ନୂଆଦିଲ୍ଲୀ,୧୯/୧୦: ଆଜି ରାଞ୍ଚି ଗସ୍ତରେ ଯିବେ ରାହୁଲ ଗାନ୍ଧୀ ।ହରିୟାଣାରେ ପରାଜୟ ପରେ ଝାଡ଼ଖଣ୍ଡରେ ଅଣ୍ଟା ଭିଡୁଛି କଂଗ୍ରେସ । ବିଧାନସଭା ନିର୍ବାଚନ ପୂର୍ବରୁ ରାହୁଲ ଗାନ୍ଧୀ ରାଞ୍ଚି ଗସ୍ତରେ ଥିବା ଖବର ସାମ୍ନାକୁ ଆସିବା ପରେ କର୍ମୀଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ଝାଡ଼ଖଣ୍ଡର ୮୧ ବିଶିଷ୍ଟ ଆସନରେ ୨ଟି ପର୍ଯ୍ୟାୟରେ ମତଦାନ ହେବ । ନଭେମ୍ଵର ୧୩ ଓ ୨୦ ର ମତଦାନ ପାଇଁ ଶୁକ୍ରବାର ଦିନ ୪୩ ଗୋଟି ଆସନରେ ନାମାଙ୍କନ ଭରିବେ ଆଶାୟୀ । ଆସନ ବୁଝାମଣା ଚୁକ୍ତି ଏବଂ ପ୍ରାର୍ଥୀ ତାଲିକା ଘୋଷଣା କରିବା ପାଇଁ ଉଭୟ ଶାସକ ଏବଂ ବିରୋଧୀ ଶିବିର ୱାଚ୍ ମୋଡରେ ରହିଛନ୍ତି ।
ଏନେଇ ସେପଟେ ଶାସକ ମିଳିତ ମଞ୍ଚର ଅଂଶ ବିଶେଷ ଥିବା ପୁରୁଣା ଦଳ କଂଗ୍ରେସ ଅକ୍ଟୋବର ୧୯ ପରେ ସେମାନଙ୍କ ପ୍ରାର୍ଥୀ ଘୋଷଣା କରିପାରେ ବୋଲି ଦଳର ବରିଷ୍ଠ ନେତାମାନେ ମତ ପ୍ରକାଶ କରିଛନ୍ତି । ଏଠାରେ ପ୍ରଶ୍ନ ଉଠୁଛି ହରିୟାଣାରେ ବିପର୍ଯ୍ୟୟ ପରେ ଉତ୍ତର ପ୍ରଦେଶ ଉପ-ନିର୍ବାଚନରେ କଂଗ୍ରେସ ନିଜର ବୁଝାମଣା ଶକ୍ତି ହରାଇବ କି ? ରାହୁଲ ଗାନ୍ଧୀଙ୍କ ବୈଠକ ପୂର୍ବରୁ ପ୍ରସ୍ତୁତି ବିଷୟରେ ଅନୁଧ୍ଯାନ ପାଇଁ ଗୁରୁବାର ଦିନ ରାଞ୍ଚିରେ ପହଞ୍ଚିଥିବା ଝାଡ଼ଖଣ୍ଡ ଆଫେୟାର୍ସର ମୁଖ୍ଯ ଗୁଲାମ ଅହମ୍ମଦ ମୀର କହିଛନ୍ତି । ସେ ାହୁରି ମଧ୍ୟ କହିଛନ୍ତି ଯେ, ଆମର ସହଯୋଗୀ ଦଳମାନଙ୍କ ସହିତ ଆସନ ବୁଝାମଣା ଆଲୋଚନା ଉପରେ ସମାନ୍ଯ ମତ ପ୍ରାର୍ଥକ୍ଯ ରହିଛି । ଅକ୍ଟୋବର ୧୯ ପରେ ପ୍ରାର୍ଥୀ ଘୋଷଣା କରାଯିବ।
