ମୁମ୍ବାଇ,୦୩/୧୨: ବିଜେପି ବରିଷ୍ଠ ନେତା ନୀତିନ ଗଡକରୀ ସବୁବେଳେ ତାଙ୍କର ନିର୍ଭୀକ ଓ ସ୍ପଷ୍ଟବାଦୀ ବୟାନ ପାଇଁ ଚର୍ଚ୍ଚାରେ ରହିଥାନ୍ତି । ବିଜେପିକୁ ମଧ୍ୟ ସେ ସମାଲୋଚନା କରିବାକୁ ପଛାନ୍ତିନାହିଁ । ଏବେ ପୁଣି ଏକ ବୟାନ ଦେଇ ଚର୍ଚ୍ଚାକୁ ଆସିଛନ୍ତି ଗଡକରୀ । ସେ କହିଛନ୍ତି ରଜନୀତି ହେଉଛି ଅସନ୍ତୁଷ୍ଟ ଆତ୍ମାମାନଙ୍କର ଏକ ସମୁଦ୍ର । ଏଠି ପ୍ରତ୍ୟେକ ବ୍ୟକ୍ତି ଦୁଃଖୀ । ମିଳିଥିବା ପଦକୁ ନେଇ ଅସନ୍ତୁଷ୍ଟ । ସବୁବେଳେ ଉଚ୍ଚ ପଦ ପାଇଁ ଆଗ୍ରହୀ ହେଉଛନ୍ତି ।
ନାଗପୁରରେ '୫୦ ଗୋଲ୍ଡେନ ରୁଲ୍ସ ଅଫ୍ ଲାଇଫ୍' ଶୀର୍ଷକ ପୁସ୍ତକର ଉନ୍ମୋଚନ ଅବସରରେ ନୀତିନ ଗଡକରୀ କହିଛନ୍ତି, ଜୀବନ ଏକ ବୁଝାମଣା । ବାଧ୍ୟବାଧକତା, ସୀମିତତା ଓ ବିରୋଧାଭାସର ଖେଳ । ଜଣେ ବ୍ୟକ୍ତି ପାରିବାରିକ, ସାମାଜିକ, ରାଜନୈତିକ କିମ୍ବା କର୍ପୋରେଟ ଯେଉଁଥିରେ ଥାଉ ତାର ଜୀବନ ଆହ୍ବାନ ଓ ସମସ୍ୟା ରହିବାଟା ନିଶ୍ଚୟ । ଏହି ସମସ୍ୟାରୁ ମୁକୁଳିବା ପାଇଁ ବ୍ୟକ୍ତି ବଞ୍ଚିବାର କଳାକୁ ବୁଝିବା ଦରକାର । ରଜାନୀତି ହେଉଛି ଆତ୍ମାମାନଙ୍କର ଏକ ସମୁଦ୍ର । ଏଠି ପ୍ରତ୍ୟେକ ବ୍ୟକ୍ତି ଦୁଃଖୀ । ମିଳିଥିବା ପଦକୁ ନେଇ ଅସନ୍ତୁଷ୍ଟ । ସବୁବେଳେ ଉଚ୍ଚ ପଦ ପାଇଁ ଆଗ୍ରହୀ ହେଉଛନ୍ତି । ଯିଏ କର୍ପୋରେଟର ହୁଅନ୍ତି ସେ ବିଧାୟକ ନ ହେଲେ ଦୁଃଖୀ ହୋଇଥାନ୍ତି । ସେହିପରି ଜଣେ ବିଧାୟକଙ୍କୁ ମନ୍ତ୍ରୀପଦ ନମିଳିଲେ ସେ ଦୁଃଖ ପ୍ରକଶ କରନ୍ତି । ପୁଣି ଯିଏ ମନ୍ତ୍ରୀ ହୁଅନ୍ତି ସେ ଦୁଃଖୀ କାରଣ ତାଙ୍କୁ ଭଲ ବିଭାଗ ନମିଳିବା ।
ନୀତିନ ଗଡକରୀ ଆହୁରି କହିଛନ୍ତି, ଜୀବନର ସମସ୍ୟା ହେଉଛି ଏକ ବଡ ଚ୍ୟାଲେଞ୍ଜ । ଯାହାର ସାମ୍ନା କରି ଆଗକୁ ବଢିବା ହେଉଛି ବଞ୍ଚିବାର କଳା । ଜଣେ ବ୍ୟକ୍ତି ପରାଜିତ ହେଲେ କିଛି ଶେଷ ହେଇନଥାଏ । ରାଜନୀତି ଛାଡିଦେଲେ ସବୁକିଛି ଶେଷ ହୋଇଯାଏ । ସୁଖମୟ ଜୀବନ ବିତାଇବାକୁ ମାନବିକ ମୂଲ୍ୟବୋଧ ଓ ସଂସ୍କାର ଉପରେ ଗୁରୁତ୍ବ ଦେବା ଦରକାର ।
ସଂସଦରେ ବଦଳିଲା ନୀତିନଙ୍କ ସିଟ୍- ସଂସଦରେ ନୂଆ ସିଟିଂ ସିଷ୍ଟମ ଅନୁସାରେ କେନ୍ଦ୍ର ମନ୍ତ୍ରୀ ନୀତିନ ଗଡକରୀଙ୍କ ସିଟ୍ ପରିବର୍ତ୍ତନ ହୋଇଛି । ବର୍ତ୍ତମାନ ସଂଶୋଧିତ ସିଟିଙ୍ଗ ଲିଷ୍ଟ ଜାରି ହେବାପରେ ନୀତିନ ଗଡକରୀଙ୍କ ସିଟ୍ ୪ ନମ୍ବର ହୋଇଛି । ପୂର୍ବରୁ ସେ ୫୮ ନମ୍ବର ଆସନରେ ବସୁଥିଲେ । ପୂର୍ବରୁ ସଂସଦରେ ୪ ଓ ୫ ନମ୍ବର ସିଟ୍ ଖାଲି ରହୁଥିଲା ।
ପ୍ରକାଶ ଥାଉ କି, କିଛି ଦିନ ତଳେ ବିଜେପିକୁ ସମାଲୋଚନା କରିଥିଲେ ଗଡକରୀ । ବିଜେପିର ରାଜନୈତିକ ଫସଲ ଅଧିକ ଅଛି ଯାହା ଭଲ ଉତ୍ପାଦନ ସହ ରୋଗ ମଧ୍ୟ ଆଣିଥାଏ । ତେଣୁ ଏପରି ରୋଗ ପାଇଁ କୀଟନାଶକ ଛିଞ୍ଚିବା ଦରକାର ବୋଲି କହିଥିଲେ ।
