ନୂଆଦିଲ୍ଲୀ,୯।୪: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅପ୍ରେଲ ତୃତୀୟ ସପ୍ତାହରେ ସାଉଦି ଅରବ ଗସ୍ତରେ ଯିବେ। ଏବେ ତାରିଖ ଉପରେ ଅନ୍ତିମ ନିଷ୍ପତ୍ତି ନେବା ବାକି ରହିଛି। ତାଙ୍କର ଏହି ଗସ୍ତ ଦୁଇ ଦିନର ରହିଛି। ଯେଉଁଥିରେ ସେ ସାଉଦି ଆରବର ନେତାଙ୍କ ସହ ବାଣିଜ୍ୟ, ପୁଞ୍ଜିନିବେଶ, ଶକ୍ତି ଓ ପ୍ରତିରକ୍ଷା ସମ୍ପର୍କକୁ ନେଇ ଆଲୋଚନା କରିବେ। ଏହାଛଡା ଏକ ବଡ଼ ଏଜେଣ୍ଡା ଆଇଏମ୍ଇସି ଅର୍ଥାତ ଇଣ୍ଡିଆ ମିଡିଲ ଇଷ୍ଟ ୟୁରୋପ ଇକୋନୋମିକ୍ କରିଡର ମଧ୍ୟ ରହିବ। ଏହା ଉପରେ ଜି-୨୦ ସମିଟ୍ ବେଳେ ସହମତି ମିଳିଥିଲା। ଏବେ ଏହି ପ୍ରୋଜେକ୍ଟକୁ ଦୃତ ଗତିରେ ନେବା ପାଇଁ ପିଏମ୍ ମୋଦି ସାଉଦି ଅରବର ନେତାଙ୍କ ସହ କଥା ହେବେ। ଭାରତରୁ ୟୁରୋପ ପର୍ଯ୍ୟନ୍ତ ତିଆରି ହେବାକୁ ଥିବା ରାସ୍ତାରେ ସାଉଦି ଆରବ ମଧ୍ୟ ଗୁରୁତ୍ବପୂର୍ଣ୍ଣ ପର୍ଯ୍ୟାୟ। ଯାହାକି ଦୁନିଆର ସବୁଠାରୁ ଶକ୍ତିଶାଳି ଇସଲାମିକ୍ ଦେଶ। ୪ ବର୍ଷର ବ୍ୟବଧାନ ପରେ ପିଏମ୍ ମୋଦି ସାଉଦି ଗସ୍ତରେ ଯିବେ।
ଦିଲ୍ଲୀରେ ୨୦୨୩ ରେ ଜି-୨୦ ସମିଟର ଆୟୋଜନ ହୋଇଥିଲା। ଏହି ସମୟରେ ଆଇଏମ୍ଇସିକୁ ନେଇ ସହମତି ହୋଇଥିଲା। ଏହି କରିଡର ଭାରତ ପାଇଁ ଭୂ-ରାଜନୈତିକ ଓ ଆର୍ଥିକ ଭାବରେ ଖୁବ୍ ଗୁରୁତ୍ବପୂର୍ଣ୍ଣ। ଏହି ପ୍ରୋଜେକ୍ଟ ଅନୁସାରେ, ଭାରତରୁ ମିଡିଲ ଇଷ୍ଟ ଦେଇ ୟୁରୋପ ପର୍ଯ୍ୟନ୍ତ ଯେଉଁ କରିଡର ଯିବ, ସେଥିରେ ରେଳ, ରୋଡ ନେଟଓ୍ବର୍କ ସାମିଲ ହେବ। ଏହାଛଡା ସଡକ ପରିବହନ ମଧ୍ୟ ସାମିଲ ରହିବ। ପ୍ରଥମ ପର୍ଯ୍ୟାୟରେ ଏହା ଭାରତରୁ ମଧ୍ୟ ପୂର୍ବ ପର୍ଯ୍ୟନ୍ତ ରହିବ। ଏହାଛଡା ଅନ୍ୟ ଭାଗ ମଧ୍ୟ ପୂର୍ବରୁ ୟୁରୋପ ଭିତରେ ହେବ। ପ୍ରଥମ ପାର୍ଟକୁ ପୂର୍ବ କରିଡର କୁହାଯାଏ, ଯାହାକି ଭାରତର ମୁମ୍ବାଇ ବାଟ ଦେଇ ମିଡିଲ ଇଷ୍ଟ ପର୍ଯ୍ୟନ୍ତ ଯିବ। ଏହାପରେ ମିଡିଲ ଇଷ୍ଟରୁ ସାଉଦି ଆରବ ପର୍ଯ୍ୟନ୍ତ ରାସ୍ତାକୁ ନଦର୍ଣ୍ଣ କରିଡର କୁହାଯିବ। ଆଇଏମ୍ଇସି କରିଡର ଇଲେକ୍ଟ୍ରିସିଟି କେବଲ, ହାଇଡ୍ରୋଜେନ୍ ପାଇପ୍ଲାଇନ୍ ଓ ହାଇସ୍ପିଡ୍ ଡାଟା କେବଲ ମଧ୍ୟରେ ସାମିଲ ହେବ।
ଏହି କରିଡରରେ ଭାରତ, ଆମେରିକା, ସାଉଦି ଆରବ, ୟୁଏଇ, ଇଟାଲି, ଫ୍ରାନ୍ସ ଓ ଜର୍ମାନୀ ସାମିଲ ହେବ। ଏହାଛଡା ୟୁରୋପିଆନ୍ ୟୁନିୟନ ମଧ୍ ଏହାର ଅଂଶ ରହିବ। ଏହି ରୁଟ୍ରେ ଭାରତର ତିନୋଟି ପୋର୍ଟ ରହିବ। ଗୁଜରାଟର ମୁଦ୍ରା ଓ କାଣ୍ଡଲା ବନ୍ଦର। ଏହାଛଡା ନଭି ମୁମ୍ବାଇର ଜବାହରଲାଲ ନେହରୁ ପୋର୍ଟ ଟ୍ରଷ୍ଟ ମଧ୍ୟ ଏହାର ଅଂଶ ହେବ। କେବଳ ସେତିକି ନୁହେଁ ମଧ୍ୟ ପୂର୍ବ ଦେଶ ଫୁଜେରାହ, ଜେବେଲ ଅଲ୍ଲୀ ଅବୁଧାବୀ ବନ୍ଦର ମଧ୍ୟ ଏଥିରେ ସାମିଲ ହେବ। ସାଉଦି ଆରବର ଦମ୍ମନ ଓ ରାସ ଅଲ୍ ଖୈର ଏହି କରିଡରରେ ରହିବ। ସବୁଠାରୁ ମଜା ବଡ଼ ହେଲା ରେଲଓ୍ବେ ଲାଇନ୍ ମଧ୍ୟ ଏହି କରିଡରରେ ରହିବ ଓ ଏହାର ଅଂଶ ମଧ୍ୟ ଇସ୍ରାଏଲ ରହିବ। ରେଲଓ୍ବେ ଲାଇନ୍ ୟୁଏଇର ଫୁଜେରାହ ପୋର୍ଟ ଦେଇ ଯିବ। ଇସ୍ରାଏଲର ହାଇଫା ପୋର୍ଟକୁ ମଧ୍ୟ ରେଲଓ୍ବେ ଲାଇନ୍ ସହ କନେକ୍ଟ କରିବ। ଏହାପରେ ସାଉଦି ଆରବ ଓ ଜୋର୍ଡାନ ମଧ୍ୟ ଏହି ରେଲଓ୍ବେ ଲାଇନର ସାମିଲ ହେବେ।
