ନୂଆଦିଲ୍ଲୀ, ୧୫/୧୧: ଜନଜାତି ଗୌରବ ଦିବସ ପାଳନ କରୁଛି ଦେଶ । ଆଦିବାସୀଙ୍କ ଭଗବାନ ତଥା ମହାନ ଜାତୀୟତାବାଦୀ ସଂଗ୍ରାମୀ ବିର୍ସାମୁଣ୍ଡାଙ୍କର ଆଜି ୧୫୦ତମ ଜନ୍ମ ଜୟନ୍ତୀ । ଏହି ଦିନକୁ ଜନଜାତି ଗୌରବ ଦିବସ ଭାବେ ପାଳନ କରାଯାଏ । ରାଷ୍ଟ୍ରପତି ଦ୍ରୌପଦୀ ମୁର୍ମୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଉପରାଷ୍ଟ୍ରପତି ଜଗଦୀପ ଧନକର ପାଲ୍ଲାମେଣ୍ଟ ହାଉସରେ ଥିବା ଭଗବାନ ବିର୍ସାମୁଣ୍ଡାଙ୍କ ପ୍ରତିମୂର୍ତ୍ତୀ ନିକଟରେ ମାଲ୍ୟାର୍ପଣ କରି ଶ୍ରଦ୍ଧାଞ୍ଜଳି ଜଣାଇଛନ୍ତି ।
ସୋସିଆଲ ମିଡିଆ ଏକ୍ସରେ ପ୍ରଧାନମନ୍ତ୍ରୀ ଲେଖିଛନ୍ତି, ଭଗବାନ ବିର୍ସା ମୁଣ୍ଡାଙ୍କର ୧୫୦ତମ ଜୟନ୍ତୀକୁ ଜନଜାତି ଗୌରବ ଦିବସ ଭାବେ ପାଳନ କରାଯାଉଛି । ବିର୍ସା ମୁଣ୍ଡା ମାତୃଭୂମି ପାଇଁ ନିଜର ସର୍ବସ୍ବ ସମର୍ପିତ କରିଥିଲେ । ମହାନ ବ୍ୟକ୍ତିତ୍ବଙ୍କ ଜୟନ୍ତୀରେ କୋଟି କୋଟି ପ୍ରଣାମ ।
ପ୍ରକାଶ ଥାଉ କି, ଜନଜାତି ଗୌରବ ଦିବସ ଅବସରରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିହାରର ଜମୁଇ ଗସ୍ତ କରିବେ । ସେଠାରେ ୬୬୦୦ କୋଟିର ଯୋଜନାର ଶୁଭାରମ୍ଭ, ଶିଳାନ୍ୟାସ ଓ ଲେକାର୍ପଣ କରିବେ ।
