ମାଲକାନଗିରି, ୧୧/୧୧ (ଆପ୍ର ) : ସ୍ୱାଭିମାନ ଅଞ୍ଚଳରେ ବିଏସଏଫ ଯବାନଙ୍କ ସର୍ଚ୍ଚ ଅପରେସନ ବେଳେ ମାଓ ଡମ୍ପ ଠାବ। ବିପୁଳ ପରିମାଣର ଅତ୍ୟାଧୁନିକ ଡେଟୋନେଟର, ଜିଲୋଟିନ ଷ୍ଟିକ, ବିସ୍ଫୋରକ ଦ୍ରବ୍ୟ ସହିତ ମାଓବାଦୀଙ୍କ ପୁସ୍ତକ ଓ ଅନ୍ୟା ସାମଗ୍ରୀ ଯବାନ ଜବତ କରିଛନ୍ତି। ଏଥିସହ ମାଓବାଦୀଙ୍କ ବିସ୍ଫୋରଣକୁ ପଣ୍ଡ କରିଦେଇଛନ୍ତି ଯବାନ ।
ରବିବାର ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳ ଯନ୍ତ୍ରୀ ବିଏସଏଫ କ୍ୟାମ୍ପ ଏବଂ ୧୭୭ ବାଟାଲିୟନ ଯବାନ ମିଳିତ ସର୍ଚ୍ଚ ଅପରେସନ ଚଳାଇଥିଲେ। ସ୍ୱାଭିମାନ ଅଞ୍ଚଳ ଯୋଡାଆମ୍ବ ଥାନା ଅନ୍ତର୍ଗତ ଯନ୍ତ୍ରୀ ପଞ୍ଚାୟତର ଅରଲିପଦା ଓ ତାବେର ଗାଁକୁ ଯୋଡୁଥିବା ସଡକରେ ସର୍ଚ୍ଚ ଅପରେସନ ସମୟରେ ଘଞ୍ଚ ଜଙ୍ଗଲ ପାହାଡ଼ ନିକଟରେ ମାଓ ଡମ୍ଫ ଠାବ କରିଥିଲେ। ପ୍ଲାଷ୍ଟିକ ଡ୍ରମ ମଧ୍ୟରୁ ବିପୁଳ ପରିମାଣର ବିସ୍ଫୋରକ ଦ୍ରବ୍ୟ ଓ ମାଓ ସାମଗ୍ରୀ ମିଳିଥିଲା । ଜବତ ହୋଇ ଥିବା ବିସ୍ପୋରକ ଦ୍ରବ୍ୟ ମଧ୍ୟରେ ୫୬ଟି ଜିଲେଟିନ ଷ୍ଟିକ,୧୩ଟି ଡିଜିଟାଲ ଡେଟୋନେଟର, କର୍ଡେକ୍ସ ତାର ୩୦ ମିଟର , ବିଦ୍ୟୁତ ତାର ୩୦ ମିଟର , ବଡ଼ ବ୍ୟାଟେରୀ ଗୋଟିଏ , ସିଡି ଗୋଟିଏ ,ଷ୍ଟାମ୍ପ ପ୍ୟାଡ ୨ଟି, ବହୁ ପରିମାଣ ମାଓ ପୁସ୍ତକ, ୮ଟି ଡାଏରୀ, ଆଟାଚି ଓ ଅନ୍ୟାନ ମାଓ ସାମଗ୍ରୀ ଜବତ କରାଯାଇଛି ।
