ମାଲକାନଗିରି, ୭/୮(ଆପ୍ର ) କୁକୁଡ଼ା ଖାଇବାକୁ ଆସି କୁକୁଡ଼ା ଭାଡ଼ିରେ ପଶିଥିବା ଏକ ବିରାଟ ଅଜଗର ସାପକୁ ଜାଲ ପକାଇ ଯନ୍ତାରେ ଧରି ଗ୍ରାମ ବାସୀ ଓ ବନ ବିଭାଗ ନିକଟସ୍ଥ ଜଙ୍ଗଲ ରେ ଛାଡି ଦେଇଛନ୍ତି। ମାଲକାନଗିରି ବ୍ଲକସ୍ଥ ଏମଭି-୧୧ ଗ୍ରାମରୁ ବନ କର୍ମଚାରୀ ଏବଂ ସାପ ଉଦ୍ଧାରକାରୀ ଦଳ ଓ ଗ୍ରାମ ବାସୀଙ୍କ ଉଦ୍ୟମରେ ୮ଫୁଟ ଲମ୍ବ ୨୦ କେଜି ଓଜନ ର ଅଜଗର ସାପକୁ ଉଦ୍ଧାର କରାଯାଇଛି।
ମାଲକାନଗିରି ବନାଞ୍ଚଳ ଅଧୀନସ୍ଥ ଏମଭି-୧୧ ଗ୍ରାମର ଜଣେ କୁକୁଡ଼ା ପାଳନ କରୁଥିବା ବ୍ୟକ୍ତି ଘରେ ଅଜଗର ସାପଟି କୁକୁଡ଼ା ଖାଇବା ଉଦ୍ଦେଶ୍ୟରେ ବୁଧବାର ରାତିରେ ଆସିଥିଲା।ଏହି ଅଜଗର ସାପକୁ ଉଦ୍ଧାର କରିବା ପାଇଁ ମାଲକାନଗିରି ବନାଞ୍ଚଳ ଅଧିକାରୀ ରମେଶ ଚନ୍ଦ୍ର ରାଉତଙ୍କୁ ଫୋନ୍ ମାଧ୍ୟମରେ ସେ ଜଣାଇଥିଲେ। ବନପାଳ ମନତୋଷ ଦେଙ୍କ ନେତୃତ୍ୱରେ ସାପଧରାଳୀ ଡମ୍ବରୁ ହନ୍ତାଳ ଏମଭି-୧୧ ଗ୍ରାମକୁ ଯାଇ ଅଜଗର ସାପକୁ ସୁରକ୍ଷିତ ଭାବେ କାବୁ କରି ଯନ୍ତାରେ ଆବଦ୍ଧ କରି ମାଲକାନଗିରି ବନାଞ୍ଚଳ କାର୍ଯ୍ୟାଳୟକୁ ଆଣିଥିଲେ। ଏହାକୁ ପ୍ରାଣୀ ଚିକିତ୍ସାଳୟରେ ସ୍ବାସ୍ଥ୍ୟ ପରୀକ୍ଷା କଲାପରେ ପରେ ଗୁରୁବାର ଅଜଗରକୁ ଜଙ୍ଗଲରେ ଛଡ଼ାଯାଇଛି।
