ଦଶମନ୍ତପୁର,୦୨/୦୮ : କୋରାପୁଟ ଦଶମନ୍ତପୁର ବ୍ଲକରେ ମର୍ମନ୍ତୁଦ ସଡ଼କ ଦୁର୍ଘଟଣା । ବୋଲବମ୍ ସେବା ସଂଘ ଯାତ୍ରୀବାହୀ ଟ୍ରକ୍ ସହ ବାଇକର ମୁହାଁମୁହିଁ ଧକ୍କା। ଫଳରେ ବାପା ଓ ପୁଅଙ୍କ ଘଟଣାସ୍ଥଳରେ ମୃତ୍ୟୁ । ସେହିପରି ବାଇକରେ ଥିବା ଅନ୍ୟ ଜଣେ ଯୁବକ ଗୁରୁତର ଆହତ ହୋଇଥିବା ବେଳେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।
ସୂଚନା ଅନୁଯାୟୀ,କୋରାପୁଟରୁ ଦଶମନ୍ତପୁର ବ୍ଲକର ୩୨୬ ନମ୍ବର ଜାତୀୟ ରାଜପଥ ଦେଇ ୩ଜଣ ବାଇକ ପୋଡ଼ାଗଡ ଅଭିମୁଖେ ଯାଉଥିଲେ । ସେହି ସମୟରେ ବିପରୀତ ଦିଗରୁ ବୋଲବମ୍ ସେବା ସଂଘ ଟ୍ରକ୍ ଦୃତଗତିରେ ଆସି ସେମାନଙ୍କୁ ମୁହାଁମୁହିଁ ଧକ୍କା ଦେଇ ଥିଲା। ଫଳରେ ବାଇକରେ ନିଆଁ ରେ ଲାଗିଯିବାରୁ ବାପା ପୁଅ ଘଟଣାସ୍ଥଳରେ ଜଳିଯିବାରୁ ପ୍ରାଣ ହରାଇଛନ୍ତି । ତେବେ ମୃତ ବ୍ୟକ୍ତି କୋରାପୁଟ ସଦର ମହକୁମା ସ୍ଥିତ ଟିକରା ସାହିରେ ରହୁଥିବା କୈଳାସ ଖରା ଓ ତାଙ୍କ ପୁଅ ବୋଲି ଜଣାପଡ଼ିଛି । ଏଥିସହ ତାଙ୍କ ସଙ୍ଗେ ଥିବା ଭଣଜା ଅମନ ରେଡି ଗୁରୁତର ଆହତ ହୋଇଥିବା ଜଣାପଡିଛି। ଅନ୍ୟପଟେ ଏନେଇ ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି। ଏଥିସହ ଧକ୍କା ଦେଇଥିବା ବୋଲବମ୍ ଟ୍ରକ୍ କୁ ଜବତ କରି ତଦନ୍ତ କରୁଥିବା କୋରାପୁଟ ପୁଲିସ ପକ୍ଷରୁ ସୂଚନା ଦିଆଯାଇଛି। ସୂଚନାରୁ ଜଣାପଡିଛି ଯେ, ମୃତ ବାପା ପୁଅ ଏବଂ ଭଣଜା ମନ୍ଦିରରେ ଠାକୁର ଦର୍ଶନ ପାଇଁ ଯାଉଥିବା ବେଳେ ଏଭଳି ଅଭାବନୀୟ ଘଟଣା ଘଟିଛି।
