ବାସୁଦେବପୁର: ବାସୁଦେବପୁର ବ୍ଲକ ବ୍ରାହ୍ମଣିଗାଁ ପଂଚାୟତ ନିକଟରେ ଥିବା ବୈକୁଣ୍ଠପୁର ଅଙ୍ଗନବାଡୀ କେନ୍ଦ୍ରର ବିଭିନ୍ନ ସମସ୍ୟକୁ ନେଇ ଆଜି ଅବିଭାବକ ଅବିଭାବିକା ସମୂହ କେନ୍ଦ୍ରରେ ତାଲା ପକାଇଥିବା ଦେଖିବାକୁ ମିଳିଛି। ଉକ୍ତ କେନ୍ଦ୍ରରେ ୨୬ ଜଣ କୁନି ଛାତ୍ରଛାତ୍ରୀ ପାଠ ପଢୁଥିବା ବେଳେ ସମସ୍ତ ଛାତ୍ରଛାତ୍ରୀ ଉକ୍ତ କେନ୍ଦ୍ରରେ ନିଜକୁ ଅସୁରକ୍ଷିତ ମଣୁଛନ୍ତି। ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ଘଟଣାଟି ସତ।
ସୂଚନା ମୁତାବକ, ଅଙ୍ଗନବାଡି କେନ୍ଦ୍ରରେ ଦୀର୍ଘ ବର୍ଷ ହେବ ବିଜୁଳି ସରବରାହର ବ୍ୟବସ୍ଥା ନାହିଁ, ଏମିତିକି ପିଇବା ପାଣିର ମଧ୍ୟ ସୁବିଧା ନାହିଁ, ଛାତରୁ ବର୍ଷା ହେଲେ ପାଣି ଘର ଭିତରେ ପଶୁଛି। ତେବେ ଖାଲି ଏତିକି ନୁହେଁ ଏମିତି ଅନେକ ସମସ୍ୟା ରହିଛି ଏହି ଅଙ୍ଗନବାଡି କେନ୍ଦ୍ରରେ। ଯାହାକୁ ନେଇ ଉକ୍ତ କେନ୍ଦ୍ରର କର୍ମୀ ବାରମ୍ବାର ସରପଞ୍ଚଙ୍କ ଠାରୁ ଆରମ୍ଭ କରି ବିଭାଗୀୟ ଅଧିକାରୀଙ୍କୁ ଅବଗତ କରିଆସୁଥିଲେ ବି କେହି କର୍ଣ୍ଣପାତ କରୁନାହାନ୍ତି।
ସେଥିପାଇଁ ଆଜି ବାଧ୍ୟ୍ୟ ହୋଇ ଅବିଭାବକ, ଅବିଭାବିକା ଓ ଗ୍ରାମବାସୀମାନେ ଉକ୍ତ କେନ୍ଦ୍ରଟିରେ ତାଲା ପକାଇଥିଲେ। ଯେତେ ପର୍ଯ୍ୟନ୍ତ ଏହି ସମସ୍ୟାର ସମାଧାନ ନହୁଏ ସେତେ ଦିନ ପର୍ଯ୍ୟନ୍ତ କେନ୍ଦ୍ରରେ ତାଲା ପଡିବ ବୋଲି ଦେଇଛନ୍ତି ଅବିଭାବକମାନେ ଚେତାବନୀ ଦେଇଛନ୍ତି।
