ଭଦ୍ରକ,୦୨/୧୨: ଗୋରୁ ବୋଝେଇ ଗାଡ଼ି ଜବତ । ଗୋଡେଇ ଗୋଡେଇ ଧରିଲା ଭଦ୍ରକ ପୁରୁଣା ବଜାର ପୋଲିସ । ଗାଡ଼ିକୁ ଷ୍ଟାର୍ଟରେ ଛାଡି ଫେରାର ହେଲା ଡ୍ରାଇଭର । ଭଦ୍ରକ ଜିଲ୍ଲା ଡାହାଣୀଠାରେ ଗୋରୁ ବୋଝେଇ ଗାଡ଼ିକୁ ଜବତ କରିଛି ପୋଲିସ ।
ସୂଚନା ମୁତାବକ, ତିହିଡିରୁ ଏକ ଗାଡ଼ିରେ ଗୋରୁ ଚାଲାଣ ହେଉଥିବା ନେଇ ପୋଲିସ ଏକ ବିଶେଷ ସୂତ୍ରରୁ ଖବର ପାଇଥିଲା । ଖବର ପାଇ ପୁରୁଣା ବଜାର ଓ ସହରାଞ୍ଚଳ ପୋଲିସ ବିଭିନ୍ନ ସ୍ଥାନରେ ବ୍ଳକିଂ କରିବା ସହ କିଛି ସ୍ଥାନରେ ଲୁଚି ରହିଥିଲେ । ଗୋରୁ ଗାଡ଼ି ଦେଖି ପୁରୁଣା ବଜାର ଥାନା ପୋଲିସ ଗୋଡାଇଥିଲା । ଏହା ଦେଖି ଗାଡିର ଡ୍ରାଇଭର ଡରି ଯାଇଥିଲା । ଡାହାଣୀଗଡିଆ ନିକଟରେ ଡ୍ରାଇଭର ଗାଡିକୁ ଷ୍ଟାର୍ଟରେ ରଖି ଦୌଡ଼ି ପଳାଇଥିଲା । ଗାଡିଟିକୁ ପୋଲିସ ଜବତ କରିବା ପରେ ଭଦ୍ରକ ଏସପି ମାଡକର୍ ସନ୍ଦୀପ ସମ୍ପତ ଘଟଣାସ୍ଥଳରେ ପହଞ୍ଚିଥିଲେ । ଗାଡ଼ିରେ ୧୩ ଟି ଗୋରୁ ଚାଲାଣ ହେଉଥିବା ବେଳେ ସମସ୍ତ ଗୋରୁଙ୍କୁ ଉଦ୍ଧାର କରି ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି ।
