ନୂଆଦିଲ୍ଲୀ,୦୫/ ୦୨: ମହାକୁମ୍ଭରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।  ତ୍ରିବେଣୀ ସଙ୍ଗମରେ ପୂଜାର୍ଚ୍ଚନା କରିଛନ୍ତି ପ୍ରଧାନମନ୍ତ୍ରୀ ।  ଏହା ପରେ ପବିତ୍ର ବୁଡ ପକାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବୁଡ ପକାଇ ସାରିବା ପରେ ଗଙ୍ଗା ନଦୀ କୂଳରେ ପୂଜାର୍ଚ୍ଚନା କରିବା ସହିତ ଆଳତୀ କରିଛନ୍ତି ମୋଦି  । ଗେରୁଆ ବସ୍ତ୍ର ସହ ବେକରେ ରୁଦ୍ରାକ୍ଷ ମାଳି ପକାଇ ସଙ୍ଗମ ଘାଟରେ ବୁଡ ପକାଇଛନ୍ତି ପ୍ରଧାନମନ୍ତ୍ରୀ । ଏହାପରେ ଗଙ୍ଗା ନଦୀରୁ ହାତ ହଲାଇ ଶ୍ରଦ୍ଧାଳୁଙ୍କୁ ଅଭିବାଦନ ଜଣାଇଥିଲେ । ସାଙ୍ଗରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଉପସ୍ଥିତ ଥିଲେ ।

ପବିତ୍ର ମହାକୁମ୍ଭ ମେଳାରେ ଦୁଃଖଦ ଦଳଚକଟା ଘଟଣା ପରେ ପ୍ରୟାଗରାଜ ଗସ୍ତ କରି ତ୍ରିବେଣୀ ସଙ୍ଗମରେ ସ୍ନାନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି  । ପୂର୍ବାହ୍ନ ୧୦ଟା ୫ ମିନିଟରେ ମୋଦି ପ୍ରୟାଗରାଜ ବିମାନ ବନ୍ଦରରେ ପହଞ୍ଚିଥିଲେ । ସେଠାରେ ଡିପିଏସ ହେଲିପ୍ୟାଡରେ ଆରିଆଲ ଘାଟ ଅଭିମୁଖେ ଯାତ୍ରା କରିଥିଲେ । ୧୦ଟା ୫୦ ମିନିଟରେ ଆରିଆଲ ଘାଟରୁ ମହାକୁମ୍ଭ ଅଭିମୁଖେ ଏକ ଡଙ୍ଗାରେ ଯାତ୍ରା କରିଥିଲେ ।  ଏହା ପରେ ସଙ୍ଗମ ଘାଟରେ ପବିତ୍ର ବୁଡ ପକାଇବା ପରେ ଗଙ୍ଗା ନଦୀ କୂଳରେ ପୂଜାର୍ଚ୍ଚନା କରିଥିଲେ ।  

ଏହା ପରେ ପ୍ରଧାନମନ୍ତ୍ରୀ ସେଠାରେ ସାଧୁ ସନ୍ଥଙ୍କ ସହ ଆଲୋଚନା କରିବେ । ଏହା ସହିତ ଶ୍ରଦ୍ଧାଳୁଙ୍କ ସୁରକ୍ଷା ପାଇଁ କରାଯାଇଥିବା ବ୍ୟବସ୍ଥାର ସମୀକ୍ଷା କରିବେ । ଫେବୃଆରୀ ୫ରେ  ପ୍ରଧାନମନ୍ତ୍ରୀଙ୍କ କୁମ୍ଭମେଳା ଗସ୍ତକୁ ନେଇ ଚର୍ଚ୍ଚା ହେଉଛି । ଆଜି  ମାଘ ଅଷ୍ଟମୀ ସହ ଭୀଷ୍ମ ଅଷ୍ଟମୀ ସହ ଦିଲ୍ଲୀ ବିଧାନସଭା ନିର୍ବାଚନ ଜାରି ରହିଛି । ଯାହାକୁ ନେଇ ଚର୍ଚ୍ଚା ହେଉଛି ।

#WATCH | Prime Minister Narendra Modi performs 'aarti' at Triveni Sangam in Prayagraj, Uttar Pradesh.

(Source: ANI/DD)

#MahaKumbh2025 pic.twitter.com/0XDOf5rtzH

— ANI (@ANI) February 5, 2025

#WATCH | Prime Minister Narendra Modi takes a holy dip at Triveni Sangam in Prayagraj, Uttar Pradesh

(Source: ANI/DD)

#MahaKumbh2025 pic.twitter.com/j3OQiCp80q

— ANI (@ANI) February 5, 2025

ଏହା ବି ପଢନ୍ତୁ...Maha Kumbh: କୁମ୍ଭମେଳାରେ ବୁଡ ପକାଇଲେ ଭୁଟାନ ରାଜା; ରାଜ୍ୟପାଳଙ୍କ ସହ କଲେ ଆଲୋଚନା

ପ୍ରକାଶ ଥାଉ କି, ଗତ ଜାନୁଆରୀ ୧୩ ତାରିଖରୁ ପ୍ରୟାଗରାଜରେ ଆରମ୍ଭ ହୋଇଛି ମହାକୁମ୍ଭ । ଭବ୍ୟ ଦିବ୍ୟ କୁମ୍ଭମେଳାରେ ଲକ୍ଷ ଲକ୍ଷ ଶ୍ରଦ୍ଧାଳୁଙ୍କ ଭିଡ ଜମିଛି । ବାବା, ସାଧୁ ସନ୍ଥଙ୍କ ସମାଗମ ହୋଇଛି । ଆସନ୍ତା ଫେବୃଆରୀ ୨୬ ତାରିଖ ଯାଏ କୁମ୍ଭମେଳା ଚାଲିବ।