ମୁମ୍ବାଇ,୨୨/୦୪: ରାଜସ୍ଥାନ ରୟାଲ୍ସ ଫ୍ୟାନମାନଙ୍କ ପାଇଁ ଦୁଃଖ ଖବର । ଅଧିନାୟକ ସଞ୍ଜୁ ସାମସନ୍ ଆଗାମୀ ରୟାଲ୍ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିପକ୍ଷ ମ୍ୟାଚ୍ରେ ମଧ୍ୟ ଖେଳିବେ ନାହିଁ । ସେ ସମ୍ପ୍ରତି ଆହତ ଅଛନ୍ତି ।
ଗୁରୁବାର ଦିନ ଚିନ୍ନାସ୍ୱାମୀ ଷ୍ଟାଡ଼ିୟମ୍ରେ ଏହି ମ୍ୟାଚ୍ ଖେଳାଯିବ । ତାଙ୍କ ଅନୁପସ୍ଥିତିରେ ରିୟାନ ପରାଗ ଦଳର ନେତୃତ୍ୱ ନେବେ । ଗତ ୧୬ ତାରିଖରେ ଅନୁଷ୍ଠିତ ଦିଲ୍ଲୀ କ୍ୟାପିଟାଲ୍ସ ବିପକ୍ଷ ମ୍ୟାଚ୍ରେ ବ୍ୟାଟିଂ କରୁଥିବା ସମୟରେ ସାମସନ ଆହତ ହୋଇଥିଲେ । ତାଙ୍କ ବାମ ପାଶ୍ୱର୍ ପଞ୍ଜରାରେ ଆଘାତ ଲାଗିଥିଲା । ଫଳରେ ସେ ୧୯ତାରିଖରେ ଅନୁଷ୍ଠିତ ଲକ୍ଷେ୍ନø ସୁପରଜାଏଣ୍ଟ୍ସ ବିପକ୍ଷ ମ୍ୟାଚ୍ରେ ମଧ୍ୟ ଖେଳିପାରି ନଥିଲେ । ଉଭୟ ମ୍ୟାଚ୍ରେ ରାଜସ୍ଥାନ ରୟାଲ୍ସ ପରାଜିତ ହୋଇଥିଲେ । ମାତ୍ର ସମାସନଙ୍କ ଅନୁପସ୍ଥିତିରେ ରାଜସ୍ଥାନ ରୟାଲ୍ସକୁ ଜଣେ ଦକ୍ଷ ବ୍ୟାଟରଙ୍କ ଆବିର୍ଭାବ ଘଟିଛି । ସେ ହେଉଛନ୍ତି ୧୪ବର୍ଷିୟ ବୈଭବ ସୂର୍ଯ୍ୟବଂଶୀ । ଗତ ସୁପରଜାଏଣ୍ଟ୍ସ ବିପକ୍ଷ ମ୍ୟାଚ୍ରେ ସେ ପଦାର୍ପଣ କରିଥିଲେ । ସର୍ଦୁଲ ଠାକୁର, ଅଭେଶ ଖାନଙ୍କ ଭଳି ଅଭିଜ୍ଞ ପେସ୍ ବୋଲରଙ୍କୁ ସେ ନିର୍ମମ ପ୍ରହାର କରିଥିଲେ ।
