ଭୁବନେଶ୍ୱର,୧୯/୦୭: ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ ଏହାର ପ୍ରଥମ ତ୍ରୟମାସିକ ଫଳାଫଳ ପ୍ରକାଶ କରିଛି । ପୂର୍ବବର୍ଷ ତୁଳନାରେ ଚଳିତ ଆର୍ଥିକବର୍ଷର ପ୍ରଥମ ତ୍ରୟମାସରେ କମ୍ପାନିର ଲାଭ ୭୬.୫% ବଢ଼ିଛି । ନେଟ୍ ଲାଭ ରହିଛି ରେକର୍ଡ ୩୦୭୮୩ କୋଟି ଟଙ୍କା । କମ୍ପାନିର ମୋଟ ଆୟ ପୂର୍ବ ବର୍ଷ ସମାନ ତ୍ରୈମାସ ତୁଳନାରେ ୬% ବୃଦ୍ଧି ସହିତ ୨,୭୩,୨୫୨ କୋଟି ଟଙ୍କା ହୋଇଛି । ଜିଓ, ରିଟେଲ ଏବଂ ତୈଳରୁ ରସାୟନ କ୍ଷେତ୍ରରେ ଲାଭରେ ଦୁଇ ଅଙ୍କ ବିଶିଷ୍ଟ ଅଭିବୃଦ୍ଧି ହାସଲ ହୋଇଛି ।
ଅନ୍ୟାନ୍ୟ ଆୟ ମଧ୍ୟରେ ଏସିଆନ ପେଣ୍ଟ୍ସରେ ନିବେଶର ବିକ୍ରିରୁ ୮୯୨୪ କୋଟି ଟଙ୍କା ହାସଲ ହୋଇଛି । ଜିଓ ପ୍ଲାଟଫର୍ମସ ଲିମିଟେଡ୍ର ପ୍ରଥମ ତ୍ରୈମାସିକ ନେଟ ଲାଭ ପୂର୍ବ ବର୍ଷ ତୁଳନାରେ ୨୫% ବୃଦ୍ଧି ପାଇ ୭୧୧୦ କୋଟି ଟଙ୍କା ହୋଇଛି । ଜିଓ ପ୍ଲାଟ୍ଫର୍ମସର ତ୍ରୈମାସିକ ରାଜସ୍ୱ ପୂର୍ବ ବର୍ଷ ସମାନ ସମୟ ତୁଳନାରେ ୧୮.୮% ବୃଦ୍ଧି ପାଇ ୪୧୦୫୪ କୋଟି ଟଙ୍କା ହୋଇଛି । ଏହି ତ୍ରୈମାସରେ ୯୯ ଲକ୍ଷ ଗ୍ରାହକ ଯୋଡ଼ିବା ସହିତ ଜିଓ ଉପଭୋକ୍ତାଙ୍କ ମୋଟ ସଂଖ୍ୟା ୪୯.୮୧ କୋଟିରେ ପହଞ୍ଚିଛି ।
