ମେହସାଣା – ଗୁଜରାଟର ମେହସାଣା ଜିଲ୍ଲାରେ ବଡ଼ ଦୁର୍ଘଟଣା ଘଟିଛି। କାଦି ତାଲୁକାର ଜାସଲପୁର ଗାଁ ପାଖରେ ଏକ ନିର୍ମାଣ ସ୍ଥଳୀରେ ୭ଜଣ ଲୋକଙ୍କ ମୃତ୍ୟୁ ହୋଇଛି। ଦୁର୍ଘଟଣା କାରଣ ମାଟି ଧସିବା କୁହାଯାଉଛି। ଯେଉଁଥି ପାଇଁ ୭ଜଣ ଶ୍ରମିକଙ୍କର ଦୁଃଖଦ ମୃତ୍ୟୁ ହୋଇଛି। ୪-୫ ଜଣ ଶ୍ରମିକ ଏବେ ବି ଫସି ଥିବାର ଆଶଙ୍କା କରାଯାଉଛି।
ସୂଚନା ମୁତାବିକ, ଏଠାରେ ଏକ ଫ୍ୟାକ୍ଟ୍ରି ପାଇଁ ଅଣ୍ଡରଗ୍ରାଉଣ୍ଡ ଟ୍ୟାଙ୍କି ଲଗାଇବାର କାମ ଚାଲୁଥିଲା। ଏହି ସମୟରେ ହଠାତ୍ ମାଟି ଧସି ଥିଲା ଏବଂ ଘଟଣା ସ୍ଥଳରେ କାମ କରୁଥିବା ଶ୍ରମିକ ଫସି ଯାଇ ଥିଲେ। ଘଟଣାର ସୂଚନା ପାଇବା କ୍ଷଣି ତୁରନ୍ତ ଉଦ୍ଧାରକାରୀ ଟିମ୍ ପହଞ୍ଚି ଉଦ୍ଧାର ଅଭିଯାନ ଆରମ୍ଭ କରି ଦେଇ ଥିଲେ। ଘଟଣା ସ୍ଥଳରେ ଆମ୍ୱୁଲାନ୍ସ ଓ ପୁଲିସ ଟିମ୍ ମଧ୍ୟ ଉପସ୍ଥିତ ଥିଲେ।
କାଦି ପୁଲିସ ଷ୍ଟେସନର ଇନ୍ସପେକ୍ଟର ପ୍ରହ୍ଲାଦ ସିଂହ ବାଘେଲଙ୍କ କହିବାନୁସାରେ , ଜସଲପୁର ଗାଁରେ ଏକ ଫ୍ୟାକ୍ଟ୍ରି ପାଇଁ ଅନେକ ଶ୍ରମିକ ଅଣ୍ଡରଗ୍ରାଉଣ୍ଡ ଟ୍ୟାଙ୍କି ପାଇଁ ଗାତ ଖୋଳୁ ଥିଲେ , ସେତେବେଳେ ଢିଲା ରହିଥିବା ମାଟି ଧସି ଯାଇଥିଲା ଏବଂ ସେମାନେ ଜିଅନ୍ତା ପୋତି ହୋଇ ଯାଇଥିଲେ। ସେ କହିଛନ୍ତି , ୫ ଶବକୁ ଉଦ୍ଧାର କରାଯାଇଛି ଏବଂ ୩-୪ ଅନ୍ୟ ଶ୍ରମିକଙ୍କ ଚାପି ହୋଇ ଥିବାର ଆଶଙ୍କା ରହିଛି। ଉଦ୍ଧାର ଅଭିଯାନ ଜାରି ରହିଛି।
