ନୂଆଦିଲ୍ଲୀ, ୦୭/୦୫ : ଭାରତର ଆକ୍ସନରେ ବିଳିବିଳୋଉଛି ପାକିସ୍ତାନ। ଜର ଦାଉରେ ତାଟିଆ କାମୁଡ଼ୁଛି ଆତଙ୍କୀସ୍ତାନ। ଭାରତୀୟ ସେନାକୁ ନପାରି ନୀରିହ ଲୋକଙ୍କ ଉପରେ ରାଗ ସୁଝାଉଛି ପାକ୍ ସେନା। ଏଲଓସିରେ ଲଗାତର କରୁଛି ଅସ୍ତ୍ର ବିରତି ଉଲ୍ଲଙ୍ଘନ। ବୁଧବାର ପୁଞ୍ଛ ଜିଲ୍ଲାର ସୀମାନ୍ତ ଗାଁ ଗୁଡ଼ିକରେ ପାକିସ୍ତାନୀ ସେନା ଗୁଳିମାଡ଼ କରିଛି। ଏଥିରେ ୭ ଜଣ ନୀରିହ ଲୋକଙ୍କ ଜୀବନ ଯାଇଛି। ଏହି ଫାଇରିଂରେ ୩୮ ରୁ ଉର୍ଦ୍ଧ୍ଵ ଆହତ ହୋଇଛନ୍ତି।
ସୂଚନାନୁଯାୟୀ, ସୀମାରେ ପାକିସ୍ତାନ ସାଧାରଣ ଲୋକଙ୍କୁ ଟାର୍ଗେଟ୍ କରୁଛି। ଯେଉଁଥିପାଇଁ ଏବେ ପ୍ରଶାସନ ହାଇ ଆଲର୍ଟରେ ରହିଛି। ସୀମାରେ ସ୍କୁଲ, କଲେଜ ବନ୍ଦ କରି ଦିଆଯାଇଛି। ପଞ୍ଜାବର ଫିରୋଜପୁର ଏବଂ ଫାଜିଲକା ଜିଲ୍ଲାରେ ସ୍କୁଲ କଲେଜ ବନ୍ଦ ରହିଛି। ସେହିପରି ପାକିସ୍ତାନକୁ ଲାଗିଥିବା ଜିଲ୍ଲା ଗୁଡ଼ିକରେ ରାଜସ୍ଥାନ ସରକାର ଛୁଟି ଘୋଷଣା କରିଛନ୍ତି।
ଏତଦ୍ ବ୍ୟତୀତ ଚଣ୍ଡିଗଡ଼ ବିମାନ ବନ୍ଦର ବନ୍ଦ ରହିଛି। ଏଠାରେ ସମସ୍ତ ପ୍ରକାର ଉଡାଣ ଉପରେ ପ୍ରତିବନ୍ଧକ ଲଗାଯାଇଛି। ୫୨ଟି ଫ୍ଲାଇଟ୍ର ଉଡାଣ ରଦ୍ଦ କରାଯାଇଛି। ସେହିପରି ଅମୃତସର ବିମାନ ବନ୍ଦର ବି ବନ୍ଦ ରହିଛି।
ସୂଚନା ଥାଉକି, ପଲଗାମ୍ ଆଟାକ୍ର ପ୍ରତିଶୋଧ ଭାରତ ନେଇଛି। ମଙ୍ଗଳବାର ବିଳମ୍ବିତ ରାତିରେ ପାକିସ୍ତାର ୯ ଆତଙ୍କୀ ଠିକଣାରେ ବାୟୁସେନା ଏୟାରଷ୍ଟ୍ରାଇକ୍ କରିଛି। ଏଥିରେ ଆତଙ୍କୀ ଶିବିର ଛାରଖାର୍ ହୋଇଯାଇଛି। ଜୈଶ-ଏ-ମହମ୍ମଦ ଏବଂ ଲଶ୍କର-ଏ-ତୋଏବାର ଟ୍ରେନିଂ କ୍ୟାମ୍ପ ଧ୍ଵସ୍ତ ହୋଇଯାଇଛି। ୯୦ ରୁ ଉର୍ଦ୍ଧ୍ଵ ଆତଙ୍କୀ ନିପାତ ହୋଇଥିବା ସୂଚନା ମିଳିଛି।
