ନୂଆଦିଲ୍ଲୀ, ୨୬/୦୭ : ଦୁନିଆର ସବୁଠୁ ଲୋକପ୍ରିୟ ଗଣତାନ୍ତ୍ରିକ ନେତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ପଛରେ ପଡ଼ିଲେ ଡୋନାଲ୍ଡ ଟ୍ରମ୍ପ। ବିଜନେସ୍ ଇଣ୍ଟେଲିଜେନ୍ସ କମ୍ପାନୀ ମର୍ଣ୍ଣିଂ କନସଲ୍ଟର ତାଜା ସର୍ଭେ ରିପୋର୍ଟରୁ ଖୁଲାସା। ୨୦ରୁ ଉର୍ଦ୍ଧ୍ଵ ଦେଶର ନେତାଙ୍କୁ ନେଇ ଜୁଲାଇ ୪ରୁ ୧୦ ତାରିଖ ମଧ୍ୟରେ ସର୍ଭେ କରାଯାଇଥିଲା। ଏହି ସର୍ଭେରେ ୭୫ ପ୍ରତିଶତ ଲୋକ ମୋଦିଙ୍କୁ ପସନ୍ଦ କରିଛନ୍ତି। ସେହିପରି ଦ୍ଵିତୀୟ ସ୍ଥାନରେ ରହିଛନ୍ତି ଦକ୍ଷିଣ କୋରିଆର ରାଷ୍ଟ୍ରପତି ଜି ଜେ-ମ୍ୟୁଙ୍ଗ। ତାଙ୍କୁ ୫୯ ପ୍ରତିଶତ ରେଟିଂ ମିଳିଛି। ତାଙ୍କ ପଛକୁ ତୃତୀୟ ସ୍ଥାନରେ ଆର୍ଜେଣ୍ଟିନା ରାଷ୍ଟ୍ରପତି ଜାଭିଅର ମିଲେଇ ରହିଛନ୍ତି। ତାଙ୍କୁ ୫୭ ପ୍ରତିଶତ ଲୋକ ସମର୍ଥନ କରୁଛନ୍ତି। ବିଜେପି ଆଇଟି ସେଲ୍‌ର ହେଡ୍ ଅମିତ ମାଳବୀୟ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏହି ରିପୋର୍ଟକୁ ସେୟାର କରିଛନ୍ତି। 

Loved by over a billion Indians and respected by millions across the globe, PM Narendra Modi tops the Morning Consult Global Leader Approval Tracker once again — the highest-rated and most trusted leader worldwide.

Strong leadership. Global respect. Bharat is in safe hands. 🙌 pic.twitter.com/eYbtiiyjmt

— Amit Malviya (@amitmalviya) July 26, 2025

ଲୋକପ୍ରିୟ ନେତାଙ୍କ ତାଲିକାର ଚତୁର୍ଥ ନମ୍ଵରରେ କାନାଡ଼ାର ମାର୍କ କାର୍ନି ରହିଛନ୍ତି। ତାଙ୍କୁ ୫୬ ପ୍ରତିଶତ ସମର୍ଥନ ମିଳିଛି। ୫ମ ସ୍ଥାନରେ ଅଷ୍ଟ୍ରେଲିଆର ଏନ୍ଥୋନୀ ଅଲ୍‌ବନିଜ ରହିଛନ୍ତି। ତାଙ୍କୁ ୫୪ ପ୍ରତିଶତ ରେଟିଂ ମିଳିଛି। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ମାତ୍ର ୪୪ ପ୍ରତିଶତ ଲୋକ ପସନ୍ଦ କରୁଛନ୍ତି। ସବୁଠୁ ବଡ଼ କଥା ହେଲା ତାଙ୍କୁ ୫୦ ପ୍ରତିଶତ ଲୋକ ବିରୋଧ କରୁଛନ୍ତି। ସବୁଠୁ କମ୍ ଲୋକପ୍ରିୟ ଗଣତାନ୍ତ୍ରିକ ନେତା ହେଉଛନ୍ତି ଫ୍ରାନ୍ସ ରାଷ୍ଟ୍ରପତି ଇମାନୁଏଲ୍ ମାକ୍ରୋନ ଏବଂ ଚେକ ରିପବ୍ଲିକ୍ ପ୍ରଧାନମନ୍ତ୍ରୀ ପେଟ୍ରୋ ଫିଆଲ୍। ସେମାନଙ୍କୁ କେବଳ ୧୮% ପ୍ରତିଶତ ଲୋକ ପସନ୍ଦ କରୁଥିବା ବେଳେ ୭୪% ଲୋକ ନାପସନ୍ଦ କରୁଛନ୍ତି। 

ଅନ୍ୟ ପ୍ରମୁଖ ନେତା :-

ଇଟାଲୀର ଜର୍ଜିଆ ମେଲୋନୀ- ୪୦% ସମର୍ଥନ, ୫୪% ଅସନ୍ତୁଷ୍ଟ

ଜର୍ମାନୀର ଫ୍ରେଡରିକ ମର୍ଜ- ୩୪% ସମର୍ଥନ, ୫୮% ଅସନ୍ତୁଷ୍ଟ

ତୁର୍କୀ ରେଚେପ ତୈୟ୍ୟପ ଏର୍ଦୋଗନ- ୩୩% ସମର୍ଥନ, ୫୦% ଅସନ୍ତୁଷ୍ଟ

ବ୍ରାଜିଲର ଲୁଲା ଦ ସିଲ୍ଵା- ୩୨% ସମର୍ଥନ, ୬୦% ଅସନ୍ତୁଷ୍ଟ

ବ୍ରିଟେନର କିଏର ଷ୍ଟାର୍ମର- ୨୬% ସମର୍ଥନ, ୬୫% ଅସନ୍ତୁଷ୍ଟ

ଜାପାନର ଶିଗେରୁ ଇଶିବା- ୨୦% ସମର୍ଥନ, ୬୬% ଅସନ୍ତୁଷ୍ଟ