ମୁମ୍ବାଇ,୨୫।୧: ବଲିଉଡ ଅଭିନେତା ସୈଫ୍ ଅଲ୍ଲୀ ଖାନ୍ ଗତ କିଛି ଦିନ ହେବ ଚର୍ଚ୍ଚାର ଶିରୋନାମ ପାଲଟିଛନ୍ତି। ତାଙ୍କ ଉପରେ କିଛି ଦିନ ପୂର୍ବରୁ ତାଙ୍କ ଘରେ ଜଣେ ବ୍ୟକ୍ତି ଛୁରୀମାଡ଼ କରିଥିଲେ। ଆକ୍ରମଣକାରୀ ଚୋରି ଉଦେଶ୍ୟରେ ଘରେ ପଶିଥିଲା। ସୈଫ ଅଲ୍ଲୀ ଖାନ୍ ଚିକିତ୍ସା କାରଣରୁ କିଛି ଦିନ ପୂର୍ବରୁ ହସ୍ପିଟାଲରେ ଭର୍ତ୍ତି ଥିଲେ। ତାଙ୍କୁ ହସ୍ପିଟାଲରୁ ଛୁଟି ମିଳିଯାଇଛି। ମାମଲାର ତାଜା ସୂଚନା ଅନୁସାରେ, ମୁମ୍ବାଇ ପୋଲିସ ସୈଫ୍ ଅଲ୍ଲୀ ଖାନ୍ଙ୍କ ବ୍ଲଡ ସାମ୍ପଲ ଓ କପଡା କଲେକ୍ଟ କରିନେଇଛି। ଏବେ ଅଭିଯୁକ୍ତର କପଡା ଓ ବ୍ଲଡ ସାମ୍ପଲକୁ ଫରେନସିକ୍ ଯାଞ୍ଚ ପାଇଁ ପଠାଇ ଦିଆଯାଇଛି।
ଏଏନ୍ଆଇର ସୂଚନା ଅନୁସାରେ, ପୋଲିସ ସୈଫ ଅଲ୍ଲୀ ଖାନ୍ଙ୍କ ସେହି କପଡା ନେଇଛି, ଯାହା ସେ ଆଟାକ୍ କରିଥିବା ରାତିରେ ପିନ୍ଧିଥିଲେ। ସେଭଳି ଅଭିଯୁକ୍ତର କପଡା ଉପରେ ରକ୍ତର କିଛି ଛିଟା ମିଳିଥିଲା, ତେଣୁ ସୈଫ୍ଙ୍କ ବ୍ଲଡ ସାମ୍ପଲ ମଧ୍ୟ ପୋଲିସ ନେଇଯାଇଛି। ସୈଫ୍ଙ୍କ ବ୍ଲଡ ସାମ୍ପଲ ଓ ଅଭିଯୁକ୍ତର କପଡାକୁ ଫରେନସିକ୍ ଲ୍ୟାବ୍କୁ ପଠାଇ ଦିଆଯାଇଛି। ଫଳରେ ମ୍ୟାଚ୍ କରିହେବ ଯେ, ଅଭିଯୁକ୍ତର କପଡାରେ ସୈଫ୍ ଅଲ୍ଲୀ ଖାନ୍ଙ୍କ ରକ୍ତ ଛିଟା ରହିଛି।
ଉଲ୍ଲେଖନୀୟ ଯେ, ବାନ୍ଦ୍ରା ମାଜିଷ୍ଟେ୍ରଟ କୋର୍ଟ ଅଭିଯୁକ୍ତ ଶରିଫୁଲ ଇସ୍ଲାମର କଷ୍ଟଡି ୨୯ ଜାନୁଆରୀ ପର୍ଯ୍ୟନ୍ତ ବଢାଇ ଦେଇଛନ୍ତି। ହସ୍ପିଟାଲରୁ ବାହାରକୁ ଆସିବା ପରେ ସୈଫ ଅଲ୍ଲୀ ଖାନ୍ ମୁମ୍ବାଇ ପୋଲିସ ନିକଟରେ ନିଜରୀ ବୟାନ ରେକର୍ଡ କରିଦେଇଥିଲେ। ସେ ପୋଲିସକୁ ଆକ୍ରମଣ ହୋଇଥିବା ରାତିର ପୁରା ଘଟଣା କହିଛନ୍ତି।
