ନୂଆଦିଲ୍ଲୀ,୧୧/୦୭: ଆର୍ସିବିର ଷ୍ଟାର ବୋଲର ୟଶ ଦୟାଲଙ୍କ ନାମରେ ଯୌନ ଉତ୍ପୀଡ଼ନ ମାମଲା ରୁଜୁ । ଇନ୍ଦିରାପୁରମ ଥାନାରେ ଧାରା ୬୯ ଅନୁଯାୟୀ ଶାରୀରିକ ସମ୍ପର୍କ ଓ ମିଥ୍ୟା ବିବାହ ପ୍ରତିଶ୍ରୁତି ଦେଇଥିବା ନେଇ ଅଭିଯୋଗ ହୋଇଛି । ଅଭିଯୋଗକାରିଣୀ ଦାବି କରିଛନ୍ତି କି, ୟଶ ତାଙ୍କୁ ଶାରୀରିକ, ମାନସିକ ଓ ଅର୍ଥିକ ଭାବେ ଶୋଷଣ କରୁଥିଲେ । ଏହାକୁ ନେଇ ମୁହଁ ଖୋଲିଛନ୍ତି ଆର୍ସିବି ଷ୍ଟାର ବୋଲର ୟଶ ଦୟାଲ ।
ଉତ୍ତରପ୍ରଦେଶ ପ୍ରୟାଗରାଜର ଦୁଷ୍କର୍ମ ମାମଲାରେ ଫସିଥିବା କ୍ରିକେଟର ୟଶ ଦୟାଲ ତାଙ୍କ ଓକିଲଙ୍କ ମାଧ୍ୟମରେ ପ୍ରୟାଗରାଜର ଖୁଲଦାବାଦ ଥାନାରେ ମହିଳା ବନ୍ଧୁ ଏବଂ ଅନ୍ୟମାନଙ୍କ ବିରୋଧରେ ଅଭିଯୋଗ କରିଛନ୍ତି । ସେ କହିଛନ୍ତି, ୮ ଲକ୍ଷ ଟଙ୍କା ବକେୟା ମାଗିବାରୁ ତାଙ୍କୁ ମିଥ୍ୟା ମାମଲାରେ ଫସାଇ ଦିଆଯାଇଛି । ଯୁବତୀ ତାଙ୍କ ମୋବାଇଲ- ଲାପଟପ୍ ଏବଂ ଅନ୍ୟାନ୍ୟ ଜିନିଷ ଚୋରି କରିଥିବା ଅଭିଯୋଗ କରି ମାମଲା ରୁଜୁ କରିବାକୁ ଦାବି କରିଛନ୍ତି ୟଶ ।
ଯଶ ଦୟାଲ ତାଙ୍କ ବିରୁଦ୍ଧରେ ହୋଇଥିବା ଅଭିଯୋଗକୁ ଖଣ୍ତନ କରି କହିଛନ୍ତି, ୨୦୧୧ରେ ତାଙ୍କର ସାକ୍ଷତା ଇନଷ୍ଟାଗ୍ରାମରେ ଉକ୍ତ ଯୁବତୀଙ୍କ ସହିତ ହୋଇଥିଲା । ଧୀରେ ଧୀରେ ସେ ଚିକିତ୍ସା, କଲେଜ ଫିସ୍ ନାମରେ ମୋଠୁ ଟଙ୍କା ନେଉଥିଲେ । ୨୦୨୫ ସୁଦ୍ଧା ଟଙ୍କା ଫେରାଇ ଦେବା ନେଇ କହୁଥିଲେ । ଏହା ସହିତ ସରିଙ୍ଗ କରିବାକୁ ମଧ୍ୟ ମୋଠୁ ଟଙ୍କା ନେଇଛନ୍ତି । ଯୁବତୀ ଓ ତାଙ୍କ ୩ ସହଯୋଗୀ ୮ ଲକ୍ଷ ଟଙ୍କା ଧାର ନେଇଛନ୍ତି । ମୋ ଲାପଟପ୍, ଆଇଫୋନ୍ ଓ ଅନ୍ୟାନ ଜିନିଷ ଚୋରି କରିଛନ୍ତି । ୮ ଲକ୍ଷ ଟଙ୍କା ଏଯାଏ ଦେଇ ନାହାନ୍ତି । ମୁଁ ତାଙ୍କୁ ବଳକା ଟଙ୍କା ମାଗିବାରୁ ସେ ମୋତେ ଓଲଟା ଧମକ ଦେଲେ । ବିବାହ ନ କଲେ ଆତ୍ମହତ୍ୟା କରିଦେବି ବାେଲି ଧମକାଇଥିଲେ । ମୋ ବାପା-ମାଆଙ୍କୁ ଗାଳି ଦେବା ସହ ଜୀବନରୁ ମାରି ଦେବାକୁ ଧମକ ଦେବାକୁ ବି ଧମକ ଦେଇଛନ୍ତି ।
ଯୁବତୀଙ୍କ ଅଭିଯୋଗ ଅନୁୁସାରେ, ୟଶ ତାଙ୍କୁ ବିବାହ କରିବାକୁ ମିଥ୍ୟା ପ୍ରତିଶ୍ରୁତି ଦେଇ ଶାରୀରିକ ସମ୍ପର୍କ ରଖିଥିଲେ । କିନ୍ତୁ ବିବାହ କଥା ପଡିବାକୁ ୟଶ ବିରୋଧ କରିଥିଲେ । ଗାଜିଆବାଦ ପୁଲିସ ଅଭିଯୋଗକାରିଣୀଙ୍କ ବୟାନ ରେକର୍ଡ କରି ୟଶଙ୍କୁ ନୋଟିସ୍ ଜାରି କରିଥିଲା । ଏବେ ୟଶ ଯୁବତୀଙ୍କ ଉପରେ ଓଲଟା ଅଭିଯୋଗ ଆଣିଛନ୍ତି । ମାମଲାର ତଦନ୍ତ ଜାରି ରହିଛି ।
