ନୂଆଦିଲ୍ଲୀ,୨୩/୧୨: ଆଜି ଦେଶର ୪୫ଟି ସ୍ଥାନରେ ଅନୁଷ୍ଠିତ ହେବ ରୋଜଗାର ମେଳା । ପୂର୍ବାହ୍ନ ୧୦.୩୦ରେ ଆଭାସୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୭୧ ହଜାର ନିଯୁକ୍ତି ପତ୍ର ବାଣ୍ଟିବାର କାର୍ଯ୍ୟକ୍ରମ ରହିଛି । ଏହି ଅବସରରେ ସେ ନବ ନିଯୁକ୍ତଙ୍କୁ ସମ୍ବୋଧିତ କରିବେ ।
ନିଯୁକ୍ତି ସୃଷ୍ଟି କ୍ଷେତ୍ରରେ ରୋଜଗାର ମେଳା ହେଉଛି ପିଏମ୍ ମୋଦିଙ୍କର ଏକ ବଳିଷ୍ଠ ପଦକ୍ଷେପ । ଏହି ମେଳା ଯୁବ ସମାଜକୁ ରାଷ୍ଟ୍ର ନିର୍ମାଣ ସହ ନିଜକୁ ଶସକ୍ତ କରିବାରେ ବିଶେଷ ଭାବେ ସହାୟକ ହେବ । ସରକାରଙ୍କ ବିଭିନ୍ନ ମନ୍ତ୍ରଣାଳୟ ଏବଂ ବିଭାଗ ଲାଗି ଏହି ମେଳା ଅନୁଷ୍ଠିତ ହେଉଛି । ନବ ନିଯୁକ୍ତମାନେ କେନ୍ଦ୍ର ସରକାରଙ୍କ ସୌରାଷ୍ଟ୍ର ମନ୍ତ୍ରଣାଳୟ, ଡାକ, ବିଭାଗ, ଉଚ୍ଚ ଶିକ୍ଷା, ସ୍ୱାସ୍ଥ୍ୟ, ଅର୍ଥ ସହ ଅନ୍ୟ ପ୍ରମୁଖ ବିଭାଗରେ କାର୍ଯ୍ୟ କରିବେ । ଏହା ପୂର୍ବରୁ ଅକ୍ଟୋବରରେ ଶ୍ରୀ ମୋଦି ଆଭାସୀ ଜରିଆରେ ୫୧ ହଜାର ନିଯୁକ୍ତିପତ୍ର ବଣ୍ଟନ କରିଥିଲେ ।
ଦେଶର ୪୦ଟି ସ୍ଥାନରେ ଏକାସହ ଅନୁଷ୍ଠିତ ହୋଇଥିଲା ରୋଜଗାର ମେଳା । ରାଜସ୍ୱ ବିଭାଗ, ଉଚ୍ଚ ଶିକ୍ଷା, ସୌରାଷ୍ଟ୍ର ମନ୍ତ୍ରଣାଳୟ, ପ୍ରତିରକ୍ଷା ମନ୍ତ୍ରଣାଳୟ, ସ୍ୱାସ୍ଥ୍ୟ ଓ ପରିବାର କଲ୍ୟାଣ ଭଳି ମନ୍ତ୍ରଣାଳୟ ଗୁଡିକରେ ହୋଇଥିଲା ନିଯୁକ୍ତି । ଶ୍ରୀ ମୋଦି କହିଥିଲେ, ଦେଶର ଯୁବବର୍ଗଙ୍କୁ ନିଯୁକ୍ତି ଯୋଗାଣ ଧାରାକୁ କେନ୍ଦ୍ର ସରକାର ତ୍ୱରାନ୍ୱିତ କରିଛନ୍ତି । ଉଲ୍ଲେଖଯୋଗ୍ୟ, ୨୦୨୨ ଅକ୍ଟୋବର ୨୨ରେ ସାରା ଦେଶରେ ରୋଜଗାର ମେଳା ଆରମ୍ଭ ହୋଇଥିଲା
