ନୂଆଦିଲ୍ଲୀ: ହରିଦ୍ବାରରୁ ଏକ ଭିଡିଓ ଏବେ ସାମ୍ନାକୁ ଆସିଛି । ଯେଉଁ ଭିଡିଓରେ ହିନ୍ଦୁ ସଂଗଠନ ସହ ହଙ୍ଗାମା ହୋଇଛି । ବଲିଉଡ ଅଭିନେତା ଇମ୍ରାନ ହାସମିଙ୍କ ସୁଟିଂ ସେଟରେ ଏହି ଜଗଡ଼ା ହୋଇଥିବା ଦେଖିବାକୁ ମିଳିଛି । ସୁଟିଂ ପାଇଁ ଲାଗିଥିବା ଏକ ସାଇନ୍ ବୋର୍ଡର ଲେଖା ପାଇଁ ବିବାଦ ହୋଇଛି । ତେବେ ଏହି ଯୁକ୍ତିବେଳେ ଇମ୍ରାନଙ୍କ ସୁଟିଂ ସେଟରେ ଅଭିନେତା ଅପାରଶକ୍ତି ଖୁରାନା ଉପସ୍ଥିତ ଥିଲେ ।

କହି ରଖୁଛୁ କି, ହରିଦ୍ବାରରେ ଇମ୍ରାନଙ୍କ ଏକ ଫିଲ୍ମର ସୁଟିଂ ଚାଲିଛି । ସେଟ ପାଇଁ ଏକ ବୋର୍ଡ ଲାଗିଥିଲା । ଯେଉଁଥିରେ କାଫେ ଏବଂ ବାର ଲେଖାଯାଇଥିଲା । ଯାହାକୁ ନେଇ ହଇଚଇ ସୃଷ୍ଟି ହୋଇଥିଲା । ଏହି ସାଇନବୋର୍ଡକୁ ସ୍ଥାନୀୟ ଲୋକେ ପ୍ରଥମେ ବିରୋଧ କରିଥିଲେ । ସୁଟିଂ ପାଇଁ ନକଲି ସାଇନବୋର୍ଡ ଲାଗିଥିବାବେଳେ ହରିଦ୍ବାର ଭଳି ପବିତ୍ର ସ୍ଥାନରେ ବାର ଶବ୍ଦ ବ୍ୟବହାରକୁ ବିରୋଧ କରାଯାଇଥିଲା । ଏହାକୁ ନେଇ ବିଭିନ୍ନ ହିନ୍ଦୁ ସଂଗଠନ ମଧ୍ୟ ହଙ୍ଗାମା କରିଥିଲେ ।

ହରିଦ୍ବାରର ବହୁ ହିନ୍ଦୁ ସଂଗଠନ ଘଟଣାସ୍ଥଳରେ ପହଞ୍ଚି ଏହାକୁ ବିରୋଧ କରିଥିଲେ । ପରେ ସେମାନେ ଯୁକ୍ତି କରିଥିଲେ । ହରିଦ୍ବାରର ସାଂସ୍କୃତିକ ଏବଂ ଧାର୍ମିକ ପ୍ରତିଛବିକୁ ଏହା ଖରାପ କରୁଥିବା ମଧ୍ୟ ଅଭିଯୋଗ କରାଯାଇଥିଲା । ଯୁକ୍ତି ବଢ଼ିବା ପରେ ବାର ଲେଖାଥିବା ସାଇନବୋର୍ଡକୁ ହଟାଯାଇଥିଲା । ଘଟଣାକୁ ଶାନ୍ତ କରିବା ପାଇଁ ଏହା ଏହାକୁ ହଟାଯାଇଥିଲା । ତେବେ ସେ କେଉଁ ଫିଲ୍ମର ସୁଟିଂ ଚାଲିଥିବା ତାହା ଜଣାପଡ଼ିନାହିଁ । ଏନେଇ ଇମ୍ରାନ କୌଣସି ପ୍ରତିକ୍ରିୟା ଦେଇନାହାନ୍ତି ।

ଏହାସହ ପଢ଼ନ୍ତୁ : Priya Rajvansh Case: ପ୍ରିୟା ରାଜବଂଶଙ୍କ ହତ୍ୟା ଘଟଣା, ଜାଣନ୍ତୁ ସମ୍ପୂର୍ଣ୍ଣ ରହସ୍ୟ