- ଲଦାଖର ରକ୍ତିମ ଆକାଶ ଭୟ ବଢାଇଲା
- ଇସ୍ରୋ ବୈଜ୍ଞାନିକ ଦେଲେ ଚେତାବନୀ
- ସବୁଠାରୁ ଶକ୍ତିଶାଳୀ ସୌର ଝଡ଼
- ସାଟେଲାଇଟ୍,ପାୱାର ଗ୍ରୀଡ୍ ଏବଂ ଡିଜିଟାଲ୍ ଭିତ୍ତିଭୂମି ହେବ ପ୍ରଭାବିତ
ନୂଆଦିଲ୍ଲୀ,୨୯।୧: ସାଧାରଣତଃ ଦିନରେ ନୀଳ ଆକାଶ ଏବଂ ରାତିରେ ଆକାଶରେ ତାରା ଦେଖାଯାଏ। ହେଲେ ଲଦାଖର ହାନଲେ ଡାର୍କ ସ୍କାଇ ରିଜର୍ଭରେ ୧୯ ଓ ୨୦ ଜାନୁଆରୀ ରାତି ସାଧାରଣ ନଥିଲା। ଆକାଶ ହୋଇଯାଇଥିଲା ରକ୍ତିମ। ଲାଲ ରଙ୍ଗ ଦେଖି ଭୟଭୀତ ହୋଇଯାଇଥିଲେ ଲୋକେ।ଏବେ ଏହାର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ବୈଜ୍ଞାନିକଙ୍କ ମତରେ ଏହା କେବଳ ଏକ ସୁନ୍ଦର ଦୃଶ୍ୟ ନୁହେଁ - ଏହା ବର୍ଦ୍ଧିତ ସୌର କାର୍ଯ୍ୟକଳାପର ଏକ ଚେତାବନୀ ସଙ୍କେତ, ଯାହା ଭାରତର ଉପଗ୍ରହ, ପାୱାର ଗ୍ରୀଡ୍ ଏବଂ ଡିଜିଟାଲ୍ ଭିତ୍ତିଭୂମି ପାଇଁ ବିପଦ।
-୧୯ ଜାନୁଆରୀ ୨୦୨୬ ରେ, ସୂର୍ଯ୍ୟ ଏକ X-କ୍ଲାସ ସୋଲାର ଫ୍ଲେୟାର ବାହାର କରିଥିଲା। ଏହାଥିଲା ସବୁଠାରୁ ଶକ୍ତିଶାଳୀ ଫ୍ଲେୟାର ଅର୍ଥାତ ସୌର ଝଡ।
- ଏହାଦ୍ବାରା କରୋନାଲ୍ ମାସ୍ ଇଜେକ୍ସନ୍ (CME) ସୃଷ୍ଟି କରିଥିଲା - ସୂର୍ଯ୍ୟରୁ ଚୁମ୍ବକୀୟ ପ୍ଲାଜା ଏବଂ ଗ୍ୟାସର ଏକ ବିଶାଳ ବାଦଲ, ଯାହା ୧୭୦୦ କିଲୋମିଟର/ସେକେଣ୍ଡ ବେଗରେ ପୃଥିବୀ ଆଡକୁ ଗତି କରିଥିଲା। ତାହା ମାତ୍ର ୨୫ ଘଣ୍ଟା ମଧ୍ୟରେ ପୃଥିବୀରେ ପହଞ୍ଚିଥିଲା।
- ଏଥିରୁ ଏକ G4-ସ୍ତରୀୟ ଜିୟୋମ୍ୟାଗ୍ନେଟିକ୍ ଷ୍ଟର୍ମ( ଭୂ-ଚୂମ୍ବକୀୟ ଝଡ଼) ଏବଂ ଏକ ଏସ୍-୪ଲେବଲ ସୌର ବିକିରଣ ଝଡ଼ ସୃଷ୍ଟି କରିଥିଲା - ଯାହା ୨୦୦୩ ପରଠାରୁ ସବୁଠାରୁ ତୀବ୍ର। ହାନଲେ ଅଲ୍-ସ୍କାଏ କ୍ୟାମେରା (ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଆଷ୍ଟ୍ରୋଫିଜିକ୍ସ - IIA) ଏହାକୁ ରେକର୍ଡ କରିଥିଲା। ଏହି ସୋଲାର ସାଇକେଲ୍ରେ ଏହା ଷଷ୍ଠ ଏପରି ଘଟଣା।
ଲାଲ ଅରୋରା କାହିଁକି ଦେଖାଗଲା ?
ବୈଜ୍ଞାନିକଙ୍କ ମତରେ ସୂର୍ଯ୍ୟରୁ ଚାର୍ଜିତ କଣିକାଗୁଡ଼ିକ ପୃଥିବୀର ଚୁମ୍ବକୀୟ କ୍ଷେତ୍ର ସହିତ ଧକ୍କା ଖାଇଲେ ଅରୋରା ସୃଷ୍ଟି ହୁଏ, ଯାହା ବାୟୁମଣ୍ଡଳରେ ଅମ୍ଳଜାନ/ନାଇଟ୍ରୋଜେନ୍ ପରମାଣୁକୁ ସକ୍ରିୟ କରିଥାଏ। ସବୁଜ ରଙ୍ଗ ସାଧାରଣତଃ ମେରୁ ଅଞ୍ଚଳ (ଉତ୍ତର/ଦକ୍ଷିଣ) ରେ ଦେଖାଯାଏ, କିନ୍ତୁ ହାନଲେ ଭଳି ନିମ୍ନ ଅକ୍ଷାଂଶରେ, ପୃଥିବୀ ପୃଷ୍ଠରୁ ୩୦୦ କିଲୋମିଟର ଉପରେ ଅକ୍ସିଜେନ୍ ଆଟମ୍ସରୁ ଲାଲ ରଙ୍ଗ ସୃଷ୍ଟି କରେ। ସୂର୍ଯ୍ୟର ସୌର ସର୍ବାଧିକ ହେତୁ ଏହା ଅଧିକ ବୃଦ୍ଧି ପାଉଛି।
ଭାରତ ପାଇଁ କ’ଣ ବିପଦ?
ସାଟେଲାଇଟ୍ ଉପରେ ପ୍ରଭାବ : ଝଡ଼ ପୃଥିବୀର ଚୁମ୍ବକୀୟ ଢାଲକୁ ସଙ୍କୁଚିତ କରେ। ଆଦିତ୍ୟ-L1 ମିଶନ (ISRO) ଦର୍ଶାଇଛି ଯେ ଜିଓଷ୍ଟେସନାରୀ ସାଟେଲାଇଟ୍ (୩୬,୦୦୦ କିଲୋମିଟର ଉପରେ) କ୍ଷତିକାରକ ସୌର ପବନ ଦ୍ୱାରା ମଧ୍ୟ ପ୍ରଭାବିତ ହୋଇପାରେ। ଏହା ଟାଣିବା ଯୋଗୁଁ ଉପଗ୍ରହଗୁଡ଼ିକୁ କକ୍ଷପଥରୁ ବାହାର କରିଦେଇପାରେ।
ପାଓ୍ବାର ଗ୍ରୀଡ୍ରେ ସମସ୍ୟା: ଷ୍ଟର୍ମରୁ ପୃଥିବୀରେ ଜିଓମ୍ୟାଗ୍ନେଟିକ୍ କରେଣ୍ଟ ତିଆରି ହୁଏ,ଯାହାକି ଟ୍ରାନ୍ସଫର୍ମର ଜଳଇପାରେ ଓ ବ୍ଲାକଆଉଟ୍ କରିପାରେ।
ଜିପିଏସ୍, ବ୍ଲକିଂ,କମ୍ୟୁନିକେସନ୍: ଜିପିଏସ୍ ସିଗନାଲ ଖରାପ କରିପାରେ। ଏହା ସହ ବ୍ୟାଙ୍କିଙ୍ଗ/ନାଭିଗେସନ୍ ପ୍ରଭାବିତ ହେବ।
ଆଇଏସ୍ଏସ୍ ଉପରେ ପ୍ରଭାବ: ଅନ୍ତର୍ଜାତୀୟ ସ୍ପେସ୍ ଷ୍ଟେସନର ମହାକାଶଯାତ୍ରୀଙ୍କୁ ରେଡିଏସନ୍ରୁ ବଞ୍ଚିବା ପାଇଁ ଆଶ୍ରୟ ନେବାକୁ ପଡିଛି।
ଭାରତର ଡିଜିଟାଲ ଇକୋନେମି (ୟୁପିଆଇ, ୫-ଜି, ସାଟେଲାଇଟ୍ ଇଣ୍ଟରନେଟ୍) ଉପରେ ବଡ଼ ବିପଦ ପଡିବ।
ପ୍ରସ୍ତୁତି ଓ ସମାଧାନ :
ଆଦିତ୍ୟ-L1 ମିଶନ ଏଲ୍-୧ ପଏଣ୍ଟରେ ରହିଛି। ସୂର୍ଯ୍ୟରୁ ୧୫ ଲକ୍ଷ କିଲୋମିଟର ଦୂରରେ ରହିଛି। ଏହା ସିଏମ୍ଇକୁ ୨୪-୪୮ ଘଣ୍ଟା ପୂର୍ବରୁ ଡିଟେକ୍ଟ କରି ଚେତାବନୀ ଦେଇଥାଏ। ଏହାଦ୍ବାରା ସାଟେଲାଇଟ୍ ସେଫ୍ ମୋଡ୍ରେ ଯାଇପାରିଥାଏ।ଗ୍ରୀଡ୍କୁ ବାଲାନ୍ସ କରିବ। ହାନଲେ ଅବଜରଭେଟରୀ( ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଆଷ୍ଟ୍ରୋଫିଜିକ୍ସ – IIA) ଗ୍ରାଉଣ୍ଡ ଡାଟା ଦେଇଥାଏ,ଯାହାକି ସାଟେଲାଇଟ୍ ଡାଟାକୁ ଭ୍ୟାଲିଡେଟ୍ କରିଥାଏ।
ଆହୁରି ପଢନ୍ତୁ :ପାଇଲଟ୍ କହିଥିଲେ- ରନୱେ ଦେଖାଯାଉଛି, ତଥାପି ହେଲା ପ୍ଲେନ୍ କ୍ରାସ୍ : ଜାଣନ୍ତୁ କ’ଣ କହିଲା ଡିଜିସିଏ ?
