ଚଳିତ ବର୍ଷ ମାର୍ଚ୍ଚ ୨୯ ତାରିଖରେ ଶନି ତାଙ୍କ ରାଶି ପରିବର୍ତ୍ତନ କରିଛନ୍ତି । ନିଜର କାଳ ପୁରୁଷ ରାଶି ଅର୍ଥାତ କୁମ୍ଭ ରାଶିରୁ ବାହାରି ଶନି ଦେବ ମୀନ ରାଶିରେ ପ୍ରବେଶ କରିଛନ୍ତି । ଗ୍ରହ ମାନଙ୍କ ମଧ୍ୟରେ ଶନି ସବୁଠାରୁ ଧୀର ଗତିରେ ଚଳନ କରିଥାନ୍ତି ଏବଂ ଅଢେଇ ବର୍ଷରେ ଥରେ ନିଜର ରାଶି ପରବିର୍ତ୍ତନ କରିଥାନ୍ତି । ଏହି କାରଣରୁ ଶନିଙ୍କ ରାଶି ପରିବର୍ତ୍ତନକୁ ଜ୍ୟୋତିଷଶାସ୍ତ୍ରରେ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଇଥାଏ । ତାଙ୍କର ଏହି ରାଶି ପରିବର୍ତ୍ତନ ଫଳରେ କେଉଁ ରାଶି ଉପରେ ଶନିଙ୍କର ଢୈୟା ଆରମ୍ଭ ହୋଇଥାଏ ତ ଆଉ କେଉଁ ରାଶିରେ ଶନିଙ୍କ ସାଢେ ସାତୀ ଏବଂ ଢୈୟାର ପ୍ରଭାବ ସମାପ୍ତ ହୋଇଥାଏ ।
କେତେବେଳେ ହୋଇଥାଏ ଶନିଙ୍କ ସାଢେ ସାତୀ ?
ଶନି ଯେତେବେଳେ ରାଶି ପରିବର୍ତ୍ତନ କରିଥାନ୍ତି, ସେତେବେଳେ ୩ଟି ରାଶି ଉପରେ ଶନିଙ୍କ ସାଢେ ସାତୀ ଏବଂ ୨ ଟି ରାଶି ଉପରେ ଢୈୟା ଆରମ୍ଭ ହୋଇଥାଏ । ଯେଉଁ ରାଶିକୁ ଶନି ଗତି କରିଥାନ୍ତି, ସେହି ରାଶିର ପୂର୍ବ ଏବଂ ପରବର୍ତ୍ତୀ ରାଶିରେ ସାଢେ ସାତୀ ଆରମ୍ଭ ହୋଇଥାଏ । ତାଙ୍କର ଏହି ସାଢେ ସାତୀ ସାଢେ ୭ ବର୍ଷ ଯାଏ ରହିଥାଏ ।
କେତେବେଳେ ହୋଇଥାଏ ଶନିଙ୍କ ଢୈୟା ?
ଶନି ଦେବ ପ୍ରତି ଅଢେଇ ବର୍ଷରେ ଥରେ ରାଶି ପରିବର୍ତ୍ତନ କରିଥାନ୍ତି । ଏହି ସମୟରେ ସେ ଉକ୍ତ ରାଶିର ୪ର୍ଥ କିମ୍ୱା ୮ମ ଭାଗରେ ଅବସ୍ଥାନ କରିଥାନ୍ତି । ତେଣୁ ସେହି ରାଶି ଉପରେ ଶନିଙ୍କ ଢୈୟା ଆରମ୍ଭ ହୋଇଯାଇଥାଏ । ଜ୍ୟୋତିଷ ମାନ୍ୟତାନୁସାରେ ପ୍ରତ୍ୟେକ ବ୍ୟକ୍ତିଙ୍କ ଜୀବନରେ ଥରେ ସାଢେସାତୀ ଏବ ଢୈୟା ନିଶ୍ଚୟ ଲାଗିଥାଏ ।
ମେଷ ରାଶିରେ ସାଢେ ସାତୀ ଆରମ୍ଭ-
ଶନି ଦେବ ମୀନ ରାଶିର ପ୍ରବେଶ କରିବା ମାତ୍ରେ ମେଷ ରାଶିରେ ସାଢେ ସାତୀ ଆରମ୍ଭ ହୋଇଯାଇଛି । ମେଷ ରାଶିରେ ଶନିଙ୍କ ସାଢେ ସାତୀ ୨୦୩୨ ପର୍ଯ୍ୟନ୍ତ ରହିବ । ୨୦୩୨ ରେ ଯେତେବେଳେ ଶନି ରାଶି ପରିବର୍ତ୍ତନ କରିବେ, ସେତେବେଳେ ମେଷ ରାଶିର ବ୍ୟକ୍ତିଙ୍କୁ ଶନିଙ୍କ ସାଢେ ସାତୀକୁ ମୁକ୍ତି ମିଳିବ ।
ସିଂହ ଏବଂ ଧନୁ ରାଶିରେ ଢୈୟା ଆରମ୍ଭ-
ଶନି ଦେବ କୁମ୍ଭ ରାଶିରୁ ବାହାରି ମୀନ ରାଶିରେ ପ୍ରବେଶ କରିବା ମାତ୍ରେ ସିଂହ ଏବଂ ଧନୁ ରାଶିର ବ୍ୟକ୍ତିଙ୍କ ଉପରେ ଢୈୟା ଆରମ୍ଭ ହୋଇ ଯାଇଛି । ଦୀର୍ଘ ଅଢେଇ ବର୍ଷ ପର୍ଯ୍ୟନ୍ତ ସିଂହ ଏବଂ ଧନୁ ରାଶିର ବ୍ୟକ୍ତିଙ୍କ ଉପରେ ଢୈୟାର ପ୍ରଭାବ ପଡ଼ିବ । ଅଢେଇ ବର୍ଷ ପରେ ଶନି ପୁନର୍ବାର ଚଳନ କରିବେ । ସେତେବେଳେଏହି ୨ ରାଶିର ବ୍ୟକ୍ତିଙ୍କୁ ଢୈୟାରୁ ମୁକ୍ତି ମିଳିବ ।
