ମାଥିଲି,୧୪/୦୬: ପହିଲି ରଜ ଉପଲକ୍ଷେ ନିଆରା ପଦକ୍ଷେପ। ବୟସ୍କ ଓ ବୟସ୍କାଙ୍କ ପାଇଁ ଏହି ଦିନଟିକୁ ଉତ୍ସର୍ଗ କରି ଚର୍ଚ୍ଚ।ରେ ରହିଛନ୍ତି ମାଲକାନଗିରି ଜିଲ୍ଲା ମାଥିଲି ବ୍ଲକ ସଦର ପଞ୍ଚାୟତର ସରପଞ୍ଚ କାନାମ ରାଜୁ ନାୟକ ଏବଂ ପଞ୍ଚାୟତ ନିର୍ବ।ହୀ ଅଧିକାରୀ ଅଶୋକ କୁମାର ମହାରଣା। ଦୀର୍ଘ ୧୦ମିଟର ଲମ୍ବ ଏବଂ ୧୦୦ କେଜିର କେକ୍ ତିଆରି କରି ଉଭୟ ବୟସ୍କ ଓ ବୟସ୍କାଙ୍କ ମୁହଁରେ ହସ ଫୁଟାଇବାକୁ ଉଦ୍ୟମ କରିଛନ୍ତି। ସେମାନଙ୍କ ହାତରେ ଏହି କେକ୍ କଟାଇ ପରସ୍ପରକୁ ଖୁଆଇଛନ୍ତି। ଏଥିସହ ବୟସ୍କ ବୟସ୍କାମାନେ ପରସ୍ପରକୁ ବିଡିଆ ପାନ ଖୁଆଇ ଖୁସି ମନାଇଛନ୍ତି।
ପରିଣତ ବୟସରେ ସେମାନଙ୍କ ମୁହଁରେ ହସ ଫୁଟାଇବା ଏଭଳି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ଥିଲା। ଏହା ଏକ ଛୋଟିଆ ପ୍ରୟାସ ବୋଲି କହିଛନ୍ତି ସରପଞ୍ଚ କାନାମରାଜୁ। କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଡିଓ ପ୍ରମୋଦ କୁମାର ବେହେରା, ସମ୍ମାନିତ ଅତିଥି ଭାବେ ମାଥିଲି ଜିଲ୍ଲା ପରିଷଦ ଜୋନ-୩ ସଭ୍ୟା ସସ୍ମିତା ମାଝୀ, ସମିତିସଭ୍ୟ ତଥା ଯୁବନେତା ବାଲରାଜୁ କୋପେ ଏବଂ ପୂର୍ବତନ ବ୍ଲକ ଅଧ୍ୟକ୍ଷ ସ୍ମୃତିରଞ୍ଜନ ଯୋଗ ଦେଇଥିଲେ।
