ନୂଆଦିଲ୍ଲୀ,୨୯/୦୮: ଦୁଇ ଦିନିଆ ଜାପାନ ଗସ୍ତରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟୋକିଓରେ ଅନୁଷ୍ଠିତ ଭାରତ-ଜାପାନ ଇକୋନୋମିକ ଫୋରମରେ ଯୋଗ ଦେଇଛନ୍ତି । ଭାରତ ବିକାଶ ଯାତ୍ରାରେ ଜାପାନ ସର୍ବଦା ଗୁରୁତ୍ୱପୂର୍ଣ୍ଣ ପାର୍ଟନର ରହି ଆସିଛି । ମେଟ୍ରୋରୁ ନେଇ ମ୍ୟାନୁଫାକ୍ଚର, ସେମିକଣ୍ଡକ୍ଟରଠୁ ନେଇ ଷ୍ଟାର୍ଟଅପ ଯାଏ ସବୁ କ୍ଷେତ୍ରରେ ଆମର ସହଭାଗୀତା ପରସ୍ପର ଉପରେ ବିଶ୍ୱାସର ପ୍ରତୀକ ହୋଇଛି । ଭାରତ ଆସ, ବିଶ୍ୱ ପାଇଁ ନିର୍ମାଣ କର କହି 'ମେକ୍ ଇନ୍ ଇଣ୍ଡିଆ' ପାଇଁ ଦେଲେ ଜାପାନ ନିର୍ମାତାଙ୍କୁ ଆମନ୍ତ୍ରଣ କରି ସମ୍ବୋଧନରେ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ଇଣ୍ଡିଆ-ଜାପାନ ଅର୍ଥନୈତିକ ଫୋରମରେ ସମ୍ବୋଧନ କରି ପ୍ରଧାନମନ୍ତ୍ରୀ କହିଛନ୍ତି, ''ଜାପାନୀ କମ୍ପାନୀ ଭାରତରେ ୪୦ ବିଲିୟନ ଡଲାର ନିବେଶ କରିଛନ୍ତି । ଗତ ୨ ବର୍ଷରେ ୧୩ ବିଲିୟନ ଡଲାର ନିବେଶ ହୋଇଛି । ନିବେଶ ପାଇଁ ଭାରତ ସବୁଠୁ ଉପଯୁକ୍ତ ସ୍ଥାନ । ଭାରତରେ ପୁଞ୍ଜି କେବଳ ବୃଦ୍ଧି ପାଉନାହିଁ, ବହୁଗୁଣିତ ହେଉଛି । ୮୦% କମ୍ପାନୀ ଭାରତରେ ନିବେଶ ବଢାଇବାକୁ ଚାହୁଁଛନ୍ତି । ୭୫% କମ୍ପାନୀ ଲାଭରେ ରହିଛନ୍ତି । ଗତ ୧୧ ବର୍ଷରେ ଭାରତ ଅଦ୍ଭୂତପୂର୍ବ ପ୍ରଗତି କରିଛି । ଆଜି ଭାରତ ବିଶ୍ୱରେ ଦ୍ରୁତ ଗତିରେ ଅଭିବୃଦ୍ଧି ହେଉଥିବା ଅର୍ତନୈତିକ ଦେଶ ହୋଇଛି । ଭାରତରେ ରାଜନୈତିକ ଓ ଅର୍ଥନୈତିକ ସ୍ଥିରତା ଆସିଛି । ଅଟୋ ମୋବାଇଲ କ୍ଷେତ୍ରରେ ଆଗକୁ ବଢୁଛି ଭାରତ । ଗ୍ରୀନ ଏନର୍ଜି କ୍ଷେତ୍ରରେ ଏକାଠି କାମ କରିବାକୁ ହେବ । ଭାରତରେ ପୁଞ୍ଜି ନିବେଶ କଲେ ଭଲ ରିଟର୍ଣ୍ଣ ରହିଛି । ଭାରତ-ଜାପାନ ପାର୍ଟନରସିପରେ ଅନେକ ସମ୍ଭାବନା ରିହଛି ।''
ଅଧିକ ପଢନ୍ତୁ...ଆମେରିକା ଟାରିଫ୍ ବିବାଦ ଭିତରେ ଜାପାନରେ ପ୍ରଧାନମନ୍ତ୍ରୀ ମୋଦି; ଟୋକିଓରେ ଭବ୍ୟ ସ୍ୱାଗତ
ମେକ୍ ଇନ୍ ଇଣ୍ଡିଆ, ମେକ୍ ଫର ଦି ୱାର୍ଲ୍ଡ- ପ୍ରଧାନମନ୍ତ୍ରୀ ମୋଦି ମେକ୍ ଇନ୍ ଇଣ୍ଡିଆ ପାଇଁ ଅହ୍ୱାନ ଦେଇଛନ୍ତି । ଭାରତ ଆସି ନିବେଶ କରି ବିଶ୍ୱ ପାଇଁ ନିର୍ମାଣ କରିବାକୁ ନିବେଶକଙ୍କୁ ନିମନ୍ତ୍ରଣ କରିଛନ୍ତି । ସେ କହିଛନ୍ତି, ଆମ ସଂକଳ୍ପ ବିକଶିତ ଭାରତ ନିର୍ମାଣ କରିବା । ବିଶ୍ୱ ଭାରତକୁ ଦେଖୁନାହିଁ ତା ଉପରେ ନିର୍ଭର କରିଛି । ଜାପାନ ଟେକ୍ ପାୱାର ହେଲେ ଆମେ ଟ୍ୟାଲେଣ୍ଟ ପାୱାରା ହାଉସ । ଏକାଠି କାମ କରି ବିଶ୍ୱର ଟେକ୍ ବିଳ୍ପବର ନେତୃତ୍ୱ ନେବାକୁ ଆହ୍ୱାନ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
