ନୂଆଦିଲ୍ଲୀ,୧୧/୦୩ : ମାର୍ଚ୍ଚ ୨୨ରୁ ଆରମ୍ଭ ହେବ ଫଟାଫଟ କ୍ରିକେଟ ଇଣ୍ଡଆନ ପ୍ରିମିୟର ଲିଗ୍ ୨୦୨୫ । ଏହାକୁ ନେଇ ଏକ ବଡ ଖବର ସାମ୍ନାକୁ ଆସିଛି । ଜଣେ ପାକିସ୍ତାନ ପ୍ଲେୟାର ଆଇପିଏଲ ଖେଳିବାକୁ ଯାଉଛନ୍ତି । ଚଳିତ ସଂସ୍କରଣ ନୁହେଁ ୨୦୨୬ ସଂସ୍କରଣ ଖେଳିବେ ପାକିସ୍ତାନର ଜଣେ ପ୍ଲେୟାର । ଆଇପିଏଲକୁ ନେଇ ବଡ ପ୍ରତିକ୍ରିୟା ରଖିଛନ୍ତି ପାକିସ୍ତାନ କ୍ରିକେଟର ମହମ୍ମଦ ଆମିର । ଆଇପିଏଲ ପାଇଁ ପାକିସ୍ତାନ ଛାଡି ଅନ୍ୟ ଦେଶର ନାଗରିକତା ଗ୍ରହଣ କରିବା ପ୍ରକ୍ରିୟାରେ ଅଛନ୍ତି  ମହମ୍ମଦ ।

ଏକ ରିପୋର୍ଟ ଅନୁସାରେ ମହମ୍ମଦ ଆମିର କହିଛନ୍ତି ୨୦୨୬ ଆଇପିଏଲ ଖେଳିବାକୁ ଆଶା କରୁଛି । ଏ ନେଇ ସେ ପାକିସ୍ତାନ ଛାଡି ଅନ୍ୟ ଦେଶର ନାଗରିକତା ଗ୍ରହଣ କରିବାକୁ ଚାହୁଁଛନ୍ତି । ଆମିର ଜଣେ ଘାତକ ବୋଲର । ସେ ପାକିସ୍ତାନ ପାଇଁ ଅନେକ ମ୍ୟାଚ ଖେଳି ଭଲ ପ୍ରଦର୍ଶନ କରିଛନ୍ତି ।  ମାତ୍ରସେ ଏବେ ଆଇପିଏଲ ଖେଳିବାକୁ ଚାହୁଁଛନ୍ତି । ପାକିସ୍ତାନ ଖେଳାଳିଙ୍କୁ ଆଇପିଏଲକୁ ବିସିସିଆଇ ବ୍ୟାନ କରିଛି । ଏହା ପରେ ବି ମହମ୍ମଦ ଆଇପିଏଲ ଖେଳିବାକୁ ଆଶା ରଖିଛନ୍ତି । ଇଣ୍ଡିଆନ ଏକ୍ସପ୍ରେସର ଗୋଟିଏ ଖବର ଅନୁସାରେ ଆସନ୍ତା ବର୍ଷ ମହମ୍ମଦଙ୍କ ପାଖରେ ଆଇପିଏଲ ଖେଳିବାର ସୁଯୋଗ ଅଛି ବୋଲି କହିଛନ୍ତି । ମହମ୍ମଦ ଆମିରଙ୍କ ପତ୍ନୀ ନରଜିସ ୟୁକେ ନାଗରିକ । ତେଣୁ ଏବେ ୟୁକେ ନାଗରିକତା ପାଇଁ ଆବେଦନ କରିଛନ୍ତି । ଯଦି ତାଙ୍କୁ ୟୁକେ ନାଗରିକତା ମିଳେ ତେବେ ସେ ପାକିସ୍ତାନ ଛାଡି ଦେବେ । ଏମିତି ସ୍ଥିତିରେ ନିୟମ ମୁତାବକ ଆଇପିଏଲ ଖେଳିବାକୁ ଯୋଗ୍ୟ ବିବେଚିତ ହୋଇଯିବେ ବୋଲି କହିଛନ୍ତି ।

ଆମିର ମହମ୍ମଦଙ୍କ କ୍ୟାରିୟର- ପାକିସ୍ତାନ ପାଇଁ ଦମଦାର ପ୍ରଦର୍ଶନ କରିଛନ୍ତି ଆମିର ମହମ୍ମଦ । ୬୨ଟି ଟି-ଟ୍ବେଣ୍ଟି ମ୍ୟାଚରେ ୭୧ଟି ୱିକେଟ ନେଇଛନ୍ତି । ୬୧ଟି ଦିନିକିଆ ଖେଳି ୮୧ଟି ୱିକେଟ୍ ଅକ୍ତିଆର କରିଛନ୍ତି । ୩୬ଟି ଟେଷ୍ଟ ଖେଳିଛନ୍ତି । ଏହି ଫର୍ମାଟରେ ୧୧୮ଟି ୱିକେଟ ନେଇଛନ୍ତି । ତାଙ୍କ ନାମରେ ୭୫୧ରନ ରହିଛି ।

ଅଧିକ ପଢନ୍ତୁ...IPLରେ ତମାଖୁ ବିଜ୍ଞାପନ ପ୍ରସାରଣ ମନା, ଚିଠି ଲେଖିଲା ସ୍ବାସ୍ଥ୍ୟ ମନ୍ତ୍ରଣାଳୟ

କାହିଁକି ଖେଳନ୍ତି ନାହିଁ ପାକିସ୍ତାନ ପ୍ଲେୟାର- ୨୦୦୮ରୁ ଇଣ୍ଡିଆନ ପ୍ରିମିୟର ଲିଗ୍ ଆରମ୍ଭ ହୋଇଥିଲା । ଏଥିରେ ଦେଶ ବିଦେଶର ନାମିଦାମୀ କ୍ରିକେଟର ଭାଗ ନେଇଥାନ୍ତି । ଆଇପିଏଲ ୧୭ଟି ସଂସ୍କରଣ ସରିଲାଣି । ମାତ୍ର ଆପିଏଲରେ ପାକିସ୍ତାନ ପ୍ଲେୟାରଙ୍କୁ ବ୍ୟାନ କରାଯାଇଛି । ୨୦୦୮ରେ ଖେଳାଯାଇଥିବା ପ୍ରଥମ ସଂସ୍କରଣ ପରେ ମୁମ୍ବାଇରେ ଆତଙ୍କୀ ଆକ୍ରମଣ ହୋଇଥିଲା । ଏହା ପରେ ପାକିସ୍ତାନ ପ୍ଲେୟାରଙ୍କ ଉପରେ ଆଇପିଏଲ ଖେଳିବାକୁ ବ୍ୟାନ କରିଥିବା ବିସିସିଆଇ । ଶେଷ ଥର ପାଇଁ ସୋଏବ ଅଖତର ଓ ସାଇନୀ ଆଫ୍ରିଦି ଆଇପିଏଲ ଖେଳିଥିଲେ ।

କହି ରଖୁଛୁ କି, ଆସନ୍ତା ୨୨ ତାରିଖରୁ ଆଇପିଏଲ ଆରମ୍ଭ ହେବ । ୧୦ ଟିମ୍ ମଧ୍ୟରେ ହେବ ଟକ୍କର । ମୋଟ ୭୦ଟି ଲିଗ୍ ମ୍ୟାଚ ଖେଳାଯିବ । ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ କୋଲକାତା ନାଇଟ ରାଇଡର୍ସ ମଧ୍ୟରେ ଉଦଘାଟନୀ ମ୍ୟାଚ ଖେଳାଯିବ । ମେ ୨୫ ତାରିଖରେ ଫାଇନାଲ ଫାଇଟ୍ ହେବ । ୨୦୨୪ରେ କୋଲକାତା ଚାମ୍ପିଆନ୍ ହୋଇଥିଲା ।