ବଲାଙ୍ଗୀର,୦୬/୦୬: ପ୍ରକାଶ ପାଇଲା ରାଜେନ୍ଦ୍ର ବିଶ୍ଵବିଦ୍ୟାଳୟର ପରୀକ୍ଷା ଫଳ। ଏନେଇ ବିଶ୍ଵବିଦ୍ୟାଳୟ କୁଳପତି ପ୍ରଫେସର ଡ.ଉମା ବଲ୍ଲଭ ମହାପାତ୍ର ଆଜି ସୂଚନା ଦେଇଛନ୍ତି। ଚଳିତଥର ସ୍ନାତକ ସାମଗ୍ରିକ ପାସ ହାର ୪୯.୪୭ ରହିଛି । ସେଥିରୁ କଳାରେ ୫୨.୨୦%, ବିଜ୍ଞାନରେ ୪୩.୦୮%, ବାଣିଜ୍ୟରେ ୩୮.୯୮% ଛାତ୍ରଛାତ୍ରୀ ପାସ୍ କରିଛନ୍ତି। ଯୁବୋଦୟର ଆଞ୍ଜେଳିନା ପାଣିଗ୍ରାହୀ ବିଶ୍ଵବିଦ୍ୟାଳୟ ଟପ୍ପର ହୋଇଛନ୍ତି। ସେହିପରି ସ୍ନାତକୋତ୍ତରରେ ୮୬.୪୬ ପ୍ରତିଶତ ପାସ୍ ହାର ରହିଛି । କଳା ସ୍ନା୍ତକୋତ୍ତରରେ ପାସ୍ ହାର ୮୯.୨୪, ବାଣିଜ୍ୟରେ ୬୭.୫୦, ବିଜ୍ଞାନରେ ୮୫.୭୧ ପ୍ରତିଶତ ରହିଛି।
ବିଜ୍ଞାନ ବିଭାଗର ନିକିତା ରାଣୀ ସାହୁ, ଆଶୁତୋଷ ମିଶ୍ର, ଶୁଭଶ୍ରୀ ପାତ୍ର ୯.୬୧ ସିଜିପିଏ ସହିତ ବିଶ୍ଵବିଦ୍ୟାଳୟ ଟପ୍ପର ହୋଇଛନ୍ତି। ଏହାବାଦ ଇନଟିଗ୍ରେଟେଡ ବିଇଡି ଏମଇଡି ଶତ ପ୍ରତିଶତ ପାସ୍ ହାର ରହିଥିବା ବେଳେ ସଚିଦାନନ୍ଦ ମିଶ୍ର ଟପ୍ପର ହୋଇଛନ୍ତି । ସେହିପରି ନର୍ସିଂରେ ଆଲିସା ପ୍ରଧାନ ଟପ୍ପର ହୋଇଥିବା ବେଳେ ପାସ ହାର୍ ୧୦୦ ପ୍ରତିଶତ ରହିଛି। ଆଜି ଫଳାଫଳ ପ୍ରକାଶ ସମୟରେ ପିଜି କାଉନସିଲ ଅଧ୍ୟକ୍ଷ ରାଜକିଶୋର ପାତ୍ର, କୁଳ ସଚିବ ହରପ୍ରସାଦ ଭୋଇ, ପରୀକ୍ଷା ନିୟନ୍ତ୍ରକ ନରେନ୍ଦ୍ର ରାଉତ, ସୁଶାନ୍ତ ପଣ୍ଡା, ବିତ୍ତିୟ ନିୟନ୍ତ୍ରକ ଚନ୍ଦ୍ରମଣି ମିର୍ଦ୍ଧା , ଡ. ମନୋଜ ନାଗ, ମନୋରଞ୍ଜନ ପଟେଲ୍, ନିଲେନ୍ଦ୍ରୀ ଶତପଥୀ ପ୍ରମୁଖ ଉପସ୍ଥିତ ଥିଲେ।
