ନୂଆଦିଲ୍ଲୀ,୨୬/୦୧: ୭୬ତମ ଗଣତନ୍ତ୍ର ଦିବସକୁ ନେଇ ସବୁଠି ଉଲ୍ଲାସ ଉତ୍ସାହ । ଦିଲ୍ଲୀରୁ ପଲ୍ଲୀ ସବୁଠି ଫର ଫର ହୋଇ ଉଡୁଛି ଜାତୀୟ ପତାକା ତ୍ରିରଙ୍ଗା । ବଖାଣୁଛି ବୀରତ୍ବ ଓ ଶୌର୍ଯ୍ୟର ଗାଧା। ପବନରେ ଭାସି ଆସୁଛି ବନ୍ଦେ ମାତରମ, ଜୟ ହିନ୍ଦ୍ ଧ୍ବନୀ । ଏହି ଅବସରରେ ଦିଲ୍ଲୀର କର୍ତ୍ତବ୍ୟ ପଥରେ ଜାତୀୟ ପତାକା ଉତ୍ତୋଳନ କରିଛନ୍ତି ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଭବ୍ୟ ପରେଡରେ ବିଶ୍ବ ଦେଖିଲା ଭାରତର ପରାକ୍ରମ । ରଙ୍ଗାରଙ୍ଗ ପରେଡରେ ଦୁଲୁକୁଛି କର୍ତ୍ତବ୍ୟ ପଥ । ମୁଖ୍ୟ ଅତିଥି ଭାବେ ଯୋଗ ଦେଇଛନ୍ତି ଇଣ୍ଡୋନେସିଆ ରାଷ୍ଟ୍ରପତି ପ୍ରୋବୋୱ ସୁବିଆଣ୍ଟୋ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ ଶାହ ଓ ପ୍ରତିରକ୍ଷାମନ୍ତ୍ରୀ ରାଜନାଥ ସିଂହଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଅଛନ୍ତି ।
#WATCH | President Droupadi Murmu unfurls the National Flag at Kartavya Path, on the occasion of 76th #RepublicDay🇮🇳
National anthem and 21 Gun salute follows.
ପବିତ୍ର ସାଧାରଣତନ୍ତ୍ର ଦିବସରେ ଦିଲ୍ଲୀର କର୍ତ୍ତବ୍ୟ ପଥ ଆକର୍ଷଣର କେନ୍ଦ୍ରବିନ୍ଦୁ ପାଲିଟିଛି । ଭବ୍ୟ ପରେଡ୍ ଆୟୋଜିତ ହୋଇଛି । ବିଶ୍ବ ଦେଖୁଛି ସର୍ବବୃହତ୍ତ ଗଣତାନ୍ତ୍ରିକ ଭାରତର ଶକ୍ତି ଓ ସାମର୍ଥ୍ୟ । ଜାତୀୟ ପତାକା ଉତ୍ତୋଳନ ପରେ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ତିନି ସେନାର ଅଭିବାଦନ ଗ୍ରହଣ କରିଛନ୍ତି । ମହାମହିମଙ୍କୁ ୨୧ ତୋପ ସଲାମି ଦିଆଯାଇଥିଲା । 'ସ୍ବର୍ଣ୍ଣିମ ଭାରତ, ବିକଶିତ ଓ ବିକାଶ' ଥିମରେ ୧୬ ରାଜ୍ୟର ୧୦ ମନ୍ତ୍ରଣାଳୟର ୩୧ଟି ପ୍ରଜ୍ଞାପନ ମେଢ କଳା ପ୍ରଦର୍ଶନ କରିଛନ୍ତି । ସେପଟେ ନୀଳ ଆକାଶର ଛାତି ଚିରି ଶକ୍ତି ପ୍ରଦର୍ଶନ କରିଛି ଭାରତୀୟ ବାୟୁସେନାର ଲଢୁଆ ବିମାନ । ଭାରତୀୟ ବାୟୁସେନା ରାଫେଲ 'ବିଜୟ' ଶକ୍ତି ଦେଖାଇଥିଲା । ୩ଟିି ସୁଖୋଇ ତ୍ରିଶୁଳ ଫରମେସନରେ ପରାକ୍ରମ ପଦର୍ଶନ କରିଥିଲେ । କର୍ତ୍ତବ୍ୟପଥରେ ସେନା ଟ୍ୟାଙ୍କ ଓ ମିସାଇଲ ପରାକ୍ରମ ଦେଖାଇଛନ୍ତି । ମହାପ୍ରଭୁ ଶ୍ରୀ ଜଗନ୍ନାଥଙ୍କ ନାମରେ ନାମିତ ସେନା ଗାଡି କ୍ବିକ୍ ଆକ୍ସନ ଫୋର୍ସ ଭେଇକିଲ 'ନନ୍ଦିଘୋଷ' ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି । ମେଜର ରାଧିକା ସିଂଙ୍କ ନେତୃତ୍ବରେ ପରାକ୍ରମ ଦେଖାଇଥିଲା ତ୍ବରିତ ପ୍ରତିକ୍ରିୟା ବଳ ବାହକ ନନ୍ଦିଘୋଷ ।
#WATCH | Delhi: The Genderang Suling Canka Lokananta, a 190-member ensemble band from the Indonesian Military Academy (Akmil) and Marching Contingent, comprising 152 personnel from all branches of the Indonesian National Armed Forces (TNI) on Kartavya Path on 76th #RepublicDay🇮🇳… pic.twitter.com/vbyaGgVgTH
— ANI (@ANI) January 26, 2025
ଦେଶପ୍ରେମରେ ଉଛୁଳିଛି କର୍ତ୍ତବ୍ୟ ପଥ । ଗୋଟିଏ ପରେ ଗୋଟିଏ ପାରମ୍ପରିକ କଳା ପ୍ରଦର୍ଶିତ ହୋଇଥିଲା । ବିଏସଏଫ କ୍ୟାମେଲ ମାଉଣ୍ଟେଡ ବ୍ୟାଣ୍ଡ କଣ୍ଟିଜିନେଣ୍ଟ, ଏନସିସି କଣ୍ଟିଜିନେଣ୍ଟ, ସାମାଜିକ ନ୍ୟାୟ ଏବଂ ସଶକ୍ତ ଓ ଆଦିବାସୀ ମନ୍ତ୍ରଣାଳୟର ପ୍ରଜ୍ଞାପନ ମେଢ ପ୍ରଦର୍ଶିତ ହୋଇଥିଲା । ବିକଶିତ ଭାରତ ଦିଗରେ ସୈଦେବ ଅଗ୍ରସର ଥିମରେ ଭାରତୀୟ ସଶସ୍ତ୍ର ବଳ, ସିଆରପିଏଫ ବ୍ରାସ ବାଣ୍ଡର ୫୧ ପୁରୁଷ ୪୯ ମହିଳା ମ୍ୟୁଜିକାଲ ଡ୍ରମ୍ ସହ 'ଦେଶ କା ହେ ହମ୍ ରକ୍ଷକ' ପରେଡ୍ ପ୍ରଦର୍ଶନ କରିଥିଲେ । କ୍ୟାପ୍ଟେନ ରିତିକା ଖାରେଟାଙ୍କ କମାଣ୍ଡରେ 'କୋରପ୍ସ ସିଗନାଲ୍ସ' ପରେଡ ପ୍ରଦର୍ଶନ କରିଥିଲେ । ବିହାର ରେଜିମେଣ୍ଟ ସେଣ୍ଟର ଏବଂ ଲଦାଖ ସ୍କାଉଟ୍ ରେଜିମେଣ୍ଟ ସେଣ୍ଟର,ମାହାର ରେଜିମେଣ୍ଟ , ଜମ୍ମୁ କାଶ୍ମୀର ରାଇଫଳ ରେଜିମେଣ୍ଟ କର୍ତ୍ତବ୍ୟ ପଥରେ ପରେଡ ପ୍ରଦର୍ଶନ କରିଥିଲେ । ବ୍ରହ୍ମୋସ ମିସାଇଲ ପ୍ରଦର୍ଶିତ ହୋଇଥିଲା । ସମାରୋହ ଶେଷକୁ ଶୀତୁଆ ସକାଳର ନୀଳ ଆକାଶରେ ତ୍ରିରଙ୍ଗା ରଙ୍ଗର ୧୦୦ ବେଲୁନ ଓ ସମ୍ବିଧାନ ଲୋଗ ଉଡିଥିଲା । ନୀଳ ଆକାଶକୁ ଛୁଇଁଥିଲା ।
#WATCH | 76th #RepublicDay🇮🇳 | The first army contingent is of the 61 Cavalry, the only serving active Horsed Cavalry Regiment in the world, followed by the T-90 Bhishma, the Main Battle Tank, followed by Nag Missile System (NAMIS) on the Kartavya Path, during the Republic Day… pic.twitter.com/4JJbaZHfV7
— ANI (@ANI) January 26, 2025
— ANI (@ANI) January 26, 2025
(Source: DD News) pic.twitter.com/6969bmx2B4
