ଫିରିଙ୍ଗିଆ, ୨୧|୫: ଅନଲାଇନ୍ ଦୁନିଆ ଇଣ୍ଟରନେଟ୍ର ଅଭାବ । ବିଏସଏନଏଲ ଟାଓ୍ବାରରେ ଇଣ୍ଟରନେଟ୍ ସଂଯୋଗ ହୋଇନଥିବାରୁ ସମସ୍ୟା ଭୋଗୁଛନ୍ତି ଲୋକେ । ଏଭଳି ଅଭିଯୋଗ ଆସିଛି କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ୍ ପବିଙ୍ଗିଆ ପଞ୍ଚାୟତ ଲାମ୍ବାପଦର ଗାଁରୁ । ନେଟ୍ ନଥିବାରୁ ବିଭିନ୍ନ ଅନଲାଇନ୍ କାର୍ଯ୍ୟରୁ ବଞ୍ଚିତ ହେଉଛନ୍ତି ଗ୍ରାମବାସୀ ।
ସୂଚନା ଅନୁଯାୟୀ, ଲାମ୍ବାପଦର ଗାଁକୁ ଲାଗି ତବିନିପଦର, ପଥଖୋଲ, ଗୋଛାସାହି, ମାଣ୍ଡିଲି ଆଦି ଗାଁ ରହଛି । ଏଠାରେ ୧ ହଜାରରୁ ଅଧିକ ଲୋକ ବସବାସ କରୁଛନ୍ତି । ବିଏସଏନଏଲ ଟାଓ୍ବାରରେ ଇଣ୍ଟରନେଟ୍ ସଂଯୋଗ ପାଇଁ ବାରମ୍ବାର ଅଭିଯୋଗ କରୁଛନ୍ତି, ହେଲେ କୌଣସି ସୁଫଳ ମିଳୁନାହିଁ । ବିଏସଏନଏଲ ଅଫିସ୍ କର୍ତ୍ତୃପକ୍ଷ କେବଳ ମିଛ ପ୍ରତିଶ୍ରୁତି ଦେଇ ଚାଲିଛନ୍ତି । ପଞ୍ଚାୟତରେ ଅନ୍ଲାଇନ୍ କାର୍ଯ୍ୟ ହେଇ ପାରୁନଥିବା ବେଳେ ଛାତ୍ରଛାତ୍ରୀ ମାନେ ଅନଲାଇନ୍ ପାଠପଢ଼ାରୁ ବଞ୍ଚିତ ହେଉଛନ୍ତି । ଯଦି ବିଏସଏନଏଲ ଟାଓ୍ବାରରେ ଇଣ୍ଟରନେଟ୍ ସଂଯୋଗ ନହୁଏ, ତେବେ ପାଞ୍ଚଟି ଗାଁର ଲୋକେ ଆଗାମୀ ଦିନରେ ଫୁଲବାଣୀ ବିଏସଏନଏଲ କାର୍ଯ୍ୟାଳୟ ସାମ୍ନାରେ ଧାରଣ ଦେବେ ବୋଲି ଉକ୍ତ ଗାଁର ବୁଦ୍ଧିଜୀବୀ ସଂଜୀବ କୁମାର ଦିଗାଲ, ସରପଞ୍ଚ ଲାଲମୋହନ କହଁର, ୱାର୍ଡସଭ୍ୟା ପଦ୍ମିନୀ କହଁର, ଉମାଚରଣ ଦିଗାଲ, ଜନେକିଶୋର କହଁର, ତୁଣିଆ କହଁର ଆଦି ଚେତାବନୀ ଦେଇଛନ୍ତି ।
