ନୂଆଦିଲ୍ଲୀ - ଆଣ୍ଟାର୍କଟିକାର ପୃଷ୍ଠ ତଳେ ଏକ ପ୍ରାଚୀନ ମହାଦେଶର ଭଗ୍ନାଂଶ ମିଳିବା ନେଇ ବୈଜ୍ଞାନିକ ଆଶ୍ଚର୍ଯ୍ୟ ହୋଇଛନ୍ତି। ଏକ ଡାଟା ମୁତାବିକ, ମହାଦ୍ୱୀପ ବିଷୟରେ ସନ୍ଧାନ ଏକ ଗ୍ରାଭିଟି ମ୍ୟାପିଂ ସାଟେଲାଇଟ୍ ଠାରୁ ଜଣାପଡ଼ିଛି, ଯାହାକି ୨୦୧୩ ଠାରୁ ସେବା ବାହାରେ(ଆଉଟ୍ ଅଫ୍ ସର୍ଭିସ) ରହିଛି। ଏହା ୟୁରୋପୀୟ ମହାକାଶ ଏଜେନ୍ସିର ଗ୍ରାଭିଟି ଫିଲ୍ଡ ଓ ଓସନ ସର୍କୁଲେସନ ଏକ୍ସପ୍ଲୋରର (ଜିଓସିଇ) ଉପଗ୍ରହ ଅଟେ।
ଏହି ସାଟେଲାଇଟ (ଉପଗ୍ରହ)କୁ ପୃଥିବୀର ଗ୍ରାଫିଟି ଫିଲ୍ଡର ମାନଚିତ୍ର ତିଆରି କରିବାକୁ ବ୍ୟବହାର କରାଯାଇ ଥିଲା ଏବଂ ୪ବର୍ଷ ପରେ ଇଏସଏ ଦ୍ୱାରା ଏହାକୁ ନଷ୍ଟ କରି ଦିଆ ଯାଇଥିଲା। ସେବାରୁ ବାହାର ହେବା ସତ୍ତ୍ୱେ , ଏଥିରେ ଏବେ ବି କିଛି ମୂଲ୍ୟବାନ ଡାଟା ରହିଛି, ଯାହାର ବ୍ୟବହାର ବୈଜ୍ଞାନିକମାନେ ପୃଥିବୀର ଲିଥୋସ୍ପିୟର ( ଗ୍ରହର ଆଭ୍ୟନ୍ତରଣ ଭୂବିଜ୍ଞାନର ବାହ୍ୟ ଭାଗ)ର ମ୍ୟାପିଂ ପାଇଁ କରୁଛନ୍ତି। ଏହି ଅଧ୍ୟୟନ ସାଇଣ୍ଟିଫିକ୍ ରିପୋର୍ଟସରେ ପ୍ରକାଶିତ ହୋଇଛି।
ବ୍ରିଟିଶ ଆଣ୍ଟର୍କଟିକା ସର୍ବେକ୍ଷଣରେ ଭୂବିଜ୍ଞାନ ଓ ଭୂଭୌତିକୀୟ ବିଜ୍ଞାନ ପ୍ରମୁଖ ଓ ଅଧ୍ୟୟନର ସହ-ଲେଖକ ଫାଷ୍ଟୋ ଫେରାସିଓଲି କହିଛନ୍ତି , ଏହି ଗ୍ରାଭିଟି ଇମେଜ୍ ପୃଥିବୀରେ ସବୁଠୁ କମ୍ ଜଣାଥିବା ମହାଦ୍ୱୀପ-ଆଣ୍ଟାର୍କଟିକାର ଅଧ୍ୟୟନ କରିବାରେ , ଆମ କ୍ଷମତାରେ କ୍ରାନ୍ତିକାରୀ ପରିବର୍ତ୍ତନ ଆଣିଛି।
ବରଫର ଚାଦରର ବିଶାଳ ବିସ୍ତାରର କାରଣରୁ ଆଣ୍ଟାର୍କଟିକାର ଇତିହାସ ଓ ଏହାର ତଳେ କଣ ରହିଛି , ଏହାର ଅଧ୍ୟୟନ କରିବା ମୁସ୍କିଲ ରହିଛି। ନବୀନତମ ଡାଟା ଏବେ ବୈଜ୍ଞାନିକଙ୍କୁ ଆଣ୍ଟାର୍କଟିକାର ଭୂବୈଜ୍ଞାନିକ ଇତିହାସ ଓ ବିଲିୟନ ବିଲିୟନ ବର୍ଷ ପୂର୍ବେ ଏହା କେଉଁଠି ଥିଲା , ଏହା ଜାଣିବାରେ ସାହାଯ୍ୟ କରୁଛି।
ଅଧ୍ୟୟନରେ ବିସ୍ତୃତ ଭାବେ କୁହାଯାଇଛି ଯେ, ଗତ ୨୦୦ ମିଲିୟନ ବର୍ଷ ମଧ୍ୟରେ ଆଣ୍ଟାର୍କଟିକା କେତେ ଆଗକୁ ବଢି ସାରିଛି। ମହାଦେଶ ଗୁଡ଼ିକର ଗତିକୁ ଦର୍ଶାଉଥିବା ଏକ ଭିଡ଼ିଓରେ ମଧ୍ୟ ଏହା ଦର୍ଶାଯାଇଛି। ଆଣ୍ଟାର୍କଟିକାକୁ ଗୋଣ୍ଡୱାନା ଠାରୁ ଅଲଗା ହେବାର ଦେଖାଯାଇ ପାରେ, ଯାହା ସୁପରକଣ୍ଟିନେଣ୍ଟ ପେଞ୍ଜିୟାର ଏକ ଉପଖଣ୍ଡ। ଗୋଣ୍ଡୱାନା ୧୮୦ ମିଲିୟନ ବର୍ଷ ପୂର୍ବେ ଭାଙ୍ଗିବା ଆରମ୍ଭ ହୋଇଥିଲା ଏବଂ ଏଥିରୁ ଭାରତ , ଅଷ୍ଟ୍ରେଲିଆ , ଆଣ୍ଟାର୍କଟିକା ତିଆରି ହୋଇଛି, ଯାହା ନିଜର ବର୍ତ୍ତମାନ ସ୍ଥାନକୁ ଆସିଛନ୍ତି।
ଆଣ୍ଟାର୍କଟିକା କେବେ ଭାରତ ଓ ଅଷ୍ଟ୍ରେଲିଆ ସହ ଜଡ଼ିତ ଥିଲା –
ବୈଜ୍ଞାନିକଙ୍କୁ କେବଳ ଆଣ୍ଟାର୍କଟିକା ନୁହେଁ ଅଷ୍ଟ୍ରେଲିଆ ଓ ଭାରତର ମଧ୍ୟ ଏକ ମାଇଲ୍ ତଳେ ପ୍ରାଚୀନ ମହାଦେଶୀୟ ପ୍ଲେଟ୍ର ଖଣ୍ଡ ମିଳିଛି, ଯେଉଁଥିରୁ ଏହା ସାବ୍ୟସ୍ତ ହୋଇଥାଏ କି , ପୂର୍ବ ଆଣ୍ଟାର୍କଟିକା ଓ ଉଭୟ ଦେଶ କେବେ ପରସ୍ପର ମଧ୍ୟରେ ଯୋଡ଼ି ରହିଥିଲେ। ହେଲେ ପଶ୍ଚିମୀ ଆଣ୍ଟାର୍କଟିକାର ତଳେ ଏମିତି ହିଁ ଖଣ୍ଡ ବା କ୍ରେଟନର ସନ୍ଧାନ ମିଳିନାହିଁ ।
ନିକଟରେ ଆଉ ଏକ ଅଧ୍ୟୟନ ଆଣ୍ଟାର୍କଟିକାର ତଳେ ଥିବା ଲ୍ୟାଣ୍ଡସ୍ପେପ୍ର ଏକ ନୂଆ ମ୍ୟାପ୍ ତିଆରି କରିଛି। ବ୍ରିଟିଶ ଆଣ୍ଟାର୍କଟିକା ସର୍ବେକ୍ଷଣ(ବିଏଏସ)ର ନେତୃତ୍ୱରେ ଅନ୍ତରାଷ୍ଟ୍ରୀୟ ବୈଜ୍ଞାନିକଙ୍କ ଏକ ଟିମ୍ ଦେଖାଇଛନ୍ତି ଯେ, ମହାଦ୍ୱୀପର ତଳେ କଣ ରହିଛି। ବେଡମ୍ୟାପ୍୩ ଦେଖାଇ ଥାଏ ଯେ, ୨୭ ମିଲିୟନ କ୍ୟୁବିକ୍ କିଲୋମିଟର ବରଫ ବିନା ଆଣ୍ଟାର୍କଟିକା କେମିତି ଦେଖା ଯାଉଛି। ସେଠାରେ ମୋଟା ବରଫର ଚାଦର ତଳେ ଉଚ୍ଚ ଉଚ୍ଚ ପାହାଡ ଓ ଗଭୀର ଘାଟୀ ସବୁ ରହିଛି।
