ନୂଆଦିଲ୍ଲୀ: ଗୁଜରାଟ ମାଟିରୁ ପ୍ରଧାନମନ୍ତ୍ରୀ ମୋଦୀ ଆତଙ୍କବାଦ ଏବଂ ଆତଙ୍କବାଦକୁ ଆଶ୍ରୟ ଦେଉଥିବା ଲୋକଙ୍କୁ ସ୍ପଷ୍ଟ ଚେତାବନୀ ଦେଇଛନ୍ତି । ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ଭାରତ ପର୍ଯ୍ୟଟନରେ ବିଶ୍ୱାସ କରେ  ପର୍ଯ୍ୟଟକଙ୍କୁ ଯୋଡେ କିନ୍ତୁ ପାକିସ୍ତାନ ଭଳି ଏକ ଦେଶ ଅଛି, ଯିଏ ଆତଙ୍କବାଦକୁ ପର୍ଯ୍ୟଟନ ଭାବରେ ବିବେଚନା କରେ ଏବଂ ଏହା ବିଶ୍ୱ ପାଇଁ ଏକ ବଡ଼ ବିପଦ। ଆମର ନୀତି ଆତଙ୍କବାଦ ବିରୁଦ୍ଧରେ ଶୂନ୍ୟ ସହନଶୀଳତା। ଅପରେସନ ସିନ୍ଦୂର ଏହି ନୀତିକୁ ଅଧିକ ସ୍ପଷ୍ଟ କରିଛି । ଯିଏ ଭାରତୀୟଙ୍କ ରକ୍ତ ବୁହାଇବାକୁ ଚେଷ୍ଟା କରିବ, ତାକୁ ତାଙ୍କ ନିଜ ଭାଷାରେ ଜବାବ ଦିଆଯିବ।

ଖୁସିରେ ଜୀବନ ଯାପନ କର, ନିଜ ଖାଦ୍ୟ ଖାଅ... ନଚେତ୍ ମୋର ଗୁଳି ଅଛି । ଭାରତର ମତ ବହୁତ ସ୍ପଷ୍ଟ ବୋଲି କହିଛନ୍ତି ମୋଦୀ । ଭାରତ ବିକାଶର ପଥ ବାଛିଛି, ଶାନ୍ତି ଏବଂ ସମୃଦ୍ଧିର ପଥ ବାଛିଛି। ପ୍ରଧାନମନ୍ତ୍ରୀ ମୋଦୀ କହିଛନ୍ତି, ଯେଉଁମାନେ ଭାରତ ଉପରେ ଆଖି ଉଠାଇବେ ସେମାନଙ୍କୁ ଛଡ଼ାଯିବ ନାହିଁ। ଅପରେସନ ସିନ୍ଦୂର ହେଉଛି ମାନବତାକୁ ସୁରକ୍ଷା ଦେବା ଏବଂ ଆତଙ୍କବାଦକୁ ସମାପ୍ତ କରିବା ପାଇଁ ଏକ ମିଶନ। ମୁଁ ବିହାରର ସାଧାରଣ ସଭାରେ ଗର୍ବର ସହିତ ଘୋଷଣା କରିଥିଲି ଯେ, ମୁଁ ଆତଙ୍କବାଦର ଆଡ୍ଡାଗୁଡ଼ିକୁ ଧ୍ୱଂସ କରିବି। 

ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ଭାରତର ଟାର୍ଗେଟ ଆତଙ୍କବାଦର ମୁଖ୍ୟାଳୟ ଥିଲା। ଆମେ ସେଗୁଡ଼ିକୁ ସଠିକତାର ସହିତ ଆକ୍ରମଣ କରିଛୁ। ଭାରତର ଆକ୍ରମଣ ଦର୍ଶାଉଛି ଯେ, ଆମ ସେନା କେତେ ସକ୍ଷମ ଏବଂ ଶୃଙ୍ଖଳିତ। ସୀମା ଆରପଟେ ବୃଦ୍ଧି ପାଉଥିବା ଆତଙ୍କବାଦ ବିରୁଦ୍ଧରେ ଭାରତର ଲଢ଼େଇ । ଆମର ଶତ୍ରୁତା ସେମାନଙ୍କ ସହିତ ଯେଉଁମାନେ ଏହି ଆତଙ୍କବାଦକୁ ପ୍ରଶୟ ଦେଉଛନ୍ତି ।

ପ୍ରଧାନମନ୍ତ୍ରୀ କହିଛନ୍ତି, ମୋଦୀ ଗୁଜରାଟରୁ ହୋଇଥିବାରୁ ପାକିସ୍ତାନ କଚ୍ଛରେ ଡ୍ରୋନ୍ ସାହାଯ୍ୟରେ ଆକ୍ରମଣ ଉଦ୍ୟମ  କରି ଭୁଲ କରିଛି। ପାକିସ୍ତାନ ଭୁଲିଗଲା ଯେ, ଏହି ସେହି ଭୂମି ଯେଉଁଠାରେ ୧୯୭୧ ମସିହାରେ ଆମର ସାହସୀ ମହିଳା ଶକ୍ତି ମାତ୍ର ୭୨ ଘଣ୍ଟା ମଧ୍ୟରେ ଏକ ଏୟାରଷ୍ଟ୍ରିପ୍ ନିର୍ମାଣ କରିଥିଲେ। ଆମେ କେବଳ ଆତଙ୍କବାଦୀ ଆଡ୍ଡାଗୁଡ଼ିକୁ ସଠିକତାର ସହିତ ଟାର୍ଗେଟ କରିଥିଲୁ। କିନ୍ତୁ ପାକିସ୍ତାନ ଆମ ନାଗରିକଙ୍କ ଉପରେ ଆକ୍ରମଣ କରିବାକୁ ଚେଷ୍ଟା କରିଥିଲା । ପ୍ରତିଶୋଧ ସ୍ୱରୂପ, ଆମର ସୈନିକମାନେ ଏତେ ଶକ୍ତିଶାଳୀ ଭାବରେ ପ୍ରତିଆକ୍ରମଣ କଲେ ଯେ, ସେମାନଙ୍କର ଏୟାରବେସ୍ ICU ଭିତରକୁ ଚାଲିଗଲା। ଏହା ପରେ, ସେ ଶାନ୍ତି ପାଇଁ ନିବେଦନ କରିବାକୁ ବାଧ୍ୟ ହୋଇଥିଲେ ବୋଲି ମୋଦୀ କହିଛନ୍ତି ।