ଭୁବନେଶ୍ବର,୦୮/୦୫: କାମ କରୁଥିବା ବେଳେ ପଛରୁ ଆସି ଚଢିଗଲା ଟ୍ରାକ୍ଟର। ଫଳରେ ଘଟଣାସ୍ଥଳରେ ଚାଲିଗଲା ବୃଦ୍ଧଙ୍କ ଜୀବନ। ଉଦଳା ଥାନା ଘାଗରାଗଡି ଗ୍ରାମରେ ଘଟିଛି ଏଭଳି ଘଟଣା। ମୃତ ବ୍ୟକ୍ତି ଜଣକ ଲାଦ୍ରା ସିଂ ବୋଲି ଜଣାପଡିଛି ।
ସୂଚନା ମୁତାବକ, ଘାଗରାଗଡି ଗ୍ରାମରେ ଜଳସେଚନ ବିଭାଗ ପକ୍ଷରୁ ଚାଲିଥିଲା କେନାଲ କାମ। କେନାଲ କାମରେ ଉକ୍ତ ଗ୍ରାମର ଲାଦ୍ରା ସିଂ ମାପ କରୁଥିବା ବେଳେ ପଥର ବୋଝେଇ କରି ଆସିଥିବା ଏକ ଟ୍ରାକ୍ଟର ପଥର ଅନଲୋଡ଼ କରିବା ପାଇଁ ଆସିଥିଲା। ଏହି ସମୟରେ ଟ୍ରାକ୍ଟର ପଛାଉ ଥିବା ବେଳେ ଲାଦ୍ରାଙ୍କୁ ପ୍ରଥମେ ଟ୍ରାକ୍ଟର ଧକ୍କା ଦେଇଥିଲା ତା ପରେ ଲାଦ୍ରାଙ୍କ ଉପରେ ଚଢି ଯାଇଥିଲା ଟ୍ରାକ୍ଟର। ଯାହା ଫଳରେ ଘଟଣାସ୍ଥଳରେ ଲାଦ୍ରାଙ୍କ ମୃତ୍ୟୁ ହୋଇଥିଲା। ଖବରପାଇ ଉଦଳା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହିତ ତଦନ୍ତ ଆରମ୍ଭ କରିଛି। ଦୁର୍ଘଟଣା ପରେ ଟ୍ରାକ୍ଟର ଡ୍ରାଇଭର ଫେରାର ହୋଇଯାଇଥିବା ବେଳେ ଟ୍ରାକ୍ଟରକୁ ପୋଲିସ ଜବତ କରିଛି।
