ନୂଆଦିଲ୍ଲୀ,୨।୭: କଂଗ୍ରେସ ନେତା ରାହୁଲ ଗାନ୍ଧୀ ବୁଧବାର କେନ୍ଦ୍ର ସରକାରଙ୍କ ଉପରେ ବଡ ଧରଣର ଅଭିଯୋଗ କରିଛନ୍ତି। ସେ କହିଛନ୍ତି ଦେଶର କୃଷକ ସାରର ଅଭାବ ଦେଇ ଗତି କରୁଛନ୍ତି, କିନ୍ତୁ ସରକାରତାଙ୍କର ତାଙ୍କର କୌଣସି ସାହାଯ୍ୟ କରୁନାହାନ୍ତି। ସେ ଦାବି କରିଛନ୍ତି ଚୀନ୍ରୁ ଆସୁଥିବା ସାର ଯୋଗାଣକୁ ରୋକିବା ପରେ ବି ସରକାର କୌଣସି ବିକଳ୍ପ ତିଆରି କରି ନାହାନ୍ତି। ରାହୁଲ ଗାନ୍ଧୀ ଏହାକୁ କୃଷକଙ୍କ ସହ ଅନ୍ୟାୟ ବୋଲି କହିଛନ୍ତି।
ରାହୁଲ କହିଛନ୍ତି, ଭାରତ କୃଷି ପ୍ରଧାନ ଦେଶ ଓ କୃଷକ ଆମର ଅର୍ଥବ୍ୟବସ୍ଥାର ମେରୁଦଣ୍ଡ। କିନ୍ତୁ ଏହି ମେରୁଦଣ୍ଡ ଏବେ ବିଦେଶୀ ନିର୍ଭରତାର କାରଣରୁ ଦୁର୍ବଳ ହେବାରେ ଲାଗିଛି। ସେ କହିଛନ୍ତି, ଭାରତ ୮୦ ପ୍ରତିଶତ ଖାଦ୍ୟ ଚୀନରୁ ଆମଦାନୀ କରୁଛି। ଏବେ ଚୀନ୍ ବି ଏହାର ସପ୍ଲାଇ ରୋକି ଦେଇଛି, ଫଳରେ କୃଷକଙ୍କ ଆଗରେ ବଡ଼ ସଙ୍କଟ ସୃଷ୍ଟି ହୋଇଛି।
ରାହୁଲ କହିଛନ୍ତି,ଏହା ପ୍ରଥମ ଥର ନୁହେଁ ଯେତେବେଳେ ଦେଶରେ ଅତ୍ୟାବଶକୀୟ ସାରରେ ଅଭାବ ହୋଇଛି। ପୂର୍ବରୁ ଦେଶସାରା କୃଷକ ଡିଏପି(ଡାୟମୋନିୟମ ଫସଫେଟ୍) ଓ ୟୁରିଆର ଅଭାବକୁ ନେଇ ଚିନ୍ତାରେ ଅଛନ୍ତି। ଏବେ ଚୀନ୍ରୁ ଆସୁଥିବା ସ୍ପେଶାଲ ଫର୍ଟିଲାଇଜରର ଯୋଗାଣ ବନ୍ଦ ହେବାପରେ ସ୍ଥିତି ଆହୁରି ଖରାପ ହୋଇଯାଇଛି। କଂଗ୍ରେସ ନେତା କେନ୍ଦ୍ର ସରକାର ଉପରେ ଅଭିଯୋଗ କରିଛନ୍ତି, ସରକାରଙ୍କୁ ପୂର୍ବରୁ ଜଣାଥିଲା ଚୀନ୍ କେବେ ବି ଯୋଗାଣ ରୋକିଦେବ। ଏହପରେ ବି ନା ଘରୋଇ ଉତ୍ପାଦନ ବଢାଇବା ନେଇ କୌଣସି ନୀତି ତିଆରି ହୋଇନି ନା କୌଣସି ଯୋଜନା ଉପରେ କାମ ହୋଇନି।
