କଟକ,୨୧/୬: କିଛିଦିନ ତଳେ ରାୟଗଡ଼ା ଜିଲ୍ଲା ପ୍ରଶାସନ ବିଶିଷ୍ଟ ସମାଜସେବୀ ମେଧା ପାଟେକର ଏବଂ ଆବେଦନକାରୀ ଡାକ୍ତର ର୍ୟାଣ୍ଡଲ ସିକୁଇରାଙ୍କ ସମେତ ୨୪ଜଣଙ୍କୁ ରାୟଗଡ଼ାରେ ପ୍ରବେଶ ଉପରେ କଟକଣା ଲଗାଇଥିଲା । ଏହି କଟକଣାକୁ ବିରୋଧରେ ଡାକ୍ତର ସିକୁଇରା ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି । ହାଇକୋର୍ଟର ବିଚାରପତି ଜଷ୍ଟିସ୍ ଏସ୍.କେ. ପାଣିଗ୍ରାହୀ ଆଜି ମାମଲାର ଶୁଣାଣି କରି ରାୟଗଡ଼ା ଜିଲ୍ଲାପାଳଙ୍କୁ ଜବାବ ଦାଖଲ ଲାଗି ନୋଟିସ୍ ଜାରି କରିଛନ୍ତି । ଆସନ୍ତା ୨୪ ତାରିଖରେ ମାମଲାର ପରବର୍ତ୍ତୀ ଶୁଣାଣି ହେବ । ରାୟଗଡ଼ାରେ ଗତ ୫ ତାରିଖରେ ଶାନ୍ତିପୂର୍ଣ୍ଣ ପ୍ରତିବାଦ ସଭାର ଆୟୋଜନ କରାଯିବାକୁ ଯୋଜନା ହୋଇଥିଲା ।
ଏହି କାର୍ଯ୍ୟକ୍ରମରେ ମେଧା ପାଟେକରଙ୍କ ସମେତ ଅନ୍ୟ କିଛି ସମାଜସେବୀ, ପରିବେଶବିତ୍ ଯୋଗଦେବାର କାର୍ଯ୍ୟକ୍ରମ ରହିଥିଲା । କିନ୍ତୁ ରାୟଗଡ଼ା ଜିଲ୍ଲା ପ୍ରଶାସନ ପକ୍ଷରୁ ମେଧା ପଟେକର, ଡାକ୍ତର ସିକୁଇରା ଏବଂ ଅନ୍ୟ ୨୨ଜଣଙ୍କୁ ରାୟଗଡ଼ା ପ୍ରବେଶ ଉପରେ ଦୁଇ ମାସ ଲାଗି କଟକଣା ଲାଗୁ କରାଯାଇଥିଲା । ଆବେଦନକରୀ ଡାକ୍ତର ସିକୁଇରା ରାୟଗଡ଼ା ଏବଂ ଭବାନୀପାଟଣା ଅଞ୍ଚଳରେ ବହୁ ଲୋକଙ୍କୁ ଚିକିତ୍ସା କରିଥାନ୍ତି । ଯଦିଓ ସେ ସରକାରୀ ଚିକିତ୍ସକ ନୁହଁନ୍ତି କିନ୍ତୁ ଉକ୍ତ ଅଞ୍ଚଳରେ ସେ ମ୍ୟାଲେରିଆ ଏବଂ ବିଭିନ୍ନ ରୋଗରେ ଆକ୍ରାନ୍ତ ରୋଗୀଙ୍କୁ ଚିକିତ୍ସା କରିଥାନ୍ତି । ହେଲେ ଏହି ଘଟଣା ପାଇଁ ତାଙ୍କୁ ରାୟଗଡ଼ା ପ୍ରବେଶ ଉପରେ କଟକଣା ଲଗାଇ ଦିଆଯିବାରୁ ସେ ଅନେକ ଲୋକଙ୍କୁ ଚିକିତ୍ସା କରିବାରୁ ବଞ୍ଚିତ ହୋଇଛନ୍ତି । ତେଣୁ ତାଙ୍କ ପ୍ରବେଶ ଉପରେ କଟକଣାକୁ ଉଠାଇବା ପାଇଁ ସେ ପ୍ରାର୍ଥନା କରିଛନ୍ତି । ହାଇକୋର୍ଟ ଏହି ମାମଲାକୁ ବିଚାର ପାଇଁ ଗ୍ରହଣ କରି ରାୟଗଡ଼ା ଜିଲ୍ଲାପାଳଙ୍କୁ ନୋଟିସ୍ କରିଛନ୍ତି । ଆବେଦନକାରୀଙ୍କ ପକ୍ଷରୁ ଆଇନଜୀବୀ ଅଫରାଜ୍ ସୋହେଲ୍ ମାମଲା ପରିଚାଳନା କରୁଛ
