ପ୍ରମୂଖ ଖବର
  • ଶ୍ରୀମନ୍ଦିରରେ ପୂଜା ହେଲା ଆଇପିଏଲ୍‌ ଟ୍ରଫି, ବିଜୟୀ ହେବାକୁ 'କୋଲକତା ନାଇଟ୍ ରାଇଡର୍ସ'ର ପ୍ରାର୍ଥନା
  • ||
  • ଶ୍ରୀମନ୍ଦିରରେ ମହାପ୍ରଭୁଙ୍କର ବଡ଼ ମହାସ୍ନାନ, ବେହେରଣ ଦ୍ୱାର ନିକଟରେ ପଡିଥିଲା ରକ୍ତ ଛିଟା
  • ||
  • ବାଲେଶ୍ୱର : ଘରେ ପଶି ଅଙ୍ଗନବାଡ଼ି କର୍ମୀଙ୍କୁ ହାଣିଲେ ଦୁର୍ବୃତ୍ତ, ପୋଲିସର ତଦନ୍ତ ଆରମ୍ଭ
  • ||
  • ନୂଆଦିଲ୍ଲୀ ରେଳଷ୍ଟେସନ ଦଳାଚକଟା ଘଟଣାର ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଅଶ୍ୱିନୀ
  • ||
  • ନୂଆଦିଲ୍ଲୀ ରେଳଷ୍ଟେସନ ଦଳାଚକଟା ଘଟଣା, ମୃତ୍ୟୁ ସଂଖ୍ୟା ୧୮କୁ ବୃଦ୍ଧି, ଶୋକବ୍ୟକ୍ତ କଲେ ରାଷ୍ଟ୍ରପତି, ପ୍ରଧାନମନ୍ତ୍ରୀ
  • ||
  • ଓଡ଼ିଶା ଅର୍ଥନୈତିକ ସର୍ଭେ ରିପୋର୍ଟ: ଚଳିତ ବର୍ଷ ଅଭିବୃଦ୍ଧି ୭.୨%କୁ ହ୍ରାସ, ଆଗାମୀ ବର୍ଷ ୮.୫% ହାରରେ ବଢ଼ିବ
  • ||
  • କଟକ : ଷ୍ଟ୍ରିଟ୍‌ ଲାଇଟ୍‌ ଖୁଣ୍ଟରୁ ଯୁବକଙ୍କୁ ଝୁଲନ୍ତା ମୃତଦେହ ଉଦ୍ଧାର, କାରଣ ଅସ୍ପଷ୍ଟ
  • ||
  • ଗରମରୁ ମିଳିବ ସାମାନ୍ୟ ଆଶ୍ୱସ୍ତି: ଆସନ୍ତା ୧୯ରୁ ୨୧ ଯାଏ ବର୍ଷା ସମ୍ଭାବନା, ବିଭିନ୍ନ ଜିଲ୍ଲାକୁ ଆଲର୍ଟ ଜାରି
  • ||

ଆରଜି କର ଡାକ୍ତର ଦୁଷ୍କର୍ମ ଓ ହତ୍ୟା ମାମଲା ; ଆଜି ସଞ୍ଜୟର ଦଣ୍ଡ ଶୁଣାଣି

Published By : Ankita S | January 20, 2025 9:18 AM

କୋଲକାତା,୨୦/୧: ବହୁ ଚର୍ଚ୍ଚିତ କୋଲକାତା ଆରଜି କର ମେଡିକାଲ କଲେଜ ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ମାମଲାରେ ଦୋଷୀ ସାବ୍ୟସ୍ତ ହୋଇଛି ଅଭିଯୁକ୍ତ ସଞ୍ଜୟ ରୟ । ଆଜି (ସୋମବାର) ସଞ୍ଜୟର ଦଣ୍ଡ ଶୁଣାଇବେ ସିଆଲଦାର କୋର୍ଟ । ଗତ ୧୮ ତାରିଖରେ ସିଆଲଦାର ସେସନ କୋର୍ଟ ମାମଲାର ଶୁଣାଣି କରି ସଞ୍ଜୟକୁ ଦୋଷୀ ସାବ୍ୟସ୍ତ କରିବା ସହ ରାୟ ସଂରକ୍ଷିତ ରଖିଥିଲେ । ଆଜି ଏହି ମାମଲାର ଦଣ୍ଡ ଘୋଷଣା ହେବ ।

ଗତବର୍ଷ ଅର୍ଥାତ ୨୦୨୪ ଅଗଷ୍ଟ ୯ ତାରିଖରେ ଆରଜି କର ମେଡିକାଲ କଲେଜ ଟ୍ରେନି ଡାକ୍ତରଙ୍କୁ ଦୁଷ୍କର୍ମ ପରେ ହତ୍ୟା କରାଯାଇଥିଲା । ସମଗ୍ର ଦେଶରେ ଚହଳ ସୃଷ୍ଟି କରିଥିଲା । ପୀଡିତାଙ୍କୁ ନ୍ୟାୟ ଦାବି କରି ରାସ୍ତାକୁ ଓହ୍ଲାଇଥିଲେ ଡାକ୍ତର । ବିଶେଷ କରି କୋଲକାତାରେ ୨ ମାସ ସ୍ବାସ୍ଥ୍ୟସେବା ଠପ ହୋଇଥିଲା । ଘଟଣାର ୧୬୨ ଦିନ ପରେ ଅଭିଯୁକ୍ତ ସଞ୍ଜୟ ରୟକୁ ଦୋଷୀ ସାବ୍ୟସ୍ତ କରିଥିଲେ କୋର୍ଟ । ସଞ୍ଜୟଙ୍କୁ ଭାରତୀୟ ନ୍ୟାୟ ସଂହିତାର ଧାରା ୬୪, ଧାରା ୬୬ ଏବଂ ୧୦୩ (୧) ଅନୁସାରେ ଦୋଷୀ ସାବ୍ୟସ୍ତ କରାଯାଇଥିଲା । ଭାରତୀୟ ନ୍ୟାୟ ସଂହିତାର ଧାରା ୬୪ ଅନୁସାରେ ୧୦ ବର୍ଷର ସଜା ଓ ଧାରା ୬୬ ଅନୁସାରେ ୨୫ ବର୍ଷର ଜେଲ୍‌, ଆଜୀବନ ବା ପୁଣି ମୃତ୍ୟୁର ସଜା ହୋଇପାରେ।

ସଞ୍ଜୟଙ୍କ ବିରୋଧରେ ରହିଥିବା ଅଭିଯୋଗ ଅନୁସାରେ, ପୀଡିତା ହସ୍ପିଟାଲ ସେମିନାର ରୁମରେ ବିଶ୍ରାମ ନେଉଥିବା ବେଳେ ତାଙ୍କୁ ଦୁଷ୍କର୍ମ ପରେ ହତ୍ୟା କରାଯାଇଥିଲା । ଆଜି ଏହି ମାମଲାର ଦଣ୍ଡାଦେଶ ଶୁଣାଇବେ କୋର୍ଟ । ମାମଲାରେ ରାୟ ପ୍ରଦାନ ସମୟରେ କେର୍ଟରୁମରେ କାଡା ସୁରକ୍ଷା ବ୍ୟବସ୍ଥା କରାଯାଇଥିଲା । ପ୍ରାୟ ୩୦୦ ପୋଲିସକର୍ମୀ ଉପସ୍ଥିତ ଥିଲେ । ଗତବର୍ଷ ଅଗଷ୍ଟ ୯ ତାରିଖରେ ଘଟଣା ଘଟିଥିଲା । ସେମିନାର ରୁମରୁ ଟ୍ରେନି ମହିଳା ଡାକ୍ତରଙ୍କ ମୃତଦେହ ଉଦ୍ଧାର ହୋଇଥିଲା । ସିସିଟିଭି ଫୁଟେଜ ଆଧାରରେ ପୋଲିସ ସଞ୍ଜୟ ରୟଙ୍କୁ ଅଗଷ୍ଟ ୧୦ତାରିଖରେ ଗିରଫ କରାଯାଇଥିଲା । ଏହି ଜଘନ୍ୟ କାଣ୍ଡର ୧୬୨ ଦିନ ପରେ ଅତିରିକ୍ତ ଜିଲ୍ଲା ଓ ସେସନ୍ସ ବିଚାରପତି ଅବିର୍ବାଣ ଦାୟ ରାୟ ଶୁଣାଇ ସଞ୍ଜୟକୁ ଦୋଷୀ ସାବ୍ୟସ୍ତ କରିଥିଲେ ।

ଏହା ବି ପଢନ୍ତୁ...ବିଚାରପତିଙ୍କ ସାମ୍ନାରେ ସଞ୍ଜୟ ରାୟ କହିଲା - ମୁଁ ରୁଦ୍ରାକ୍ଷ ପିନ୍ଧିଛି ,ଏମିତି କାମ କରିଥିଲେ ...

ଦୋଷୀ ସାବ୍ୟସ୍ତ ପରେ କଣ କହିଲା ସଞ୍ଜୟ- ମାମଲାର ଶୁଣାଣି ପରେ ସଞ୍ଜୟ କହିଥିଲା ମୋତେ ଫସାଇ ଦିଆଯାଇଛି । ଅପରାଧୀ ବାହାରେ ବୁଲୁଛି । ମୁଁ ରୁଦ୍ରାକ୍ଷ ମାଳା ପିନ୍ଧିଛି। ଏ ପ୍ରକାରର ଅପରାଧ କରି ପାରିବି ନାହିଁ। ଯଦି ଏମିତି କରିଥାନ୍ତି ତେବେ ମାଳା ଛିଣ୍ଡି ଯାଇଥାନ୍ତା। ଏଥିରେ ଜଣେ ଆଇପିଏସଙ୍କ ସଂମ୍ପୃକ୍ତି ରହିଛି ।




Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.