ମୁମ୍ବାଇ,୨୯/୮ : ‘ସ୍ତ୍ରୀ ୨’ ଭଳି ହରର କମେଡ଼ି ଫିଲ୍ମ ଦେଇଥିବା ପ୍ରଡକ୍ସନ ହାଉସ ମ୍ୟାଣ୍ଡକ ଫିଲ୍ମ୍ସ ଜନ ଆବ୍ରାହମଙ୍କ ‘ତେହରାନ’କୁ କିଛି ଦିନ ପୂର୍ବରୁ ଓଟିଟିରେ ରିଲିଜ କରିଛି । ଏବେ ଏହି ବ୍ୟାନର ସିଦ୍ଧାର୍ଥ ମହ୍ଲୋତ୍ରା ଏବଂ ଜାହ୍ନବୀ କପୁରଙ୍କ ଫିଲ୍ମ ‘ ପରମ ସୁନ୍ଦରୀ’ ନେଇ ଅଗଷ୍ଟ ୨୯ରେ ସିନେମା ହଲକୁ ଆସିସାରିଛି । ସିଦ୍ଧାର୍ଥ ମହ୍ଲୋତ୍ରା ‘ୟୋଦ୍ଧା’ ପରେ ଏବଂ ଜାହ୍ନବୀ କପୁର ‘ଦେବରା ପାର୍ଟ ୧’ ପରେ ଫ୍ୟାନ୍ସଙ୍କ ସାମ୍ନାରେ ନିଜର ଲଭଷ୍ଟୋରୀ ଫିଲ୍ମ ମାଧ୍ୟମରେ ଏକାସାଥିରେ ଆସିସାରିଛନ୍ତି । ଥିଏଟରରେ ପୂର୍ବରୁ ‘ବଶ ଲେବଲ ୨’, ‘କୁଲୀ’, ‘ଓ୍ବାର ୨’, ‘ହୃଦୟପୂର୍ବମ’ ଏବଂ ‘ଲୋକାହ’ ସାମ୍ନାରେ ଏହି ଫିଲ୍ମ କିଭଳି ପ୍ରଦର୍ଶନ କରିଛି ଆସନ୍ତୁ ଜାଣିବା ।
ରିପୋର୍ଟ ଅନୁସାରେ, ଓପନିଂ ଡେରେ ୭.୫ଟା ପର୍ଯ୍ୟନ୍ତ ୩.୯୧କୋଟି ଟଙ୍କାର କଲେକ୍ସନ କରିନେଇଛି । ଏହି ରିପୋର୍ଟ ଫାଇନାଲ ରିପୋର୍ଟ ନୁହେଁ । ଏବେ ଏଥିରେ ପରିବର୍ତ୍ତନ ହୋଇପାରେ । ଫିଲ୍ମ ‘ପରମ ସୁନ୍ଦରୀ’ ଓପନିଂ ଡେ କଲେକ୍ସନ ମାମଲାରେ ସିଦ୍ଧାର୍ଥ ମହ୍ଲୋତ୍ରାଙ୍କ ଏହି ଫିଲ୍ମରେ କିଛିକୁ ପଛରେ ପକାଇ ଦେଇଛି ଏବଂ କିଛିକୁ ଆଗାମୀ କିଛି ଘଣ୍ଟାରେ ପଛରେ ପକାଇଦେବ ।
ଜବରିୟା ଜୋଡ଼ି- ୨.୭୦କୋଟି
ଅ ଜେଣ୍ଟଲମ୍ୟାନ- ୪.୪କୋଟି
ଇତ୍ତେଫାକ- ୪.୫କୋଟି
ୟୋଦ୍ଧା- ୪.୨୫କୋଟି
ହଂସି ତୋ ଫସୀ- ୪.୬୫କୋଟି
ଫିଲ୍ମର କଲେକ୍ସନ ଏବେ ଆରମ୍ଭ ଅଟେ ଏବଂ ହୋଇପାରେ ଫାଇନାଲ ରିପୋର୍ଟ ଆସିବା ପର୍ଯ୍ୟନ୍ତ ଏହା ତାଙ୍କର ‘ଓ୍ବାର ଓ୍ବାର ଦେଖୋ’(୬.୮୧କୋଟି) ଏବଂ ‘କପୁର ଏଣ୍ଡ ସନ୍ସ’ (୬.୮୫କୋଟି)ର ପାଖାପାଖି ପହଞ୍ଚି ଯାଇପାରେ ।
