ଯାଜପୁର,୨୩।୧୧ : ଯାଜପୁରରେ ଶାନ୍ତି ବଜାୟ ରଖିବାକୁ ଯାଜପୁର ପୁଲିସ ପକ୍ଷରୁ ଯାଜପୁର ସହରରେ ଶନିବାର ଫ୍ଲାଙ୍ଗମାର୍ଚ୍ଚ କରାଯାଇଛି। ପୁଲିସ ଡିଆଇଜି ଡ଼. ସତ୍ୟଜିତ ନାୟକ , ଯାଜପୁର ଜ଼ିଲ୍ଲାପାଳ ପି ଅନ୍ଵେଷା ରେଡି, ଯାଜପୁର ଏସପି ୟସ ପ୍ରତାପ ଶ୍ରୀମଲଙ୍କ ଉପସ୍ଥିତରେ ଏହି ଫ୍ଲାଗମାର୍ଚ୍ଚ ସହର ପରିକ୍ରମା କରିଛି। 

ଯାଜପୁର ଟାଉନ ଥାନାରୁ ବାହାରି ବଡବଜ଼ାର, ଗରିଆପୁର, ମେଡିକାଲ ଛକ, ରେଡ କ୍ରସ ଛକ, ଗାନ୍ଧୀ ଛକ ଦେଇ ଟାଉନ ଥାନାରେ ପହଂଚି ଥିଲା। ୮ ପ୍ଲାଟୁନ ପୁଲିସ ସହାୟତାରେ ଏହି ଫ୍ଲାଗ ମାର୍ଚ୍ଚ କରାଯାଇଥିଲା । ଅନ୍ୟପଟେ   ଆଇନ ଶୃଙ୍ଖଳା ପରିସ୍ଥିତିରେ ବ୍ୟାଘାତ ଘଟିଲେ ଦୃଢ କଟକଣା ଜାରି କରାଯିବ ବୋଲି ପୁଲିସ   ଓ ଜ଼ିଲ୍ଲା ପ୍ରଶାସନ ପକ୍ଷରୁ ସ୍ପଷ୍ଟ କରଯାଇଛି।