ନୂଆଦିଲ୍ଲୀ,୨୮।୧: ମହାରାଷ୍ଟ୍ର ଉପ-ମୁଖ୍ୟମନ୍ତ୍ରୀ ଅଜିତ ପାୱାରଙ୍କ ମୃତ୍ୟୁକୁ ନେଇ ସାରା ରାଜ୍ୟରେ ଶୋକାକୁଳ ପରିବେଶ। ଏହା ମଧ୍ୟରେ ପୁତୁରାର ମୃତ୍ୟୁ ନେଇ ପ୍ରଥମ ପ୍ରତିକ୍ରିୟା ଦେଇଛନ୍ତି  ଶରଦ ପାୱାର। ସେ କହିଛନ୍ତି,ଏହା ସମ୍ପୂର୍ଣ୍ଣ ଭାବରେ ବିମାନ ଦୁର୍ଘଟଣା। ଏଥିରେ କୌଣସି ପ୍ରକାର ରାଜନୀତି ନହେଉ। ମହାରାଷ୍ଟ୍ର ଆଜି ଏଭଳି ଏକ ନେତୃତ୍ବ ହରାଇଛି, ଯାହାର କ୍ଷତିପୂରଣ କରି ହେବନି। ଏହା କେବଳ ପରିବାର କିମ୍ବା ରାଷ୍ଟ୍ରବାଦୀ କଂଗ୍ରେସ ପାର୍ଟିର ନୁହେଁ,ବଂର ପୁରା ରାଜ୍ୟ ପାଇଁ ଅପୂରଣୀୟ କ୍ଷତି। କିଛି ଲୋକ ଏହି ଘଟଣାକୁ ରାଜନୀତିକରଣ କରିବାକୁ ଚେଷ୍ଟା କରୁଛନ୍ତି, ଏବଂ ମୁଁ ଏଥିରେ ବହୁତ ନିରାଶ। ଏଥିରେ କୌଣସି ରାଜନୀତି ନାହିଁ; ଏହା ଏକ ସମ୍ପୂର୍ଣ୍ଣ ଦୁର୍ଘଟଣା ଥିଲା। ଏହି କ୍ଷତିର ଯନ୍ତ୍ରଣା ଏପରି କିଛି ଯାହା ମହାରାଷ୍ଟ୍ରରେ ଆମେ ସମସ୍ତେ ଅନୁଭବ କରୁଛୁ। ଦୟାକରି, ମୁଁ ଆପଣଙ୍କୁ ଅନୁରୋଧ କରୁଛି, ଏଥିରେ ରାଜନୀତି ଆଣନ୍ତୁ ନାହିଁ। ମୁଁ କେବଳ ଏତିକି କହୁଛି।’

ଏହା ପୂର୍ବରୁ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଦୁର୍ଘଟଣାକୁ ରାଜନୈତିକ ଷଡଯନ୍ତ୍ର ସହ ଯୋଡିଥିଲେ।ସେ ଦାବି କହିଥିଲେ,ଅଜିତ ତାଙ୍କ ଦାଦା ଶରଦ ପାଓ୍ବାରଙ୍କ ପାଖକୁ ଫେରିବାକୁ ଯୋଜନା କରୁଥିଲେ। ଏବେ ପୁଣି ଏଭଳି ଘଟଣା ଘଟିଗଲା। ସେ ଏହି ବିମାନ ଦୁର୍ଘଟଣା ଉପରେ ପ୍ରଶ୍ନ ଉଠାଇ ସୁପ୍ରିମକୋର୍ଟଙ୍କ ତଦାରଖରେ ତଦନ୍ତ ଦାବି କରିଥିଲେ। ଏହା ସହ କହିଥିଲେ ଅଜିତ ପାୱାର ଦୁର୍ଘଟଣା ଖବର ଶୁଣି ମୋତେ ଆଘାତ ଲାଗିଛି। ଯେତେବେଳେ ଏହି ଦେଶରେ ରାଜନୈତିକ ନେତାମାନେ ସୁରକ୍ଷିତ ନୁହଁନ୍ତି, ସାଧାରଣ ଲୋକଙ୍କ ସୁରକ୍ଷା ବିଷୟରେ ଆମେ କ'ଣ କହିପାରିବା? ଦୁଇ ଦିନ ପୂର୍ବରୁ ସେମାନେ ଜାଣିବାକୁ ପାଇଲେ ଯେ ଅଜିତ ପାୱାର ବିଜେପି ଛାଡିବାକୁ ଯାଉଛନ୍ତି। ଆଜି, ଏହି ଘଟଣା ଘଟିଛି। ଆମେ କେବଳ ସୁପ୍ରିମକୋର୍ଟ ଉପରେ ବିଶ୍ୱାସ କରୁ, ଅନ୍ୟ କୌଣସି ଏଜେନ୍ସି ଉପରେ ନୁହେଁ। ସମସ୍ତ ଏଜେନ୍ସି ସମ୍ପୂର୍ଣ୍ଣ ଭାବରେ ବୁଝାମଣା କରିଦେଇଛି।

​​​​​​​

ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ମଧ୍ୟ ମମତା ବାନାର୍ଜୀଙ୍କ କଥାକୁ ସମର୍ଥନ କରିଛନ୍ତି। ସେ ବିମାନ ଦୁର୍ଘଟଣାରେ ଅଜିତ ପାୱାରଙ୍କ ମୃତ୍ୟୁ ପାଇଁ ଦୁଃଖ ପ୍ରକାଶ କରି କହିଛନ୍ତି, ସେ ଛଅ ଥର ଉପ-ମୁଖ୍ୟମନ୍ତ୍ରୀ ଏବଂ ମହାରାଷ୍ଟ୍ରର ଜଣେ ଲୋକପ୍ରିୟ ନେତା ଥିଲେ। ଆଜିର ବିଶ୍ୱରେ, ଯେତେବେଳେ ଆମେ ପ୍ରଯୁକ୍ତିବିଦ୍ୟାକୁ ବୁଝୁଛୁ ଏବଂ ଏତେ ସଚେତନ, ସେ (ମମତା ବାନାର୍ଜୀ) ନିଶ୍ଚିତ ଭାବରେ ଠିକ୍ ଦାବି କରିଥିବେ। ଏହି ଘଟଣା କାହିଁକି ଘଟିଲା ତାହା ସ୍ପଷ୍ଟ ହେବା ଉଚିତ। ପୂର୍ବରୁ ଅନେକ ଭିଆଇପି ସମାନ ଉପାୟରେ ଜୀବନ ହରାଇଛନ୍ତି। ଘଟଣାର କାରଣ ନିରପେକ୍ଷ ଭାବରେ ନିର୍ଣ୍ଣୟ କରିବା ପାଇଁ ତଦନ୍ତ କରାଯିବା ଉଚିତ।’

ଆହୁରି ପଢନ୍ତୁ : ପାଇଲଟ୍ କହିଥିଲେ- ରନୱେ ଦେଖାଯାଉଛି, ତଥାପି ହେଲା ପ୍ଲେନ୍ କ୍ରାସ୍ : ଜାଣନ୍ତୁ କ’ଣ କହିଲା ଡିଜିସିଏ ?