକତା ଉପରେ ଗୁରୁତ୍ୱ ଦେଇଥିଲା । ୨୦୧୯ରେ ହୋଇଥିବା ପୁଲୱାମା ଆକ୍ରମଣରେ ଦେଇଥିବା ବୟାନଠୁ ଅଧିକ ଗୁରୁତ୍ୱପୂର୍ଣ୍ଣ ଥିଲା । ପୁଲୱାମା ଆତଙ୍କୀ ଘଟଣାରେ ୟୁଏନଏସସି ସବୁ ଦେଶକୁ ଏଥିରେ 'ଭାରତ ସରକାର'ଙ୍କ ସହିତ ସକ୍ରିୟ ରୂପରେ ସହଯୋଗ କରିବାକୁ ଆହ୍ୱାନ ଦେଇଥିଲା । ମାତ୍ର ଏଥର କେବଳ ସମସ୍ତ ସମ୍ବଦ୍ଧିତ ଅଧିକାରୀଙ୍କ ସହିତ ସହଯୋଗ କରିବାକୁ କୁହାଯାଇଛି ।

ଚୀନ ସହ ମିଶି ଗେମ୍ ପ୍ଲାନ- ଆମେରିକା ଦ୍ୱାରା ପ୍ରସ୍ତାବିତ ବୟାନ ଉପରେ ପାକିସ୍ତାନ ଚୀନ ସହ ମିଶି ଗେମ୍ ପ୍ଲାନ କରିଛି । ଏହା ପୂର୍ବରୁ ଗତମାସରେ ଜାଫର ଏକ୍ସପ୍ରେସ୍ ଟ୍ରେନ୍ ହମଲା ଏହଂ ପୂର୍ବରୁ ଏକାଧିକ ଆତଙ୍କୀ ଆକ୍ରମଣକୁ ନିନ୍ଦା କରି ଜାତିସଂଘ ସୁରକ୍ଷା ପରିଷଦ ସମସ୍ତ ଦେଶଠୁ ସ୍ଥାନୀୟ ସରକାର ସହିତ ସକ୍ରିୟ ରୂପରେ ସହଯୋଗ ଲୋଡ଼ିଥିଲା । ଇସଲାମାବାଦକୁ ଲାଗିଥିବ ସମ୍ବଦ୍ଧିତ ଦେଶ ସହିତ ସହଯୋଗ ଆଲୋଚନା ଭାରତ ସରକାରକୁ ତାଉପରେ ଚାପ ପକାଇପାରେ । ଭାରତ ପାଇଁ ଏହା ସୁଯୋଗ ସୃଷ୍ଟି କରିପାରେ । ଶନିବାର ପାକିସ୍ତାନ  ପ୍ରଧାନମନ୍ତ୍ରୀ ଶାହବାଜ ସରିଫଙ୍କ ବୟାନରେ ମଧ୍ୟ ଦେଖିବାକୁ ମିଳିଥିଲା । ନିରପେକ୍ଷ ଯାଞ୍ଚ ପାଇଁ ପାକ୍ ପ୍ରସ୍ତୁତ ଥିବା କହିଥିଲେ ଶାହବାଜ ।

ଅଧିକ ପଢନ୍ତୁ...Pahalgam Attack: ବିଦେଶରେ ବିରୋଧ ପ୍ରଦର୍ଶନ, ବେକ କାଟିବାକୁ ଧମକ ଦେଲେ ପାକ୍‌ ଦୂତାବାସ ଅଧିକାରୀ

ପହଲଗାମ ଆକ୍ରମଣକୁ UNSCର ନିନ୍ଦା- ଜମ୍ମୁ କାଶ୍ମୀର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣକୁ ଜାତିସଂଘ ସୁରକ୍ଷା ପରିଷଦ ପକ୍ଷରୁ କଡ଼ା ନିନ୍ଦା କରାଯାଇଛି । ଭାରତକୁ ସମର୍ଥନ କରିଥିଲା ଜାତିସଂଘ । ଯେଉଁମାନେ ଏଥିପାଇଁ ଦାୟୀ ସେମାନଙ୍କୁ ଉତ୍ତରଦାୟୀ କରିବା ଉଚିତ ଏବଂ ଜଘନ୍ୟକାଣ୍ଡ ପରିଚାଳନାକାରୀଙ୍କୁ କଠୋରରୁ ଅତି  କଠୋର ଦଣ୍ଡ ମିଳିବା ଉଚିତ୍ ବୋଲି ଜାତିସଂଘ ସୁରକ୍ଷା ପରିଷଦ କହିଥିଲେ । ଜମ୍ମୁ କାଶ୍ମୀରରେ ଆତଙ୍କବାଦୀ ଆକ୍ରମଣ ପ୍ରସଙ୍ଗରେ ୧୫ ରାଷ୍ଟ୍ରର ପରିଷଦ ଏକ ପ୍ରେସ୍ ବବୃତି ଜାରି କରି ଏହି ଘଟଣାକୁ କଡା ନିନ୍ଦା କରିଛି । ଜାତିସଂଘ ସୁରକ୍ଷା ପରିଷଦର ସଦସ୍ୟ ରାଷ୍ଟ୍ରମାନେ ଏହି ଆତଙ୍କବାଦୀ ଆକ୍ରମଣ ପାଇଁ ଯିଏ ଦାୟୀ ତାକୁ କଠୋର ଦଣ୍ଡ ଦେବା ଉପରେ ଗୁରୁତ୍ୱ ଦେଇଛି ।  ସମସ୍ତ ରାଷ୍ଟ୍ରଠାରୁ ଜାତିସଂଘ ସୁରକ୍ଷା ପରିଷଦ ସହଯୋଗ ଲୋଡ଼ିଛି ।