ନୂଆଦିଲ୍ଲୀ ,୧୨/୧୨: ଇପିଏଫ ସବସକ୍ରାଇବରଙ୍କ ପାଇଁ ଖୁସି ଖବର । ଖୁବଶୀଘ୍ର ଏଟିଏମରୁ ଉଠିବ ପିଏଫ ଟଙ୍କା । ୨୦୨୫କୁ କର୍ମଚାରୀ ଭବିଷ୍ୟନିଧି ପାଣ୍ଠି (ଇପିଏଫ) ଉପଭୋକ୍ତାଙ୍କ ପାଇଁ ଏହି ସୁବିଧା ଆରମ୍ଭ ହେବାକୁ ଯାଉଛି । ଗଣମାଧ୍ୟମ ଖବର ଅନୁଯାୟୀ ଆସନ୍ତାବର୍ଷ ସିଧାସଳଖ ଏଟିଏମରୁ ନିଜ ପିଏଫ ଟଙ୍କା ଉଠାଇପାରିବେ ଇପିଏଫ ଗ୍ରାହକ । ଶ୍ରମ ମନ୍ତ୍ରଣାଳୟ ଦେଶର କର୍ମଚାରୀଙ୍କୁ ଉନ୍ନତ ସେବା ପ୍ରଦାନ କରିବାକୁ ଆଇଟି ବ୍ୟବସ୍ଥାରେ ଉନ୍ନତିକରଣ କରୁଛି । ଏ ନେଇ ଶ୍ରମ ସଚିବ ସୁମିତା ଦାୱାରା ଗଣମାଧ୍ୟମରେ ପ୍ରତିକ୍ରିୟା ରଖିଛନ୍ତି ।
ଆସନ୍ତାବର୍ଷଠୁ ଇପିଏଫଓ ସଦସ୍ୟମାନେ ଏଟିଏମ ଜରିଆରେ ସେମାନଙ୍କ ଭବିଷ୍ୟନିଧି ପାଣ୍ଠି ବା ପିଏଫ ଆକ୍ସେସ କରିବାର କ୍ଷମତା ଲାଭ କରିବେ । ଶ୍ରମ ସଚିବ କହିଛନ୍ତି, ଆମେ କ୍ଲେମଗୁଡିକର ତୁରନ୍ତ ସେଟେଲ କରୁଛି ଏବଂ କର୍ମଚାରୀଙ୍କ ଜୀବନଶୈଳୀରେ ଉନ୍ନତି ଆଣିବା ପାଇଁ ପ୍ରକ୍ରିୟାକୁ ସହଜ କରୁଛୁ । ଖୁବଶୀଘ୍ର ଏଟିଏମ ଜରିଆରେ ସଦସ୍ୟମାନେ ସହଜରେ ସେମାନଙ୍କ କ୍ଲେମ ରାଶି ଉଠାଇପାରିବେ । ଏହାଦ୍ବାରା ମାନବ ହସ୍ତକ୍ଷେପ କମ ହେବ ।
ଶ୍ରମ ସଚିବ ଆହୁରି କହିଛନ୍ତି, ସିଷ୍ଟମ ବଦଳୁଛି । ପ୍ରତି ୨ରୁ ୩ ମାସରେ ବ୍ୟବସ୍ଥାରେ ଉଲ୍ଲେଖନୀୟ ପରିବର୍ତ୍ତନ ଦେଖିବାକୁ ମିଳିବ । ଜାନୁଆରୀ ସୁଦ୍ଧଆ ଇପିଏଫଓ ବଡ ଧରଣର ପରିବର୍ତ୍ତନ ଆଣିପାରେ । ନାଗରିକହଅକ ହିତ ପାଇଁ ଇପିଏଫଓ ସେବାକୁ ମଜବୁତ କରାଯାଉଛି । ଆମର କାର୍ଯ୍ୟଶକ୍ତି ବଢୁଛି । ଦେଶରେ ଶ୍ରମଶକ୍ତି ହାର ୬% ଥିଲା । ଏବେ ତାହା ୩.୨% କୁ ଖସି ଆସିଛି । ପ୍ରକାଶ ଥାଉ କି, ଇପିଏଫ ଅର୍ଥାତ କର୍ମଚାରୀ ଭବିଷ୍ୟନିଧି ପାଣ୍ଠି ସଂଗଠନରେ ଦେଶରେ ପ୍ରାୟ ୭୦ ନିୟୁତ ଯୋଗଦାନକାରୀ ସକ୍ରିୟ ଅଛନ୍ତି ।
