ବାଲିଅନ୍ତା,୨୯/୦୭: ରାଷ୍ଟ୍ରପତି ଦ୍ରୌପଦୀ ମୁର୍ମୁ ପଟ୍ଟଚିତ୍ର ପ୍ରଶିକ୍ଷକ ପ୍ରଶାନ୍ତ କୁମାର ଦାସଙ୍କୁ ସମ୍ବର୍ଦ୍ଧିତ କରିଛନ୍ତି । ଏହି ଉପଲକ୍ଷେ ରାଷ୍ଟ୍ରପତି ଭବନରେ ଆୟୋଜିତ ଏକ ସମ୍ବର୍ନ୍ଧନା ଉତ୍ସବରେ ପଟ୍ଟଚିତ୍ର ପ୍ରଶିକ୍ଷକ ଶ୍ରୀ ଦାସଙ୍କ ସମେତ ଓଡ଼ିଶାର ୯ଜଣ ପଟ୍ଟଚିତ୍ର ଶିଳ୍ପୀଙ୍କୁ ରାଷ୍ଟ୍ରପତି ସମ୍ବର୍ଦ୍ଧିତ କରିଥିଲେ । ସମ୍ବର୍ଦ୍ଧିତ ଶ୍ରୀ ଦାସ ବାଲିଅନ୍ତା ବ୍ଲକ୍ ଜୟଦେବ ପୀଠ ନିକଟରେ ଜିଲ୍ଲା ହସ୍ତଶିଳ୍ପ ତାଲିମ କେନ୍ଦ୍ରର କାର୍ଯ୍ୟରତ କର୍ମଚାରୀ (ଅତିଥି ଉପଦେଷ୍ଟା) ଅଛନ୍ତି ।
୨୦୧୫ ମସିହାରୁ ୧୦୦ ରୁ ଊଦ୍ଧ୍ୱର୍ ଛାତ୍ରଛାତ୍ରୀଙ୍କୁ ପଟ୍ଟଚିତ୍ର ପ୍ରଶିକ୍ଷଣ ଦେଇଆସୁଛନ୍ତି । ନିପୁଣ ପଟ୍ଟଚିତ୍ର କାରୀଗରିତା ପାଇଁ ଶ୍ରୀଦାସଙ୍କୁ ସମ୍ବର୍ଦ୍ଧନା ଜଣାଇବା ପାଇଁ ରାଷ୍ଟ୍ରପତି ଭବନରୁ ନାମ ଚୟନ କରାଯାଇଥିଲା । ଶ୍ରୀ ଦାସଙ୍କ ଘର ନିମାପଡ଼ାର ନୂଆରଗିରୀ ଗ୍ରାମରେ ।
