ନୂଆଦିଲ୍ଲୀ,୨୪/୦୪: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନ୍ ଏବଂ ଇସ୍ରାଏଲ ମଧ୍ୟରେ ଅସ୍ତ୍ରବିରତି ନେଇ ଘୋଷଣା କରିଛନ୍ତି । ଏହାର କିଛି ସମୟ ପରେ ଡୋନାଲ୍ଡ ଟ୍ରମ୍ପ କହିଛନ୍ତି ଯେ, ଇସ୍ରାଏଲ ଏବଂ ଇରାନ ହିଁ ତାଙ୍କୁ 'ଶାନ୍ତି' ପାଇଁ ଅନୁରୋଧ କରିଥିଲେ । ଇସ୍ରାଏଲ ଏବଂ ଇରାନର ଭବିଷ୍ୟତ ଅସୀମ ଏବଂ ମହାନ ପ୍ରତିଶ୍ରୁତିରେ ପରିପୂର୍ଣ୍ଣ । ବିଶ୍ୱ ଏବଂ ମଧ୍ୟପ୍ରାଚ୍ୟର ଲୋକଙ୍କୁ "ପ୍ରକୃତ ବିଜେତା" ବୋଲି କହିଛନ୍ତି ଟ୍ରମ୍ପ ।
'ଏବେ ଶାନ୍ତିର ସମୟ ଆସିଛି'- ଇରାନ୍- ଇସ୍ରାଏଲ ମଧ୍ୟରେ ଅସ୍ତ୍ରବିରତି ବୁଝାମଣା ପରେ ଦୁନିଆକୁ ଧନ୍ୟବାଦ ଦେଇଛନ୍ତି ଟ୍ରମ୍ପ । ସେ କହିଛନ୍ତି ଏବେ ଶାନ୍ତିର ସମୟ ଆସିଛି । ସୋସିଆଲ ମିଡିଆ ପୋଷ୍ଟରେ କହିଛନ୍ତି, ବିଶ୍ବକୁ ଶୁଭେଚ୍ଛା, ଏବେ ଶାନ୍ତିର ସମୟ । ଏହି ନିଷ୍ପତ୍ତିକୁ ଐତିହାସିକ କରିବା ସହ ଯୁଦ୍ଧ ଆହୁରି ଲମ୍ବା ଚାଲିଥାନ୍ତା । ପୁରା ମଧ୍ୟପ୍ରାଚ୍ୟ ବର୍ବାଦ ହୋଇଯାଇଥାନ୍ତା । ହେଲେ ଏମିତି ହେଲା ନାହିଁ କି ଆଗକୁ କିଛି ହେବ ନାହିଁ ।
ଅଧିକ ପଢନ୍ତୁ...୧୨ ଦିନ ପରେ ଅଟକିଲା ଇରାନ୍-ଇସ୍ରାଏଲ୍ ଯୁଦ୍ଧ ; ଅସ୍ତ୍ରବିରତି ଘୋଷଣା କଲେ ଡୋନାଲ୍ଡ ଟ୍ରମ୍ପ
ପଶ୍ଚିମ ଏସିଆରେ ଉତ୍ତେଜନା ବୃଦ୍ଧି ପାଇବା ପରେ, ଆମେରିକା ଇରାନର ତିନୋଟି ପରମାଣୁ ଠାକଣା- ଫୋର୍ଡୋ, ନାତାଞ୍ଜ ଏବଂ ଇସ୍ଫାହାନ ଉପରେ ଆକ୍ରମଣ କରିଥିଲା । ଇସ୍ରାଏଲ ସହିତ ବିବାଦ ସମାପ୍ତ ନ କଲେ ଇସଲାମିକ ଗଣରାଜ୍ୟକୁ ଅଧିକ "ସଠିକ ଆକ୍ରମଣ" କରିବାକୁ ଚେତାବନୀ ଦେଇଥିଲା ଆମେରିକା । ରାଷ୍ଟ୍ରପତି ଟ୍ରମ୍ପ କହିବାର ଏ ନେଇ ଦୁଇ ସପ୍ତାହ ମଧ୍ୟରେ ନିଷ୍ପତ୍ତି ନେବେ ବୋଲି କହିଥିଲେ । ହେଲେ ଗତ ରବିବାର ଆମେରିକା ଇରାନ୍ର ୩ ପରମାଣୁ ଆଡ୍ଡାକୁ ଆକ୍ରମଣ କରିଥିଲା । 'ଅପରେସନ ରାଇଜିଂ ଲାୟନ'ର ନବମ ଦିନରେ ଏହି ହମଲା ହୋଇଥିଲା । ଇରାନର ଅନେକ ପରମାଣୁ ସ୍ଥାନ ଉପରେ ଆକ୍ରମଣ କରିଥିଲା, ଯେଉଁଥିରେ ଶୀର୍ଷ ସାମରିକ ଅଧିକାରୀ ଏବଂ ପରମାଣୁ ବୈଜ୍ଞାନିକମାନେ ପ୍ରାଣ ହରାଇଥିଲେ । ଇସ୍ରାଏଲ ପ୍ରତିରକ୍ଷା ବାହିନୀ କହିଛି ଯେ ଆମେରିକାର ଆକ୍ରମଣ "IDF ସହିତ ସମନ୍ୱୟରେ ଥିଲା" ଏବଂ ଏହା "ଇରାନ ଶାସନର ଆକ୍ରମଣକୁ ରୋକିବା ପାଇଁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ" ଥିଲା । ଜବାବରେ ଗତକାଲି (ସୋମବାର) ଇରାନୀ କ୍ଷେପଣାସ୍ତ୍ର ପଶ୍ଚିମ ଏସିଆର ସର୍ବବୃହତ ଆମେରିକୀୟ ସାମରିକ ଘାଟି, ଅଲ-ଉଦେଦକୁ ଟାର୍ଗେଟ କରିଥିଲା । ଏହି ଅଞ୍ଚଳରେ ସମସ୍ତ ବିମାନ କାର୍ଯ୍ୟ ପାଇଁ ଅଲ-ଉଦେଦ ହେଉଛି ଆମେରିକୀୟ ସେନାର ମୁଖ୍ୟାଳୟ ।
ଇରାନ୍- ଇସ୍ରାଏଲ ଯୁଦ୍ଧ ଭିତରକୁ ଆମେରିକା ଏଣ୍ଟ୍ରି କରିବା ପରେ ଡୋନାଲ୍ଡ ଟ୍ରମ୍ପ କହିଥିଲେ ଯେ 'ଶାନ୍ତି ଆସିବ ନଚେତ୍ ଦୁଃଖଦ ଘଟଣା ଘଟିବ।' "ଇରାନର ପ୍ରମୁଖ ପରମାଣୁ ସମୃଦ୍ଧି ସ୍ଥାନଗୁଡ଼ିକୁ ସମ୍ପୂର୍ଣ୍ଣ ଭାବରେ ନଷ୍ଟ କରିଦିଆଯାଇଛି । ଆମେରିକାର ଯୁଦ୍ଧ ଇରାନର ପରମାଣୁ ପ୍ରତିଷ୍ଠାନ ବିରୋଧରେ ନୁହେଁ, ଇରାନର ଆଣବିକ ଶକ୍ତି ନଷ୍ଟ ବିରୋଧରେ । ଇରାନ 'ଭବିଷ୍ୟତରେ ପରମାଣୁ କ୍ଷମତା ପୁନଃନିର୍ମାଣ' କରିପାରିବ ନାହିଁ । ଆମେରିକା ଇରାନରେ B-2 ବୋମାବର୍ଷା ବିମାନ ବ୍ୟବହାର କରି ଏକ ଆକ୍ରମଣ କରିଥିଲା, ଯାହାକୁ ୧୪ ହଜାର କିଲୋଗ୍ରାମ ଜେବିୟୁ-୧୭ ଆଡଭାନ୍ସ ବଙ୍କରବଷ୍ଟର କୁହାଯାଏ ।
