ଭୁବନେଶ୍ୱର,୦୪/୦୭: ବିଏମ୍ସିରେ ସ୍ୱାଭାବିକ ହୋଇଛି ସେବା । କର୍ମଚାରୀ ମାନେ କାର୍ଯ୍ୟରେ ଯୋଗ ଦେଇଛନ୍ତି। ବିଏମ୍ସି ଅଫିସରେ ସମସ୍ତ ସୁବିଧା ଉପଲବ୍ଧ ହୋଇଛି । ଭୁବନେଶ୍ବର ମହାନଗର ନିଗମ ମୁଖ୍ୟାଳୟରେ ସୁରକ୍ଷା ବ୍ୟବସ୍ଥା ବଢ଼ାଇ ଦିଆଯାଇଛି। ପୁଲିସ କମିଶନରଙ୍କ ସହ ଆଲୋଚନା କରି ରଣନୀତି ପ୍ରସ୍ତୁତ କରାଯାଇଛି ।
ବଢିଲା ସୁରକ୍ଷା- ଅତିରିକ୍ତ ସୁରକ୍ଷାକର୍ମୀ ମୁତୟନ କରିବା ସହ ସେମାନଙ୍କୁ ତାଲିମ ଦିଆଯିବ। ଭବିଷ୍ୟତରେ ଯେପରି ପୂର୍ବ ସ୍ଥିତି ନ ଉପୁଜିବା ସେଥିପାଇଁ ସଜାଗ ରହିବେ ସୁରକ୍ଷାକର୍ମୀ । ବିଏମ୍ସି ବିଲ୍ଡିଂରେ କାର୍ଯ୍ୟରତ ସୁରକ୍ଷା ଅଧିକାରୀଙ୍କୁ ତାଲିମ ଦିଆଯିବ। ପବ୍ଲିକ୍ ଅଫିସ ହୋଇଥିବାରୁ ସୁରକ୍ଷା ବ୍ୟବସ୍ଥାକୁ ତର୍ଜମା କରି ସୁରକ୍ଷାକୁ କଡାକଡି କରାଯିବ। ସ୍ମାର୍ଟ ସିଟି ପ୍ରସଙ୍ଗରେ ଆଲୋଚନା କରି ବିଲ୍ଡିଂର କିଛି ପରିଚାଳନା ଦାୟିତ୍ଵ ବିଏମ୍ସି ହାତକୁ ନେବାକୁ ଯୋଜନା କରିଛି। ସ୍ବଚ୍ଛ ସାଥୀ ନେଇ ଆସିଥିବା ଅଭିଯୋଗର ତଦନ୍ତ ରିପୋର୍ଟ ଖୁବ୍ ଶୀଘ୍ର ଆସିବା । ଆକ୍ରମଣର ଶିକାର ହୋଇଥିବା ବିଏମ୍ସି କମିଶନର ରତ୍ନାକର ସାହୁ ଏବେ ଛୁଟିରେ ଅଛନ୍ତି ।
କହି ରଖୁଛୁ କି, ବିଏମ୍ସି କମିଶନର ରତ୍ନାକର ସାହୁଙ୍କୁ ଅଫିସରେ ଆକ୍ରମଣ ହୋଇଥିଲା । ଏହି ଘଟଣାରେ ବିଜେପି ନେତା ଜଗନ୍ନାଥ ପ୍ରଧାନଙ୍କୁ ଗତକାଲି (ଗୁରୁବାର) ଗିରଫ କରିଥିଲା ପୁଲିସ । ଡିସିପିଙ୍କ ଅଫିସ୍ରେ ଆତ୍ମସମର୍ପଣ କରିଥିରେ ଜଗନ୍ନାଥ ପ୍ରଧାନ । ଏହାପରେ ସବୁ କିଛି ସ୍ଥିତି ସ୍ୱାଭାବିକ୍ ହୋଇଛି । ଆନ୍ଦୋଳନରୁ ଓହରିଛନ୍ତି ଓଏଏସ୍ ସଂଘ ।
